باور البوما

[DrMuHaMmAd]

أنا حاسس ان دركسيون البوما تقيل
الباور بتاعه مش مريح
وبقى مش مريح اكتر بعد ما ربطت العفشة و كبست البارات عند العفشجى
حاسه تقيل
انا معرفش نوع زيت الباور اللى فيها ايه
وهو ملينا لغاية قبل ال Max بسنه صغيرة

هل فى طريقة اخليه اخف ؟
غير طبعا انى اجيب جنوط اخف فى الوزن
او انى اجيب بارات جديدة مش متقرط عليها جامد او استنى دول يهووا شوية

مثلا نوع زيت باور معين ... تغيير حاجة معينة فى علبة الدركسيون

وشكرا

[Haitham10]

شوف ظبط الزوايا هيفرق
وقولي البارات دي عملت كام

[tarek72]

كان عندى نفس المشكله وغيرت البارات
رجعت كما كانت فى النعوميه
يفضل البارات الاصليه

[HaNo_ELBeh]

أنا حاسس ان دركسيون البوما تقيل
الباور بتاعه مش مريح
وبقى مش مريح اكتر بعد ما ربطت العفشة و كبست البارات عند العفشجى
حاسه تقيل
انا معرفش نوع زيت الباور اللى فيها ايه
وهو ملينا لغاية قبل ال Max بسنه صغيرة

هل فى طريقة اخليه اخف ؟
غير طبعا انى اجيب جنوط اخف فى الوزن
او انى اجيب بارات جديدة مش متقرط عليها جامد او استنى دول يهووا شوية

مثلا نوع زيت باور معين ... تغيير حاجة معينة فى علبة الدركسيون

وشكرا

بص حضرتك مالهاش غير حل واحد انك تغير البارات وتجيب بارات جديده لان كبس البارات شئ سيئ جدا ومالوش لازم وهتبقى مجدر وقت بسيط لانك مع اول مطب شديد هترجع البارات زي الاول
تانى حاجه حضرتك بتقول ان العفشجى ربط على العفشه من الواضح ان العفشجى سرح فى التربيط وممكن يكون ربط على علبه الدريكسون جامد علشان كده انتا حاسس ان الدركسيون تقيل حضرتك روح لحد تانى يرفع العربيه ويشوف العفشة ويتاكد ان مافيش حاجه
واخيرا نصيحة ماتخليش حد يلعب فى علبه الدريكسيون علشان مش هتعرف تجيب زيها لو مافيهاش حاجه
وانشا الله الموضوع يكون بسيط ويتحل وانا متابع معاك

[Haitham10]

محدش قالي البارات بكام ياجماعة ؟؟
اصلي او عادية

[hessenp]

[gdwl]ماتخليش حد يلعب فى علبه الدريكسيون علشان مش هتعرف تجيب زيها لو مافيهاش حاجه [/gdwl]

ليه هو مافيش منها استيراد ولا اية ولا غالية اوى عشان بفكر اجيب لانسر بومة ان شاء الله

[HaNo_ELBeh]

ليه هو مافيش منها استيراد ولا اية ولا غالية اوى عشان بفكر اجيب لانسر بومة ان شاء الله

طبعا فى منها استيراد بس حضرتك الاستيراد انتا مش عارف هو متاخد من عربية كانت ماشيه كام كيلو او الاستخدام كان عامل ازاى واعتقد ان العلبه فى حدود 1500 ج الاستيراد مش الجديد

[DrMuHaMmAd]

شكرا يا شباب

انا ظبطت الزوايا
العفشة بقت حلوة

بس لسه الدركسيون تقيل مخفش خالص
حتى بعد ما فات اهه يجى اسبوعين

طب البارات بكام جديدة وهل اجيب اصلى ولا ممكن اى حاجة ؟
وهل ممكن العفشة تتزيت مثلا او تتشحم او تتهوى شوية لحسن انا معدش معايا فلوس خالص :d

[fanki]

انا من ضحايا تغير علبة الدركسيون ولاكن للحق كانت بايظة وجبت استيراد 1200 ج من غير البارات وبعد 6شهور ظهر بوش بالدركسيون حتى الأن

[hatemmohsen]

بص حضرتك
بوجه عام باور البومة تقيل شوية لانه مش كهربا زى القرش او الالنترا
من اسباب التقل ايضا عدم ظبط الهواء بالكاوتش
ان تكون العربية لها فترة لم تغسل فى محطة البنزين من اسفل وتعلق الطين والاوساخ بالكوتش والعجل