إعـــــــلان

Collapse

.

,
See more
See less

اشتريت لانسر 2008 مستعمله محتاج مساعدة ؟

Collapse
X
 
  • Filter
  • الوقت
  • Show
Clear All
new posts

  • اشتريت لانسر 2008 مستعمله محتاج مساعدة ؟

    السلام عليكم ورحمة الله وبركاته ...

    الحمد لله اشتريت لانسر بومه 2008 1300cc Automatic مستعمله

    المشكلة إن صاحبها راجل كبير وميعرفش غير إنوا يغيير زيت الموتور والفلتر كل عشر ألاف كليلو وكان بيحط موبيل وان ... كل لما أسأله عن حاجه بيقولى معرفش :)


    الوقت العربية خرجت من الضمان وصاحبها ماكنش بيروح أصلاً للتوكيل

    السيارة عامله 520000 كيلو ... المفروض أغيير إيه وأسيب إيه ؟

    = سير كاتينة
    = زيت الفتيس الاتوماتيك
    = سائل الريداتير
    = فلتر البنزين
    = بوجيهات .... وغيره

    ومن أين أجيب قطع غيار أصليه ... ؟

    أفيدونى
    أفادكم الله ... وجزاكم الله خير

    الحمد لله كما ينبغى لجلال وجهك وعظيم سلطانك

  • #2
    وأعمل إيه فى البرومه أسفل الأربع أبواب فى الكرنر وفى الرفرف الأمامى كان مخبوط وفيه برومه بسيطة ... وإزاى عربية بقالها أربع سنين وفيها برومه ... هل صاج اللانسر تعبان ... ولا سوء إستخدام ؟

    أفيدونى أفادكم الله ... هوا المنتدى مهجور ولا إيــــــــــــــه ؟

    لا حول ولا قوة إلا بالله

    Comment


    • #3
      بالنسبة لزيت الموتور موبيل وان يتغير كل 10 آلاف كيلو مع الفلتر
      زيت الفتيس كل 40 ألف كيلو ونوعه موبيل atf3

      الكاتينة وباقي السيور وفلتر البنزين عند 80 ألف كيلو بس يفضل إنك تنضف فلتر البنزين دلوقتي.
      مياه التبريد تغيرها بميه موبيل الجركن 4 لتر بحوالي 60 أو 70 جنيه

      بالنسبة للبرومة عاوزة تروح لسمكري شاطر يعملهالك كويس وبتاع دهان يرشها على قدها بس عشان ما تبقاش رشة دواخل.
      البرومة دي سوء استخدام من صاحبها

      Comment


      • #4
        إنت قولت 520000 كم ولا قصدك 52000 كم؟؟؟؟؟؟؟؟؟؟
        [COLOR="Blue"]اللهم إحفظ مصر آمنه مطمئنه سخاء رخاء وسائر بلاد المسلمين ... اللهم امين[/COLOR]

        Comment


        • #5
          أكيد قصده 52000 ههههههه

          بالنسبة للبارومة لو حتة مخدوشة وباين الصاج وارد جدا مع الرطوبة فى خلال سنة تعمل بارومة مش 4 سنين
          [SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]

          Comment


          • #6
            المشاركة الأصلية كتبت بواسطة m.al-hefnawy مشاهدة المشاركة
            بالنسبة لزيت الموتور موبيل وان يتغير كل 10 آلاف كيلو مع الفلتر
            زيت الفتيس كل 40 ألف كيلو ونوعه موبيل atf3

            الكاتينة وباقي السيور وفلتر البنزين عند 80 ألف كيلو بس يفضل إنك تنضف فلتر البنزين دلوقتي.
            مياه التبريد تغيرها بميه موبيل الجركن 4 لتر بحوالي 60 أو 70 جنيه

            بالنسبة للبرومة عاوزة تروح لسمكري شاطر يعملهالك كويس وبتاع دهان يرشها على قدها بس عشان ما تبقاش رشة دواخل.
            البرومة دي سوء استخدام من صاحبها
            تسلم يا استاذ محمد على الرد ...

            بس سير الكاتينة أغيره عند 80.000 عشان إللى فيها الأصلى فقط ولا إيه ... إللى فى السوق بيقولوا يدوبك 30.000 أو أقل ... أرجو الإيضاح

            وبالنسبة لزيت الفتيس بعض الصنايعية بيفتوا إنى مغيرش زيتها الأصلى لو مقاسه سليم ... رأيك إيه ... خاصة إنى قريت فى الكاتلوج إن بيتغير كل 100.000كيلو وفى الظروف القاسية كل 40.000 كيلو ... بس أعرفها إزاى الظروف القاسية دى ... مش عارف :)

            Comment


            • #7
              المشاركة الأصلية كتبت بواسطة drmagieed مشاهدة المشاركة
              إنت قولت 520000 كم ولا قصدك 52000 كم؟؟؟؟؟؟؟؟؟؟
              المشاركة الأصلية كتبت بواسطة mohammedaladel مشاهدة المشاركة
              أكيد قصده 52000 ههههههه

              بالنسبة للبارومة لو حتة مخدوشة وباين الصاج وارد جدا مع الرطوبة فى خلال سنة تعمل بارومة مش 4 سنين
              هههههههههههههههههههه هو فيه الأرقام دى .... أكيد 52.000 كيلو يا باشا :)

              Comment


              • #8
                لا إله إلا أنت سبحانك إنى كنت من الظالمين ...

