موتور الكريستالة فوت محتاج مساعدة ضروري برأيكم

[MITSUKERO]

السلام عليكم

امبارح مروح الساعة 11 بلليل و ماشي عادي جدا و مرة واحدة العربية اتبرجلت و لقيت بوجيه فصل قولت عادي ده طبيعي خصوصا ان العربية موتورها خفيف

روحت جبت طقم بوجيهات و غيرت البوجيهات و جي ادور العربية بتموت و هي بتدور و الكبس ضعيف لدرجة ان الموتور مش قادر يقوم المهم فضلت وراها و دورتها

مشيت من الورشة و انا مش واخد بالي ان العربية بقت عاملة زي عربية الناموس من كتر الدخان اللي طالع منها لحد ما فيه واحد وقفني و قالي الحق العربية

طبعا نزلت ابص و عينك ما تشوف إلا النور

دخاااااااااااااااااااااااان دخااااااااااااااااااااان ازرق فاتح كده و المنظر بشع

دلوقتي انا بين كذا اختيار و ياريت بجد تساعدوني لاني هبتدي شغل في العربية يوم الثلاثاء بالكتير بأذن الله لان العربية ايدي و رجلي بلا اي مبالغة انا بعمل في الشهر من 4 الي 6 الاف كيلو و قدرشي اعطل اكتر من اسبوع او 10 ايام بالكتير هتصرف في عربية اخويا بس اكتر من كده مش هينفع


الاختيار الاول :

تسقيط موتور 1500 كامة واحدة لأشتراكة في قطع الغيار مع الموتور ال 1300 و اهم قطعة غيار مشتركة و دي السبب في اني اطرح الاختيار ده هي سير الكاتينة او التقسيمة

حد مسقطة قريب؟ طيب حد مسقطة بقالة كذا سنه ؟ الموتور عامل ايه ؟


الاختيار التاني :

نص موتور سفلي (شورت بلوك) 1500 و اركب باقي حاجة موتوري

الحل ده انا لقيت ناس هنا عملاه بس عايز حد يأكدلي انه كويس

الميزة اللي شايفها في الحل ده انه موفر و انه بيخلي العربية زي ما هي من ناحية الضفيرة و بيبعدك عن حوارات الحساسات (حساس شكمان و رشاشات و ايدل و غيره و غيره ) ده غير ان الحساسات مفيش منها جديد لان العربية منزلتشي مصر اساسا

الفكرة هنا ان في حساسات مشتركة مع البومة بس هل في طريقة نعرف بيها الحساسات المشتركة؟




الاختيار الثالث: عمرة موتور

يعني نفس موتوري و اعمل له عمرة و اريح دماغي و ده اكتر حل مش عايز اعمله لاني عايز استغل الموضوع و اخلي العربية 1500


ياريت يا جماعة ساعدوني

انا قريت المواضيع القديمة كلها و لقيت اني سألت زمان و فيه ناس جاوبت اجابات كويسة بس الوقت اتغير و عايز اعرف كمان نتيجة التجربة بمرور الوقت

انا لقيت موضوع من شهر 9 السنه اللي فاتت اني كاتب ان موتوري ابتدي يبوظ و كنت ساعتها عامل 420 الف دلوقتي الموتور خلاص انتهي فعلا و مش عارف امشي بالعربية خالص بس هو جاب اخرة علي 470 الف

ياريت اللي يفكر معايا يراعي اني بهرس العربية و اظن ده واضح من الكيلومتر اللي اتعمل في سنه و شهرين (50 الف كيلو) و اوقات والله بعمل اكتر من كده

انا عايز حل يعيش فتره كويسة و الفلوس اللي اصرفها متضعشي علي الارض

شكرا ليكم مقدما و منتظر الردود

[moumen_hs]

أفضل تجيب شرت بلوك ولكن خد بالك ممكن برضوا يكون محتاج شغل زى كوتش الصباب ممكن يتفير أنت وحضك لان مفيش ميكانيكى هيعرف الموتور كويس ولا ر الى لما يشتغل بعد كدة لو كويس خير بايض خالص بيرجع وبينوبك مصنعية الفك والتركيب لو فية دخنة يعنى كوتش صباب بتغرم حوالى 500 كمان تصليح ومصنعية ودة عن تجربة فى عربية اخويا نوبيرا 1 جاب شرت بلوك وكويس بس فى كوتش صباب

[MITSUKERO]

أفضل تجيب شرت بلوك ولكن خد بالك ممكن برضوا يكون محتاج شغل زى كوتش الصباب ممكن يتفير أنت وحضك لان مفيش ميكانيكى هيعرف الموتور كويس ولا ر الى لما يشتغل بعد كدة لو كويس خير بايض خالص بيرجع وبينوبك مصنعية الفك والتركيب لو فية دخنة يعنى كوتش صباب بتغرم حوالى 500 كمان تصليح ومصنعية ودة عن تجربة فى عربية اخويا نوبيرا 1 جاب شرت بلوك وكويس بس فى كوتش صباب

