هو ليه الناس بتسخن وخلاص

[salah_86]

بقالى شهر او اكتر تقريبا بروح شغلى مرتين فى الاسبوع بعربيتى من شبين الكوم للقاهرة لانى شغال فى مطار القاهرة اول ما امسك الزراعى وساعات يعنى بكون مستعجل بعد ما بجيب الخامس بفتح بقى فى السرعة عادى يعنى الاقيلك واحد النترا الشكل الجديد يشد معايا طيب ما حضرتك اكيد هتسبق انت عاوز ايه بقى بتجرى معايا ليه يعنى منتا كنت ماشى فى حالك اول ما اعدى من جنبك تطير معايا بس بامانة انا كنت متخيل ان العربية هتكسفنى لانها 1300 بس بالعكس ماشاء الله الله اكبر ومعرفش ازاى انا عديت النترا الشكل الجديد وسيراتو بعد نفق السلام لحد داخلة المطار انهاردة اول مرة فى حياتى اجيب بالعربية ال 180 طول عمرى كان اخرى ال 170 ماشاء الله العربية فعلا محترمة

[beshomilan]

اللانسر دى عربيه محترمة جدا سواء 1300 او 1600
بس خللى بالك وبلاش السرعة عشان متندمش

[salah_86]

ربنا يستر

[mazher_m]

بسم الله ما شاء الله
ربنا يبارك لك في عربيتك ويكفيك شر الطريق

[salah_86]

ربنا يكفينا جميعا شر الطريق ويباركلنا فى عربياتنا ربنا عالم دى جاية بتعب الروح

[Khaled Lanos]

ربنا يبارك لك فيها ياباشا ويكفيك شر الحوادث يارب.

[lanos2004]

بقالى شهر او اكتر تقريبا بروح شغلى مرتين فى الاسبوع بعربيتى من شبين الكوم للقاهرة لانى شغال فى مطار القاهرة اول ما امسك الزراعى وساعات يعنى بكون مستعجل بعد ما بجيب الخامس بفتح بقى فى السرعة عادى يعنى الاقيلك واحد النترا الشكل الجديد يشد معايا طيب ما حضرتك اكيد هتسبق انت عاوز ايه بقى بتجرى معايا ليه يعنى منتا كنت ماشى فى حالك اول ما اعدى من جنبك تطير معايا بس بامانة انا كنت متخيل ان العربية هتكسفنى لانها 1300 بس بالعكس ماشاء الله الله اكبر ومعرفش ازاى انا عديت النترا الشكل الجديد وسيراتو بعد نفق السلام لحد داخلة المطار انهاردة اول مرة فى حياتى اجيب بالعربية ال 180 طول عمرى كان اخرى ال 170 ماشاء الله العربية فعلا محترمة

انته استاذ

[S O P H O S]

ربنا يستر طريقك ..

[lanos2004]

شوف لو الطريق مساعد وامان طرقع لاى حد يشد معاك لو زحمه ومش حلو كبر دماغك مش مستتاهله مغامرة

[salah_86]

والله ياباشا بالنسبة ليا ال 1300 صعبة بس فى التجميع فى الاول يعنى لو بشد مع واحدج صاحبى معاه نيو اكسنت 1600 بيسبقنى طبعا فى الاول انما لحد ما اجيب انا ال 100 ويكون الطريق مفتوح مبيعرفش يجبنى وبعدى من جنبة وكانى ماشى 100 وهو ماشى 60
العربية حلوة فى الطرق المفتوحة

[Yasser.Essam]

ايوه فى ناس بتسخن بسرعه من الحركه دى مش فاهم ليه مع ان الواحد مش بيبقى قصده حاجه انا بتخطاك عادى مش فى نيتى اضايقك او اخليك تشد معايا

بس ازاى عربيه اقل منه تعدى منه الشيطان بقى بيعمله حاجات غريبه فى دماغه ^^

ربنا يستر طريقك

[salah_86]

ايوة بالضبط مش فاهم بجد ايه الشيطان اللى بيلعب فى دماغ الناس دى لما تعديهم