صفرة التيل

[CIVIC_VTEC]

السلام عليكم ورحمة الله وبركاته ,,,
جميع أعضاء المنتدى الكرام لكم أطيب تحياتي
انا اخر مره غيرت لعربيتى شارك 2008 تيل كوري لقيته شبه الأصلي وبيقولو عليه كويس .. كان عامل 100 جنيه
المهم يومين والتيل ابتدى يصفر .. وبقى صوته مزعج ..
هل فيه حل للصفاره دي ..؟؟
مشكور ليكم جميعا مقدما :)

[akmm]

تقريبا مالوش حل لأن الصفاره دى بتكون نتاج احتكاك المعدن الموجود داخل طبقات التيل بديسك الفرامل ... حاول وده مؤقت تفك التيل وتعمل له نظافه وتخشين وممكن تروح الصفاره لفتره او تقل .. وده مش عيب فى السياره او ديسكات الطمبوره ولكن عيب فى تصنيع التيل ذاته وجودته قليله .

[mody1221]

الصفرة دى مش حتروح لان التيل ردىء زى ما الاخ الفاضل قال
حاول تغيرهم بدرى بحاجة نضيفة عشان الطنابير تفضل سليمة

[Saeed-Taha]

حصلت معايا وكان نوع التيل تايوانى
اسبوع بالظبط وبدأ يصفر

بعد فترة غيرته بنوع تانى افضل والصفرة راحت

[mohamedzian]

حد عنده صورة للتيل الريمسا او للعلبه بتاعته

[CIVIC_VTEC]

شكرا جدا ياشباب لاهتمامكو وردكو ..
لو حد يعرف نوع تيل كويس يكون مجربه للانسر شارك ياريت يقولى عليه .. وجزاه الله كل خير

[eng.ghost]

هات الاصلى لان دى فرامل مش هزار

[CIVIC_VTEC]

انا كنت مركب الاصلى .. وركبت الكوري دا ومفيش فرق فى الاداء .. غير بس موضوع الصفره دا

[mohamedosman1s]

سوستت صفارة

باشا انا كان عندي المشكلة ديه وغيرت اكثر من تيل كوري واسباني وفي الاخر قررت اجيب الأصلي . وانا بشتريه لقيت معه 8 قطع معدنيه وسالت عنها قلي انها سوتت الصفارة وديع بتمنع الصفارة ومش بتتباع مع التيل الكوري والأسباني بس ممكن تشتريها لوحدها وتركبها مع اي تيل وفعلا اشتريتها ب 40 جنيه وجربتها وفعلا انتهت الصفارة جرب واسال عنها وتكلفتها مش زي التيل الأصلي وديه المفروض تتغير كل متغير تيل عشان بتضعف وبتحتاج تتغير