مراكز الخدمة والصيانة (شركة مصرية)

[مصراوي جدا]

ارجومنكم الافادة فى نوعية استخدام التيل فرامل الكويس لانسر 2007 لاننى بصراحة زحقت ولكم الف شكر ارجو الافادة وبسرعة

في تيل الفرامل بالتحديد يفضل دايما تجيب الأصلي رغم ان سعره غالي شوية (385 ج + 10%)

[ahmedabdalhady]

الف شكر على الاهتمام يا بشمهندس مصراوى ولكن اسم التيل اية واشترية من فين لانة بصراحة الواحد ميقلق من اصحاب قطع الغيار لانة الاغلبية عندهم مضروبة مش اصلى ويقول انها اصلى % وسالت عن التيل الاصلى بكم 480 جنية وليس عندة معاش ارجوا الافادة وجزاك الله كل خير

[مصراوي جدا]

التيل الأصلي يباع للعملاء في جميع مراكز الخدمة والصيانة التابعة للوكيل (مصرية) او المعتمدة والمذكورة في هذا الموضوع في الأول وكذلك في محل قطع الغيار التابع للوكيل والموجود في الكيت كات وعنوانه في اول صفحة

[Ayman2007]

شكرا على مراكز الخدمه وفي مركز جديد في العاشر من رمضان للناس بتوع مدن القناه زي حالاتي كده

ممكن حضرتك توصفهولي

[مصراوي جدا]

مركز العاشر من رمضان لم يتقدم لشراء أي قطع غيار حتى الآن ولم يستلم كتالوجات قطع الغيار الالكترونية ، وبالتالي لا أنصح به حتى يبدأ العمل الفعلي مع التوكيل

[sweet_pain]

شكرا جدا

[Simple]

MR Tarek i appreciate ur greate efforts for improving our knowlage to mitsubishi cars but i have a questions could u please answer it for me i payed a deposit for masrya (MAAdi ) branch for lancer 2009 ex for price 125000 le so how to make sure that the car is under garantee also the km counter is 501 km is this km too much or what as the sales person told me its coming from alex so what do you think



1-how to make sure car is under garantee
2- 501 km is too much or what
3- buy it from rawas is better
??????????????????????

so please answer me as soon as possibel so that i'm not gonna take it unless you answer me
thanks in advance

[مصراوي جدا]

اهلا وسهلا بحضرتك معانا في المنتدى

المصرية للسيارات موزعين معتمدين لنا (الوكيل شركة مصرية) واعتقد عندهم خليجي كمان فعلشان تتأكد ان العربية ضمان الوكيل مصرية لازم دفتر الضمان بيكون مختوم بختم شركة مصرية ضمان 3 سنوات او 100 ألف كيلو متر

وطبعا لو جبت لي رقم الشاسيه هاقدر اكشف عليه واقول لك العربية وكيل ولا لأ

بخصوص العداد هو كتير شوية طبعا
عربياتنا بتيجي على بورسعيد مش اسكندرية وبتيجي من بورسعيد محملة على تريلات الى المخزن في قليوب ثم سواقين المعارض ياخدوها من قليوب الى المعرض حسب مكانه

ممكن العربية دي تكون راحت معرض المصرية للسيارات في اسكندرية (سواقة) ورجعت على معرض المعادي فعملت ال500 كيلو دول

سؤالك الأخير تشتري من الرواس افضل ولا لأ
الرواس موزع معتمد لشركة مصرية وفي نفس الوقت مستورد للعربيات الخليجي وبيدي عليها ضمان الرواس 3 سنوات او 60 ألف كيلو متر
فلو العربية مصري يبقى مش هتفرق من حيث الضمان تشتريها من معرض شركة مصرية او من الرواس أو من المصرية
للسيارات
ولو خليجي اسأل عن الضمان هل لها ولا لأ

وتحت امرك في اي سؤال

[Simple]

يا باشا ربنا يكرمك و يخليك

[is1404]

ما هو أفضل مكان يضبط تكييف وكهربة ميتسوبيشي لانسر الكرستالة أوتوماتك 96 وبأقل الأسعار ؟
وبالنسبة للصيانة الدورية أين تنصحوني أعملها؟ ما هو المكان الأفضل وباقل الأسعار؟
وجزاكم الله خيرا...

[is1404]

ما هو أفضل مكان يضبط تكييف وكهربة ميتسوبيشي لانسر الكرستالة أوتوماتك 96 وبأقل الأسعار ؟
لان الفويزات كانت ضاربة على الفتيس الاوتوماتيك ومخلية السحب سيء جدا ثم عالج لي الكهربائي القريب من بيتي المشكلة بتركيب فيوزات جديدة ولكن شعرت انه بيعك شويه في بعض الاشياء.
وبالنسبة للصيانة الدورية أين تنصحوني أعملها؟ ما هو المكان الأفضل وباقل الأسعار؟
وجزاكم الله خيرا...

[Sadex]

سؤال يا بشمهندس
انا جبت سيارة لانسر 2006 sam قريب وعاوز بس أطمن على حالة العربية بالكامل علشان ماليش فى الميكانيكا، تنصحنى أروح للتوكيل؟ (وأقولوهم إيه) ولا الموضوع مش مستاهل وفى حد كويس بدل مفيش حاجه ظاهرة الحمد لله؟
مع الشكر،،

[مصراوي جدا]

اولا مبروك العربية

ثانيا المهم العربية عاملة كام كيلو متر و لو مع حضرتك تليفون البائع بس اسأله ايه الصيانات اللي عملها للعربية في الفترة الأخيرة

لأن صيانات العربية بتكون كل 10 آلاف كيلو متر واساسها تغيير زيت المحرك وفلتر الزيت وغير كده فيه صيانة تقيلة عند الأربعين ألف كيلو متر بيتغير فيها: فلتر البنزين وزيت الفتيس لو كانت اوتوماتيك والبوجيهات وفلتر الهواء ، وصيانة التمانين الف بيتغير نفس الحاجات بالاضافة الى سير الكاتينة ومجموعة السيور

فمن الآخر حسب كيلو متر العربية بيتم تحديد العربية محتاجة ايه فمثلا لو العربية عاملة 85000 فلازم تسأل البائع هل عمل صيانة التمانين ولا لأ وهل غير سير الكاتينة ومجموعة السيور ولا لأ

[Sadex]

أولا أشكرك على الرد السريع ده
ثانياً بالنسبة للعربيه هى عاملة 41000كم والراجل مغيرلها زيوت وفلتر زيت بس أنا حاسس مع السرعة والمسافات الطويلة فى حرارة شوية من عند حامل الأكواب اللى جنب الفتيس بس مشعارف اللانسر كده ولا مشطبيعى وحجات كده صغيرةيمكن تكون هى العربيه كده خصوصاً زى ما سعاك قلت إن اى حاجه غير طبيعية التابلوه فيه حساسات لكده؟
إيه رأيك؟

[مصراوي جدا]

بخصوص الكيلو متر فزي ماقلت لحضرتك ان فيه صيانة الأربعين وهي اول صيانة تقيلة بتتغير فيها حاجات كتير وطبعا ده لمصلحة العربية للمحافظة عليها فلو مكانش غيرها لازم حضرتك تغيرها وهي زيت الفتيس الاوتوماتيك وفلتر البنزين وفلتر الهواء والبوجيهات

بخصوص السخونة اللي جاية من جنب الفتيس ( ودي بتحصل للفتيس الاوتوماتيك فقط) فيه كتير سألوا عنها قبل كده وهي طبيعية جدا وسببها ببساطة لمبات النور اللي على جانب الفتيس