ما هو ال Multi Link فى الشارك ؟

[kokobom]

انا عرفت ان الشارك فى التعليق الخلفى Multi Link و شايف ان الناس بتشكر فيه بس مش عارف ليه :) ياريت لو حد عندو اى معلومه نستفيد بيها فى هذا الموضوع

[mohammedabdallh]

معنى ان كل عجله لوحدها فى المطبات وغير مرتبطه بالعجله المقابله ليها
وده بيوفر راحه زياده فى الخلف وثبات اعلى
وده موضوع مشروح فيه الفرق بينه وبين التروشن

http://www.nilemotors.net/Nile/151237-torision-beam-multi-link.html

يارب اكون افتدك

[kokobom]

شكررررررررررررررررررررررررررررررا جداااااااااااااا :)

[speed_magnum]

والكورسا الجديده كمان مالتي لينك.
وفعلا. نظام جميل جدا في النعومة والثبات والمناورات علي سرعات عاليه

[yyy]

وده بيوفر راحه زياده فى الخلف وثبات اعلى

بالنسبه للشارك فهو مديها ثبات فعلا بس ناشف و مش مريح خالص

[samyyousef]

بالنسبه للشارك فهو مديها ثبات فعلا بس ناشف و مش مريح خالص

ملاحظة دقيقة
فلا جدال أن الملتي لينك يعطي نعومة
و رغم ذلك هناك سيارات ناشفة في المطبات رغم انها مالتي لينك
و سيارات ناعمة رغم انها تورشن بيم!!!!

[Hosam_Optrawy]

والكورسا الجديده كمان مالتي لينك.
وفعلا. نظام جميل جدا في النعومة والثبات والمناورات علي سرعات عاليه

الكورسا Torsion Beam مش Multi-Link

بالنسبه للشارك فهو مديها ثبات فعلا بس ناشف و مش مريح خالص

ملاحظة دقيقة
فلا جدال أن الملتي لينك يعطي نعومة
و رغم ذلك هناك سيارات ناشفة في المطبات رغم انها مالتي لينك
و سيارات ناعمة رغم انها تورشن بيم!!!!

عشان فى حاجات تانيه بتفرق غير نظام التعليق زى المساعدين والسوست

[CIVIC_VTEC]

أعتقد اللى مخلى الشارك ناشفه ان عفشتها رياضيه .. ملوش علاقة بنظام التعليق .. والله اعلى واعلم

[IronHead]

العفشه مش خشنه زى مالناس فاكره, بالعكس هيا انعم واريح من البومه, كل ما فى الموضوع ان الكاوتش الاصلى dunlop ناشف قوى, وده السبب ان صوت احتكاكه عالى مع الارض و بيبقى خشن فى النقر خصوصا لو ضغط الكاوتش مش مضبوط, بس طبعا فى ميزه انه بيدى ثبات وانه مش سهل يتخرم, انا فاكر انى مره دوست على ازازه عصير وتفترتكت كذا حته لدرجت ان في حته ازاز كبيره رشقت فى الكاوتش, ولما شلتها وكشفت على العجله مالقيتهاش اتخرمت,
بس لو غيرت الكاوتش بفرده طريه زى الكونتينتال او البريدج ستون هتحس بفرق مش طبيعى فى النعومه والصوت. نفس القصه بالضبط حصلت مع الهوندا سيفيك اللى ناس كتير فاكره ان العفشه ناشفه وان عزل الصوت سئ والموضوع كله مواصفات الكاوتش

[CIVIC_VTEC]

العفشه مش خشنه زى مالناس فاكره, بالعكس هيا انعم واريح من البومه, كل ما فى الموضوع ان الكاوتش الاصلى dunlop ناشف قوى, وده السبب ان صوت احتكاكه عالى مع الارض و بيبقى خشن فى النقر خصوصا لو ضغط الكاوتش مش مضبوط, بس طبعا فى ميزه انه بيدى ثبات وانه مش سهل يتخرم, انا فاكر انى مره دوست على ازازه عصير وتفترتكت كذا حته لدرجت ان في حته ازاز كبيره رشقت فى الكاوتش, ولما شلتها وكشفت على العجله مالقيتهاش اتخرمت,
بس لو غيرت الكاوتش بفرده طريه زى الكونتينتال او البريدج ستون هتحس بفرق مش طبيعى فى النعومه والصوت. نفس القصه بالضبط حصلت مع الهوندا سيفيك اللى ناس كتير فاكره ان العفشه ناشفه وان عزل الصوت سئ والموضوع كله مواصفات الكاوتش

رد محترم من شخص فاهم .. تحياتي

[speed_magnum]

الكورسا Torsion Beam مش Multi-Link

مكتوب في المواصفات
compound crank
يعني ايه ؟؟

[IronHead]

رد محترم من شخص فاهم .. تحياتي:ta_clap[1]:

الله يكرم اصلك :-)