الموتور بتاعي فعلا كاوتش الصبابات بتاعه بايظ و حتي لو جبت شورت بلوك هيبقي فيه شغل في الجزء اللي فوق عشان اعمل موضوع كاوتش الصبابات

بس الفكرة دي مجزية ؟ هل في طريقة لأختبار الشورت بلوك ؟

[hassanin_lada]

متابع

[salah_86]

ربنا يدلك على الحل الصحيح

[Khaled Lanos]

قدر الله وماشاء فعل يا كيمو..

أنا رأيي خليك في الاستيراد وريح دماغك بلا عمرة بلا وجع قلب..الاستيراد شيل وحط..

اللي فهمته من كلامك ان عربيتك 1300 طبعا لو ينفع تسقطلها مكنة 1500 هيكون أحسن طبعا.

[MITSUKERO]

قدر الله وماشاء فعل يا كيمو..

أنا رأيي خليك في الاستيراد وريح دماغك بلا عمرة بلا وجع قلب..الاستيراد شيل وحط..

اللي فهمته من كلامك ان عربيتك 1300 طبعا لو ينفع تسقطلها مكنة 1500 هيكون أحسن طبعا.

الاستيراد حل ممتاز في حالة :

حظك طلع حلو و الموتور جديد

كاوتش الصبابات سليم و ده اظن انه هيبقي صعب في موتور مركون بقاله مثلا 10 سنين و استخدم سنتين

انما بقي الاستيراد وحش جدا في حالة :

حظك طلع وحش و الموتور نص و نص

هتفك تاني بمصنعية تانية و تركب

و يسلام لو حاجة ضربت بعد 50 الف كيلو مثلا اللي هو استخدام سنه عندي يبقي لبست في الحيط


حاجة تحير جدا والله

[moumen_hs]

الى يقولك يكشف على موتور أو شرت بلوك أنجكشن يبقى كداب من الاخر كل الى يشوفة بيدور بصمولة 17 حركة البساتم لو كويسة ومش خفيفة وبتلف دورة كاملة يبقى تمام لو خفيفة أو مش بتلف دورة كاملة بتسيبة هو دة الى بيحصل أما التجربة الحقيقية مع المش وبيبقى فى فترة ضمان شهر زى ما الرجل قلنا أمهم خد بالك لازم تزبت مع البياع لانهم حورجية لو لاقت البياع مش مضبوط سيبة فى ألف واحد غيرة المهم موضوع الترجيع ولو كوتش صباب ودة المحتمل وأنت وحظك كل الميكانيكية أجمعوا أن الموتور لو كويس ومش بياكل زيت وصوتة وكبسة حلو خلية وزبط الكاوتش مش قدامك غير كدة لانك ببساطة هتدفع 250 فك وتركيب جديد غير زيوت جديدة فى حالة التغير يعنى هتخش فى تكلفة تغير الكاوتش ومش ضامن الموتور الى هتغيرة بردوا
وأأكد مفيش حد يقدر يقولك أن المتور مية مية ومفهوش الهوا المواتير الى ممكن تعرفها هى 128 -123- 131 الادا بتتجرب على الارض وانت واقف وبردوا فى فترة ضمان

[Khaled Lanos]

الاستيراد حل ممتاز في حالة :

حظك طلع حلو و الموتور جديد

كاوتش الصبابات سليم و ده اظن انه هيبقي صعب في موتور مركون بقاله مثلا 10 سنين و استخدم سنتين

انما بقي الاستيراد وحش جدا في حالة :

حظك طلع وحش و الموتور نص و نص

هتفك تاني بمصنعية تانية و تركب

و يسلام لو حاجة ضربت بعد 50 الف كيلو مثلا اللي هو استخدام سنه عندي يبقي لبست في الحيط


حاجة تحير جدا والله

عشان كدا أنا رايي خد معاك ميكانيكي أو حد فاهم يخترلك متور.وممكن بردو تشترط على الراجل انك تخدو على التجربة وتجيبو من مكان موثوق فيه.

أحمد عبد الهادي(لانوس 2004) جايب متور استيراد وشغال معاه زي الفل.

