مشكلة فى فتحة السقف

[ahmedhosssamy]

اصدقائى الانسراوية عندى مشكلة فى بومة 2008 سبورت فتحة السقف مش عاوزة تقفل و قمت بقفلها يدوى مع الضغط على ازر لغلقها و هى الان مرفوعة سنة من احد الاجناب و لا تعمل اروح لمين لاصلاحها جيدا مع العلم ان احد بتوع الابواب قال لى ان الواير مهرب و لازم فك السقف كلة ارجو المساعدة

[windofchange]

حضرتك في واحد بتاع ابواب اعرفه في العرب جسرالسويس اثق بانه كويس ان شاء الله اسمه عصام لو تحب كلمني اقلك رقمه ايهاب 01005683531

[MoStAfA MaHmOuD]

لازم فعلا تفك فرش السقف كله الأول وعند بتاع الأبواب هيفك الفتحة ويظبطها وتركب تانى

[MohammedAladel]

خلى بالك لو لزم فك السقف واحد كويس يفكه لأن السقف فى أى عربية حساس

[أبو إياد]

لو عاوز حد متخصص ( عادل كابورليه ) شارع مجلس الامه - لاظوغلى
هو غالى جدا بس هايحللك مشكلتك

[ابو ابراهيم]

جرب تحط عى المجرى شوية زيت ماكنة ولا حاجة وشوف
لو مظبطتش - يبقى فعلا واير

[MohammedAladel]

بلاش زيت

[MITSUKERO]

ياباشا المشكلة دي معروفة جدا في البومة

اول حاجة الويرات بيبقي باظت و لازم تجيبهم اصلي لان الويرات المضروبة هتبوظ بسرعة جدا

تاني حاجة اوعي تروح لحد غير متخصص بتاع ابواب و الكلام ده كله هيبوظ التروس بتاعة الفتحة و لو التروس باظت هتكلفك تقريبا 3000 جنية !!!
الموضوع هيحتاج فك فرش السقف بالكامل و تركيب الويرات و تظبيط فتحة السقف و لو فيه ريش بلاستيك مكسورة هتتغير
في التوكيل كانت التكلفة 1400 جنية بس المصنعية كانت غالية تقريبا 500 جنية لوحدها

الخلاصة

روح مركز المتخصصون في الاميرية بتاع ميتسوبيشي و هم هيعملوهالك واحد صاحبي صلحها علي ايد الناس دي في التوكيل قبل ما يفتحوا و رجعت جديدة و بقالها سنه و نص لحد دلوقتي و كل اللي هناك شغالين في التوكيل

الاميرية بعد مصنع بسكو مصر و انت رايح من مصر الجديدة بعد بنزينة التعاون

والله اعلي و اعلم

[ahmedhosssamy]

mashkoreeeeeeeeeeeeeeeeeeeeeeeeen gedaaan

[as_samman]

متجرب

لو عاوز حد متخصص ( عادل كابورليه ) شارع مجلس الامه - لاظوغلى
هو غالى جدا بس هايحللك مشكلتك

انا شخصياً جربته على نصيحة الاخ ابو إياد و هو نضيف جداً و محترف والاصلاح من فك و تركيب لم يستغرق نصف ساعة