                أوماااااااااااااااال الناس فيييييييييييييين ؟؟؟؟

                Comment


                • #9
                  لا إله الإ الله ...

                  Comment


                  • #10
                    المشاركة الأصلية كتبت بواسطة halika76 مشاهدة المشاركة
                    ا

                    = سير كاتينة
                    = زيت الفتيس الاتوماتيك
                    = سائل الريداتير
                    = فلتر البنزين
                    = بوجيهات .... وغيره

                    ومن أين أجيب قطع غيار أصليه ... ؟

                    أفيدونى
                    أفادكم الله ... وجزاكم الله خير

                    الحمد لله كما ينبغى لجلال وجهك وعظيم سلطانك

                    سير الكاتينه والتكييف والدينمامو وبليه الكاتينه بعد 80000كم
                    زيت الفتيس الاوتوماتيك 40000كم ( توكيل فقط )
                    فلتر البنزين ممكن اول مره بعد 100000كم
                    بوجيهات + فلتر هواء كل 20 الى 30 الف كم

                    قطع الغيار الاصليه ممكن تشتريها من منفذ بيع المصريه فى شارع السودان الكيت كات

                    البارومه يبقى لازم سمكرى وهاترش

                    Comment


                    • #11
                      المشاركة الأصلية كتبت بواسطة أبو إياد مشاهدة المشاركة

                      سير الكاتينه والتكييف والدينمامو وبليه الكاتينه بعد 80000كم
                      زيت الفتيس الاوتوماتيك 40000كم ( توكيل فقط )
                      فلتر البنزين ممكن اول مره بعد 100000كم
                      بوجيهات + فلتر هواء كل 20 الى 30 الف كم

                      قطع الغيار الاصليه ممكن تشتريها من منفذ بيع المصريه فى شارع السودان الكيت كات

                      البارومه يبقى لازم سمكرى وهاترش

                      تسلم يا أبو إياد على الرد ...

                      ليا إستفسار بخصوص مياة الريداتير أغيره ... خاصة إنى النهارده أول مرة أكشف عليه لقيت القربه تقريبا ً فاضية ... ينفع أزودها بميه خضرا ... ولا أغير الميه كلها ... إللى فيها بتاع الفابريكا بس لقيته ناقص ... أتصرف إزاى ؟

                      وبالنسبة لزيت الفتيس ممكن أجيبه نفس المواصفات وأغيره بره ... ولا لازم التوكيل ... وتكلفته كام فى التوكيل تقريباً ... لإنى من خارج القاهرة ...

                      وتسلم يا غالى على ذوقك وخبرتك ....

                      Comment


                      • #12
                        مياه الرادياتير لو الرادياتير سليم ومفيش تسريب ممكن تزودها عادى بمياه خضراء

                        زيت الفتيس ممكن طبعا تغيره برا التوكيل بس يكون نفس المواصفات

                        لو فى الضمان اعمل حاجتك فى التوكيل أفضل
                        [SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]

                        Comment


                        • #13
                          ممكن تزوده الاربه بمياه خضرا الكانز ب11ج وتكملها بمياه عاديه مفيش مشكله وفى بدايه الصيف اعمل عمليه صيانه للريداتير عند حد محترم هايفكه ويسلكه ويغير دوره المياه

                          بالنسبه لزيت الفتيس على ما افتكر 700ج فى التوكيل ومش متاكد ممكن المهندس طارق يفيدك بالتكلفه بالظبط

                          Comment


                          • #14
                            المشاركة الأصلية كتبت بواسطة mohammedaladel مشاهدة المشاركة
                            مياه الرادياتير لو الرادياتير سليم ومفيش تسريب ممكن تزودها عادى بمياه خضراء

                            زيت الفتيس ممكن طبعا تغيره برا التوكيل بس يكون نفس المواصفات

                            لو فى الضمان اعمل حاجتك فى التوكيل أفضل
                            شكرا يا باشا على الرد

                            للأسف أنا بره الضمان ... ينفع أغيير فى التوكيل ولا إيه ؟
                            وإيه زيت الفتيس إللى بيعادل زيتها الأصلى أو إللى فى التوكيل

                            Comment


                            • #15
                              المشاركة الأصلية كتبت بواسطة أبو إياد مشاهدة المشاركة
                              ممكن تزوده الاربه بمياه خضرا الكانز ب11ج وتكملها بمياه عاديه مفيش مشكله وفى بدايه الصيف اعمل عمليه صيانه للريداتير عند حد محترم هايفكه ويسلكه ويغير دوره المياه

                              بالنسبه لزيت الفتيس على ما افتكر 700ج فى التوكيل ومش متاكد ممكن المهندس طارق يفيدك بالتكلفه بالظبط

                              تسلم يا غالى ...
                              إيه نوع زيت الفتيس الأوتوماتيك إللى متوافق مع الأصلى ... وهل ممكن أشترى الأصلى من التوكيل أو موزع معتمد ... وأغييره بره ... لإنى أعتبر الآن خارج الضمان ...

                              وبالنسبة لتيل الفرامل ... بسمع صوت تزييق مش صفارة لما بضغط فرامل عشان الوقوف تماماً زى الركن مثلاً ... يعنى الصوت مش موجود خلال فرامل التهدئة وإنت ماشى عادى فى الطريق ... إيه السبب هل تحتاج تغيير تيل والمفروض يتغيير كل كام كيلو ؟

                              والله أنا بتقل عليك يا أبو إياد ... بس أكيد ربنا هيكرمك ...

                              Comment

                              Working...
                              X