إلى مالكى الشارك !!؟

[kokobom]

ايه خبرتكوا مع العربيه ؟؟ اكتر حاجه حلوه فيها ؟ و اسواء حاجه فيها ؟؟

ودى حاجات ناس قالتلى انها عيوب فيها و حابب اتاكد منكوا
1- الصاج خفيف ؟
2- الشنطه ضيقه ؟
3- قطع الغيار مش موجوده و غاليه ؟
4- لو اتخبطت من قدام بتدمر بسبب ان مفيش اكصدام يحميها ؟



ياريت كل واحد يساعدنى و يفيدنى :)

[Hanyd3]

هو فعلا موضوع الشنطة ده اسخف حاجة في العربية انما غير كده أنا شايف إنها عربية هايلة

[kokobom]

هو حضرتك اتعاملت مع الشارك ؟؟؟ و الشنطه صغيره جدا ولا عادى !

[IronHead]

1- ايوه الصاج خفيف فعلا
2- الشنطه ضيقه بسبب الجنط الاستبن ال16, بس اللى محتاج مساحه فى الشنطه يغير الجنط بواحد استبن صغير ويشييل الزيادات الفليين وهتبقى زى شنطه البومه
3- قطع الغيار موجوده بره عادى, بس طبعا الاصلى فى التوكيل فقط وغالى, بس مش اغلى من البومه كتيير
4- كلام مش صحيح, الجزء الامامى كله عباره عن اكصدام واكصدام مرونته عاليه ياخد الخبطه ويترد بسهوله, هى المشكله فى الشبكه الاماميه لانها فى سط الاكصدام من قدام, فاى خبطه من قدام ممكن تاثر على الشبكه, وفى مسافه حمايه كبيره مابين الاكصدام والرادياتير, فالرادياتير واجواء الموتور كلها فى امان من اى خبطه الا بقا لو خبطه شديده

العيب الاخر هو صوت الموتور عالى والعزل مش حلو, ميتسوبيشى عموما عزلها مش حلو للاسف
بس غير كده عربيه حلوه وسواقتها ممتعه

[kokobom]

يعنى حضرتك معاك شارك ؟؟؟ و مستمتع و مش ندمان انك جبتها ابدا ؟؟

[eng.ghost]

اى عربية حديثة خبطتها بتبقى مؤثرة بشدة لان الاكصدام جزء من وجه العربية
خلاف الموديلات القديمة تلاقى الاكصدام منفصل و ممكن يكون صلب

[hamada260999]

انا الحمد الله اشتريت الشارك وكان معايا قبل كدا بومة وa5 مستعمل العربية ما شاء الله هايلة وثبتها على الطريق ممتاز فى السرعات العالية مش فارق كتىر عن a5 بس فى فرق واضح بينها وبين البومة اما الشنطة هى فعلا صغيرة جدا بس ده ما يعبش عربية

[M.Mohsen_Saleh]

معلومة عن شاسيه الشارك، الشاسيه بتاعها هو نتيجة تطوير مشترك بين دايملر كرايزلر و ميتسوبيشي ، و الشاسيه بتاعها أقوى 55 % من البومة، و على فكرة الشارك هي نفس الدودج كاليبر في كل حاجة شاسيه و عفشة و موتور و فتيس ميتسوبيشي.

الصاج بتاعها خفيف بسبب وزن شاسيه الشارك اللي أكبر بكتير من شاسيه البومة، فلازم يتعوض في الصاج الخارجي عشان وزن العربية يبقى مقبول و استهلاك البنزين ميبقاش عالي.

قطع غيارها موجودة في الحرفيين بس بتتعامل معاملة سيئة هناك عشان في اتنين أو تلاتة اللى محتكرين سوق الاستيراد بتاع الشارك ، هناك بيتفرض عليك سعر و يا تقبله يا تروح التوكيل، و نصيحة ارجع للتوكيل أضمنلك حاجته درجة أولى و فرق السعر عن الاستيراد مش كبير.

و نصيحة متشتريش قطع غيار شارك من السوق حتى لو حلفلك بشرفه أنها أصلية، العالمية و محمد جابر و غيرهم كلهم عايزين الحرق و بيبيعوا حاجات مش أصلية على انها أصلية و الناس بتشتري . أهم مثال فلتر زيت المحرك، اسأل عليه عند أي حد فيهم هيديهولك ب 25 جنيه لغاية 35 جنيه، و تسأله ده أصلي يقوللك اه طبعا و يباني أصلي و العلبة فعلا مكتوب عليها كده بس هو مضروب. اللي في التوكيل ب 70 جنيه. و في أمثلة كتير حصلت معايا .

[m_shehatta_14]

هل المساعدين في الشارك ضعاف امامي سيارة 2008 هاي لاين كويتي مطلوب 90000 رشه حزام ناس كتير مخوفاني منها ومش عارف اخد قرار

[MR . Gold]

هل المساعدين في الشارك ضعاف امامي سيارة 2008 هاي لاين كويتي مطلوب 90000 رشه حزام ناس كتير مخوفاني منها ومش عارف اخد قرار

معلش مع احترامي لحضرتك ماتدفعش الرقم دة في عربية تكون راشة حزام الرقم دة مش قليل وتركب بية فابريكة خارجي وداخلي ودي وجهة نظر

[hossam_elwani]

معلش مع احترامي لحضرتك ماتدفعش الرقم دة في عربية تكون راشة حزام الرقم دة مش قليل وتركب بية فابريكة خارجي وداخلي ودي وجهة نظر

عندك حق بلاش اى عربيه رشه السعر مش شويه