عايز اغير تيل فرامل لانسر 2007

[delaga]

انا الحمد لله لسه شارى لانسر بومة 2007 سبورت اوتوماتيك من اسبوع
لما الفتيس يكون على d وانا دايس فرامل واسيب سنة علشان تمشى اسمع صوت تزييق جامد
هل ده التيل خلص وبيحك فى الطنابير ولو كده اجيب تيل منين نضيف وبكام وانا من الهرم وانا عموما بفضل الحاجة النضيفة بس ماتكونش غالية اوى برضه
اسف على الاطالة وياريت حد يفدينى لانى لسه جديد فى الانسر

[amr213]

متابع بإهتمام لأن عندي نفس المشكلة مع إني مغير التيل قريب بس نوع مش أصلي بـ 90 جنية

[elmoski]

عندي نفس الصوت .. ده طبيعي متخافش.. ده صوت الفرامل عادي ... و افضل نوع تيل ريمسا الاسباني

[lanos2004]

التيل الاصلى 500 جنيه-واصلا معظم الانسر بتعمل الصوت دة مش عارف ليه -واحيانا يختفى-لانسر 2007 1300 اتوماتيك

[MR . Gold]

دة صوت طبيعي ومفيش منة اي قلق دة صوت عادي لما بتكون دايس فرامل وبتسيبها سنة سنة تعمل كدة مفيش منة اي قلق نهائي ومش شرط يكون التيل خلص علشان تعمل الصوت دة

[walidadel81]

عادي جداااا صوت طبيعي

[delaga]

شكرا يا رجالة على الردود انا بس خوفت على الطنابير

[ABOSHEHAB]

الف مبروك يا باشا على العربية
ك
ربنا يباركلك و يحفظ
ك من كل شر
ممكن اسالك اخبارها ايه و بكام عايز اعغير و خايف منها عفشة و مصروفات الصيانة

[HaMaKyy]

انا بتحصل معايا والعربية بردة
بس لما بسخنها كويس مش بتعمل كدة خالص

[delaga]

الف مبروك يا باشا على العربية
ك
ربنا يباركلك و يحفظ
ك من كل شر
ممكن اسالك اخبارها ايه و بكام عايز اعغير و خايف منها عفشة و مصروفات الصيانة

الله يبارك فيك وربنا يخليك
انا جايبها على 75 الف انا الحمد لله جايبها حالة نضيفة ماكانتش محتاجة مصاريف ولحد دلوقتى ماعملتش فيها اى حاجة هى ماشية تمام بقالها معايا اسبوع وبصراحة الانسر عربية نضيفة اوى

[omaroof]

صوت طبيعى جدا وهو صوت احتكاك التيل مع الطنبوره لانك موش دايس بريك على الاخر ولا سايب البريك
العربيه عاوزه تتحرك اسرع مما انت سامح لها فالعربيه بتتحرك وفى نفس الوقت انت ماسكها شويه بالبريك
اى عربيه لازم تطلع صوت

[a_saladen]

السلام عليكم
ألف مبروك وربنا يباركلك فيها ويعطيك خيرها ويكفيك شرها - بما إنك مشتريها جديد ومش عارف عنها حاجة يبقى الأفضل انك تروح لعفشجي أو ميكانيكي يكشف على التيل وبالمرة تعرف فاضل فيه قد إيه.
بالنسبة للتيل أنا جربت قبل كده التيل الأسباني علشان أرخص من الأصلي بكتير وهو مش وحش بس بيسيب أثر على الطنبورة ولما جربت بعد كده التيل التركي طلع نضيف جدا جدا وأرخص (مش عارف ليه) بس مشكلته انه بيقعد مدة أقل من الأسباني أما التيل الأصلي عمري ما فكرت اشتريه ولا حجيبه أبدا نظرا لسعره المبالغ فيه جدا جدا جدا - وبالمناسبة خلي بالك فيه صفيحة بتيجي مع التيل وبعض الناس بتهملها لكن أنا أفضل انك تركبها علشان دي بتديلك تنبيه قبل ما التيل يخلص بمدة كافية علشان تغيره قبل ما يوصل للطنبورة وكمان فيه سوست راكيبن مع التيل تأكد أنهم موجودين ولو واحدة منهم مش موجودة لازم تجيبها وغالبا هتلاقيها عند العفشجي أو الميكانيكي ودي بسبب عدم وجودها ممكن تسمع طقطقة مش ظريفة كل ما تدوس فرامل.
بالتوفيق إن شاء الله.

[mohamedzian]

بعد اذنك ممكن تكتب اسم التيل اللى بتجيبه وبيعمل كام