طلب تسعير

[cafe]

طيب متزعلش نفسك اوي كدة
بص انا امتلكت عيون صفية و الكريستالة و المكوة و البومة و كلهم قعدوا معايا فترة مش قليلة ما عدة عيون صفية و عايز اشتري الشارك كمان بس خايف اجيبها معرفش ابيعها بسهولة بعد كدة
عايز اقولك ان احسن موديل ركبتة فيهم و استمتعت بية بجد هي المكوة و انا اللي بقولك بقى انزل السوق و شوف المكوة النظيف منها الخناق بيبقى علية في السوق ازاي
و سهل اوي تجيب مكوة سبورت ب 60-62 الف نظيفة
الكريستالة قدمت اوي بقى من النادر تلاقي فية حاجة نظيفة اجدد موديل بقالة 13 سنة في شوارع مصر و فية جامبو اة موديل 97 و 96 كمان خليجي و شفتها كثير قبل كدة
عربيتك متتقارنش بالسوبر اكشن عربيتك تتقارن في البومة باللي سبورت 1300 اللي نزلت في 2004 و 2005 بس كانت نازلة بنفس كمالييات السوبر اكشن بالضبط بس على جنط اسبور 14 و سعرها دلوقتي من 64 ل 68 لو نظيفة اوي ومش راشة برة و عداد قليل و ممكن تبعت للاستاذ شريف وهبة تسالة لو مش مصدقني
و اعتقد بالسعر دة و فرق الموديل و الشكل و كل حاجة حرام ادفع في كريستالة 60 الف زي ما بتقول

سيدي الفاضل انا مش زعلان اساسا لا أوي ولا شوية
احنا بندردش مش اكتر وعلى رأي الاستاذ جرجاوي اختلاف وجهات النظر لا يفسد في الود قضية

انت بالظبط بتقول الي انا قولتة و أكد علية الاستاذ جرجاوي....... ان النضيف من المكوة بكذا
وبكذا وهو دة اساس الموضوع بغض النظر انها عجبتك شخصيا او لا , والحاجة الي مخليه المكواة مضروبة بالنار في البيع والشرا هو انها مش محبوبة في السوق بصفة عامة وليس خاصة وبناءا علية قطع غيارها مش بوفرة الكريستالة والبومة .....

بالنسبة لحكاية الكريستالة خللت والمكواة جديدة فأحب افكر حضرتك انك طبعا عارف كويس لأنك ركبتهم كلهم ان الكريستالة ل 2000 والمكواة ل 2003 يعني قصة 3 سنين
و بردو هنا نرجع للنقطة الاساسية ........ لو عيون صفية (الي كانت معايا قبل كدة) حالتها فابريكة احسن من بومة مدلدلة

والكلام الي حضرتك كاتبة أهه (الكريستالة قدمت اوي بقى من النادر تلاقي فية حاجة نظيفة اجدد موديل بقالة 13 سنة في شوارع مصر)).

بالنسبة لنقطة الكريستالة الموجود منها جامبو و خليجي كمان............ اوضحها لحضرتك شوية الخليجي غير الجامبو اساسا
الخليجي معروف ان فية قطع غيار مش متوفرة بسهولة وخصوصا للمكنة الي هي مش 1300
الخليجي بينزل بفتحة سقف فعلا مع الكماليات وزيادة كمان اير باج مظبوط بس بردو بيفرق عن المواصفات المصرية الي هي بأة الجامبو و دة في حد ذاتة بيفرق في السعر وخد بالك ان الجامبو نادر مش كتير والخليجي سعرة اقل وبيعة اصعب

و هو دة فعلا الي بيخلي الواحد يسمع ان فية كورولا 2005 مثلا ب 80 الف , وشوية تسمع كورولا 2007 ب 100 الف !!! اية دة لية الفرق دة ؟؟ بنسأل نعرف .

انا مش حتكلم عن عربيتي الشخصية و المقارنة بينها وبين السوبر اكشن والاسبورت عشان دي نقاط واضحة للكل ...... ولو في اي عضو قرا الموضوع حيبتدي يحس ان انا بتفذلك

في النهاية يا اخي الفاضل كلها اختلاف وجهات نظر ........... مش اكتر وارجو انك ماتكونش زعلت لاي سبب لا كتير ولا قليل
وتشرفت بمعرفتك

واحب اقول لصاحب الموضوع الي نسينا اساسا هو كان بيتكلم عن اية هههههههههههههههه
شوف الاول حتجيب اية بديل.... وبكام واسمع سعر الاول بنفسك كلام بيع وشرا واتفرج
وبعد كدة انت حتعرف تبيع عربيتك بنفسك بسهولة اوي

