هل يوجد فى السوبر أكشن ما يسمى ببار الاتزان

[semsem8100]

الى خبراء الانسر هل يوجد فى أعلى فئه اللى هى السوبر أكشن أو زى ما بيسموها الرياضيه بار الاتزان زى كان فى الصنى السوبر صالون كان فى حاجه أسمها بار الاتزان أو مانع الانقلاب وهو ما يعطى للسياره ثبات وأتزان أكثر على السرغات العاليه وخصوصا فى المنحنيات الصعبه وياترى ليه مش شايف حد بيتكلم عن السوبر أكشن 2013 لأنى بصراحه بفكر فيها بس مستنى لما أشوف الفئه الاعلى فى النيسان الجديده اللى هتنزل خلال شهر علشان أقارن بينهم لأنى نيساناوى قديم .. ولا أنتو أيه رأيكم ولكم جزيل الشكر

[Invensys2011]

متابع

[Samooh_2003]

كام فيه موضوع هنا فعلا بيتكلم على الكلام ده واعتقد انها مسامير بتركب اسفل السيارة من تحت وشفتها ووموجودة طبيعي وبتبان بالعين لو بصيت اسفل السيارة وممكن تدور على الموضوع لحد ماباقي الاعضاء يشاركو اكتر انشالله

[Mostafa_Nour]

السلام عليكم أخى الكريم

بالنسبة لسؤال حضرتك عن بار الاتزان أو ال (antiroll - antisway Bar) , فهو موجود فى جميع السيارات (ماعدا الصغيرة جدا اللى فى حجم الماروتى مثلا) من الثمانينيات بدون استثناء (عربية والدى بيجو 505 موديل 84 فيها بار الاتزان اللى بنتكلم علية , لكن فى الأمام فقط وليس فى الخلف) , بمعنى أنة موجود من زمان فى معظم العربيات , (وهو بالمناسبة مش بيفرق الفرق الرهيب أوى يعنى :) )

يبقى بار الاتزان دة موجود فى كل العربيات من الأمام , بينما مش موجود فى الكل من الخلف

وخللى بال حضرتك من حاجة لما نتكلم عن التعليق الخلفى , فى فرق بين بار الاتزان (antiroll - antisway Bar) وبين الشداد (panhard rod) , الأول بيبقى واخد شكل القوس دة [ بس بيبقى فى المستوى الأفقى , بينما التانى بيبقى شكلة / ( لما تبص على العربية من ورا بتلاقى حديدة مايلة بالورب كدة ماسكة بين جسم العربية الشمال فوق السوست وبين مستوى العجلة اليمين تحت , هتشوفها بوضوح فى العربيات الشاهين , اللادا , الفيات 131 و 124 والنيفا , كذلك فى الصنى موديلات 2005 ونازل (يمكن ماتبتبقاش واضحة أوى) , ولازم هتكون موجودة فى النيسان السوبر صالون رغم انى ماشفتهاش , بس لأنة تعليق غير مستقل لازم هيكون موجود (ماعدا التورشن بيم مش بيحتاجها) لأن الشكل الهندسى من غير الشداد بيبقى غير متزن , فلازم يتحط شداد عشان يبقى متزن (ونظام التعليق غير المستقل هو نظام غير جيد بالمناسبة)

أتمنى أنى أكون عرفت أوصل الفرق لحضرتك .

لو حضرتك كنت بتسأل عن ال panhard rod حضرتك كدة عرفت
لو حضرتك كنت بتسأل عن antiroll bar نكمل مع بعض

أظن أنة مش موجود فى اللانسر السوبر أكشن , لأنة فى الشارك مابيبقاش موجود غير فى ال GT 2000 CC والراليارت والايفوليوشن , لكن حتى ال 2000 سي سي العادى مش فيها

و100% دة مش موجود فى النيسان غير قدام بس , لأن لو كان يهمهم الثبات أوى كدة كانوا عملوا تعليق مستقل

بس عموما البوما عربية لا غبار عليها , و لو تقدر تعلى شوية هات شارك

ربنا يوفقك فى الأختيار

وماتنساش تصلى الاستخارة

أعتذر للأطالة وتقبل تحياتى

[semsem8100]

أشكر للأستاذ مصطفى أهتمامه وجزاك الله خيرا

[M!SHO]

بص اللى أعرفه أنه موجود فى الموديلات قبل 2010

اما بعد كده مش متأكد ( كنت سمعت أنه أتشال )

الموضوع سهل وبالنظر ممكن تعرف اذا كان موجود...اه ومتعتمدش على كلام المعارض :)