Tweet
هل فى خرط طنابير عند المتخصصون اللى فى الاميرية ؟؟
-
-
بلاش تخرطها خليك فى الجديد -
بيعتمد حسب سمك الطنبوره الحالي..المشاركة الأصلية كتبت بواسطة eng.ghost
عالاقل لابد يكون السمك 22 ملم
لو اقل لابد التغيير لو 22او اكتر تتخرط بدون أدنى مشكلة...
تحياتي
Sent from my SE Arc S using Forum Runnerdon't judge a car unless you have driven it
hm414 سابقاComment
-
جنبهم مخرطة و هم اللي بيودوهالك كمان بس الطنبورة تكون تصلح للخرط[CENTER]ربي قد مسني الضر و انت ارحم الرحمين
لا إله إلا انت سبحانك اني كنت من الظالمين[/CENTER]Comment
-
-
-
شكرا على الاهتمام والردالمشاركة الأصلية كتبت بواسطة dr.hazem مشاهدة المشاركة
يعنى هما هايكشفوا عليها وبعدين يقرروا تنفع تتخرط ولا لازم تتغير ؟؟
طب ولو سمكها اقل من 22 واتخرطت ايه اللى هايحصل
واسعار الطنابير الجديدة كام ؟؟؟؟Comment
-
موضوع خرط الطنابير ده مش مضمون لأن فى احيان كثيرة جدا بتكون المخرطة مش مضبوطة ولكن لو المخرطة مضبوطة مفيش اى مشكلة طالما سمك الطنبورة بعد الخرط مش هيقل عن السمك الـ min اللى بيبقه محفور عليها واى خراط كويس بياخد فى اعتبارة الحكاية ده ولو مش هتنفع هيقولك......
نصيحتى بقه الشخصية بناء على تجارب وطنابير باظت منى قبل كده عند خراطين وأخرى اتخرطت كويس بالصدفة وانت وحظك:
بلاش تفك الطنابير أساسا من العربية وروح أخرطها وهى راكبة فى مركز متسوبيشى مصرية الرئيسى اللى فى قليوب
عندهم مخرطة بتخرط الطنابير على ابوها وهى راكبة فى العربية فا مفيش مجال ان الطنبورة تبقة راكبة معووجة اثناء الخرط ولو حتى عندك عوجة بسيطة فى الصرة اللى راكبه عليها الطنبورة برده الطنبورة هتتطلع مضبوطة على وضع الصرة اللى عندك.
المخرطة ده عبارة عن مجموعه بتركب مكان المجموعة بتاعت الماستر والتيل وفيها قلمين المخرطة لأنها بتخرط الناحيتين فى وقت واحد وفيه موتور خارجى بيركبوه على الطنبورة من بره عشان يلففها أثناء الخرط.....
انا جربت كل حاجه فى موضوع الخرط وتوصلت الى ان اضمن نتيجة هى عند خرط الطنابير وهى راكبة فى العربية وبالمناسبة عشان اوفر عليك انا ملاقيتش المخرطة ده غير عند مركز متسوبيشى قليوب عشان متتعبش نفسك فى التدوير عليها.Comment
-
طب انا لسه راجع من عند المتخصصون وهناك قالولى انها هاتتخرط وقالى فى مكانين والمكانين دول الطنابير هاتتخرط وهى فى العربية واحد بعدهم بشوية بس كان قافل والمكان التانى بنزينة موبيل المعادى اللى فى شارع 9 فيها مركز خدمة سريعة تبع مصرية وعندهم برضه الجهاز ده والطنابير هاتتخرط من غير ماتتفك وان شاء الله رايح بكرة لان ده اقرب ليا بكتير وقالى هاتتكلف 110 بالمصنعية ايه رأيك ؟؟؟؟؟المشاركة الأصلية كتبت بواسطة mohamedway مشاهدة المشاركةComment
-
طب اعملها و بلغنا بالنتيجةComment
-
انا لسه جاى خرطت الطنابير زى ماقولت فىمركز الخدمة اللى فى بنزينة موبيل فى شارع 9 فى المعادى وهى راكبة فى العربية من غير ماتتفك والنتيجة الحمد لله ممتازة والفرامل اتظبطت ب 99 جنيه بالظبطالمشاركة الأصلية كتبت بواسطة eng.peter مشاهدة المشاركةComment
-
معلش افهم ازاى يخرط الطنابير وهيا راكبه
دى الطنابير الاماميه صح كده ولا انا فهمت غلط
و100ج كتير جدا ولا التكلفه كلها 100 ولا ايه بالظبط
والنتيجه نسبتها فى التحسن كام 50فى الميه ولا 85Comment
-
زى ما mohamedway قال بالظبطالمشاركة الأصلية كتبت بواسطة mado83 مشاهدة المشاركة
المخرطة ده عبارة عن مجموعه بتركب مكان المجموعة بتاعت الماستر والتيل وفيها قلمين المخرطة لأنها بتخرط الناحيتين فى وقت واحد وفيه موتور خارجى بيركبوه على الطنبورة من بره عشان يلففها أثناء الخرط.....
وهى فعلا الطنابير الامامية وبالنسبة للتكلفة انا الصراحة مابفهمش فى الاسعار كويس لكن الفكرة انى عملتها فى التوكيل وبطريقة صح احسن من لما تفكها وممكن فعلا تلاقى حتة مش مظبوطة لاى سبب لكن بالطريقة دى نسبة النجاح اكبر
وبالنسبة للنتيجة الاول كان فى رعشة لما بدوس فرامل وخاصة على السرعات لكن دلوقتى اختفت خالص يبقى النتيجة انا شايفها ممتازة ومستنى ارائكمComment
-
تمام ياباشا ربنا يوفقك بس حضرتك غيرت بتيل جديد بعد الخرط ولا ركبت نفس التيل اللي كان راكب عند حضرتك وهل التيل اللي كان راكب اصلي ولا من الانواع غير الاصلية الموجودة بالسوق .. وهذة العملية استغرقت اد اية وقت في الاثناء الخرطLANCAR سابقاComment
-
لا ماغيرتش التيل كانت حالته كويسة جدا انا اصلا لسه مركبه من اسبوعين وهو للأسف frixa كورى ب 90 جنيه انا ناوى امشى بيه شوية كده وبعدين اغيره لكن بصراحة الاصلى غالى اوى حوالى 600 جنيه ماحدش يعرف نوع نضيف ويكون سعره معقول ؟؟؟؟المشاركة الأصلية كتبت بواسطة LANCAR مشاهدة المشاركة
والموضوع خد حوالى ساعة روحت 9 الصبح بدأوا يشتغلوا 9 وربع على عشرة ونص كنت ماشىComment
Comment