شكرا لكم جميعا

[hplv]

شكرا يا جماعة على الردود
للاسف الموضوع تحول الى جدال غريب ولكن لا مشكلة
انا الحمد لله سالت كذا معرض المهم قالو ليا من 42 الى 45 المهم رحت لميكانيكى وسمكرى جابولى الخلاصة وقالو ليا امسك فى 45
ولقت السمكرى بيقولى انتا عالعربية تعتبر عندك فبريكة دواخل لانها مش خبطات قوية ده حاجات بسيطة جدا جدا
وقالى انت اعايز تبيع ليه حد يبقى عنده كريستالة ويبيع ده انا ندمان انى بعت بتاعتى انتا معاك عربية تشتغل على بنزين 80 ومحدش عاررف هيحصل ايه قدام وكلمنى كلام كتير والله اول مرة احس ان فى صنايعى محترم كدا وبيراعى ربنا
ورحت لواحد بتاع دوكو قالى لو انتا علىى استعداد تصرف 2500 جنيه على العربية ممكن سعرها يوصل 50 الف لان العربية ممتازة جدا من الداخل والحوض اكتر من ممتاز
اللمهم انا باشكر حضراتكو على الاهتمام

[newmoner]

والله ياجماعة انا متابع الحوار بتاعكوا ده وفى حاجات كتيرة عديتها كتير انما اللى مش قادر ابلعها ابدا هى حتة ان الجامبو فى نفس مستوى السوبر اكشن !!! صعب اوى يعنى

[M.Elgergawy]

والله ياجماعة انا متابع الحوار بتاعكوا ده وفى حاجات كتيرة عديتها كتير انما اللى مش قادر ابلعها ابدا هى حتة ان الجامبو فى نفس مستوى السوبر اكشن !!! صعب اوى يعنى

ما انا كمان عديتلك لما قولت لو كريستالة تمام 42 الف جنيه
دا انا بايع لانوس 1 موديل 2000 ب 43250 جنيه
يعني الكريستالة ارخص من اللانوس

[cafe]

ما انا كمان عديتلك لما قولت لو كريستالة تمام 42 الف جنيه
دا انا بايع لانوس 1 موديل 2000 ب 43250 جنيه
يعني الكريستالة ارخص من اللانوس

انا حاولت بجد اشرحلة بأستفاضة لتبادل المعلومات على اساس انة ممكن يكون مش واخد بالة
على اساس الكريستالة الي ب 42 دي

بس في الاخر جامبو و اكشن !

محدش بيرمي حاجتة على كل حال

[newmoner]

ما انا كمان عديتلك لما قولت لو كريستالة تمام 42 الف جنيه
دا انا بايع لانوس 1 موديل 2000 ب 43250 جنيه
يعني الكريستالة ارخص من اللانوس

انا بتكلم عن العربية اللى صاحبها بيسال على سعرها تحديدا مش الكريستالة عامة وقلتله 42 فعلا لانها مخبوطة ولو قريت التعليق بتاعه هاتلاقى الرجل سال والناس قالوله سعرها من 42 الى 45 !!! سبحان الله !
وبعدين ياعم ربنا يباركلك فى عربيتك ويارب تبيعها ب 70 الف مش ب 60 انا ماكرهش والله
هنا كل واحد بيقول وجهة نظره واكيد هانختلف واسف ياسيدى لو كان كلامى ضايقك

[M.Elgergawy]

انا بتكلم عن العربية اللى صاحبها بيسال على سعرها تحديدا مش الكريستالة عامة وقلتله 42 فعلا لانها مخبوطة ولو قريت التعليق بتاعه هاتلاقى الرجل سال والناس قالوله سعرها من 42 الى 45 !!! سبحان الله !
وبعدين ياعم ربنا يباركلك فى عربيتك ويارب تبيعها ب 70 الف مش ب 60 انا ماكرهش والله
هنا كل واحد بيقول وجهة نظره واكيد هانختلف واسف ياسيدى لو كان كلامى ضايقك

على فكرة مش انا اللى طالب في عربيتي 60 الف
انا غلبان معايا كريستالة عادية مش جامبو

[yousefsemsem]

ياجماع ربنا يباركله فيها احنا بنحسب انه قدامه وبيشتري وهي مخبوطه فبنحاول نساعده انه يقفش علي السعر اللي اتشاورنا فيه علشان مصاريفها لكن الراجل ماوضحش انه بيشتري ولا بيبيع وفي الاول ولا الاخر السوق بيبقي عرض وطلب واللي عاجبه بيشتري والي مش عاجبه مابيشتريش