ممكن تكلمه هيفيدك في الحوار ده

[MITSUKERO]

الى يقولك يكشف على موتور أو شرت بلوك أنجكشن يبقى كداب من الاخر كل الى يشوفة بيدور بصمولة 17 حركة البساتم لو كويسة ومش خفيفة وبتلف دورة كاملة يبقى تمام لو خفيفة أو مش بتلف دورة كاملة بتسيبة هو دة الى بيحصل أما التجربة الحقيقية مع المش وبيبقى فى فترة ضمان شهر زى ما الرجل قلنا أمهم خد بالك لازم تزبت مع البياع لانهم حورجية لو لاقت البياع مش مضبوط سيبة فى ألف واحد غيرة المهم موضوع الترجيع ولو كوتش صباب ودة المحتمل وأنت وحظك كل الميكانيكية أجمعوا أن الموتور لو كويس ومش بياكل زيت وصوتة وكبسة حلو خلية وزبط الكاوتش مش قدامك غير كدة لانك ببساطة هتدفع 250 فك وتركيب جديد غير زيوت جديدة فى حالة التغير يعنى هتخش فى تكلفة تغير الكاوتش ومش ضامن الموتور الى هتغيرة بردوا
وأأكد مفيش حد يقدر يقولك أن المتور مية مية ومفهوش الهوا المواتير الى ممكن تعرفها هى 128 -123- 131 الادا بتتجرب على الارض وانت واقف وبردوا فى فترة ضمان

لو الكلام كله علي حاجة مش مضمونة يبقي شكلي هعمل عمرة


الموتور ال 1300 استحمل استحمال السنين بصراحة ده بياكل زيت بقاله يجي 50 الف كيلو و مشتكاش غير لما افتريت عليه

كل مشكلته انه ضعيف شوية و انا اتعودت عليه

منتظر باقي الاراء لاني مش ميال لحل العمرة اوي برضة

[AbO MosTaFa]

شوف ياباشا قدر الله وماشاء فعل وان شاء الله خير

انا لسه مسقط موتور 1500 توين كام من شهرين والحمد لله الامور زي الفل

وعملت كبس الموتور مرتين والكبس تقريبا 87 % ياعني موتور جديد

انت لو ناوي علي تسقيط الموتور لازم تروح لمكان معروف ومضمون وحد مجربه قبلك

والموتور موفر جدا في البنزين في السفر ياعني تقريبا 260/ صفيحة

بيقلوا ل 180/ الصفيحة جوه البلد

والتكييف رائع بدون تأثير علي السحب

بس نصيحة اوعي تعمل عمرة للموتور

[MITSUKERO]

شوف ياباشا قدر الله وماشاء فعل وان شاء الله خير

انا لسه مسقط موتور 1500 توين كام من شهرين والحمد لله الامور زي الفل

وعملت كبس الموتور مرتين والكبس تقريبا 87 % ياعني موتور جديد

انت لو ناوي علي تسقيط الموتور لازم تروح لمكان معروف ومضمون وحد مجربه قبلك

والموتور موفر جدا في البنزين في السفر ياعني تقريبا 260/ صفيحة

بيقلوا ل 180/ الصفيحة جوه البلد

والتكييف رائع بدون تأثير علي السحب

بس نصيحة اوعي تعمل عمرة للموتور

طيب سؤالي المعتاد عن الموتور ال 2 كامة : سير الكاتينة بتاعة و اويل سيلات الكرنك و الكامة و الحاجاة دي هتجيبها منين ؟ الموضوع ده مهم جدا

تاني حاجة اتكلف كام و التفاصيل ايه ؟ عربيتك كانت مانيوال و حولتها اوتوماتيك ؟ ولا هي مانيوال و فضلت مانيوال ولا اوتوماتيك و فضلت اوتوماتيك ؟

جبت ايه بالظبط ؟ و منين ؟ و ايه المحل المضمون ؟

و ليه العمرة لا ؟

معلش هسألك كتير عشان اطمن بس

[mody999]

ليا واحد صاحبى كان غير موتور الكريستاله بتاعه وكان سليم تماما و جاب موتور 1500 و عنده الموتور بتاعه ال 1300 لو تحب تاخده قطع غيار علشان موضوع الرقم و كده انا ممكن اوصلك بيه و تشوف الموتور و الحاله بتاعه الموتور انا اضمنها لانى عارف عربيته من ساعه لما جابها زيرو

[AbO MosTaFa]

طيب سؤالي المعتاد عن الموتور ال 2 كامة : سير الكاتينة بتاعة و اويل سيلات الكرنك و الكامة و الحاجاة دي هتجيبها منين ؟ الموضوع ده مهم جدا

تاني حاجة اتكلف كام و التفاصيل ايه ؟ عربيتك كانت مانيوال و حولتها اوتوماتيك ؟ ولا هي مانيوال و فضلت مانيوال ولا اوتوماتيك و فضلت اوتوماتيك ؟

جبت ايه بالظبط ؟ و منين ؟ و ايه المحل المضمون ؟

و ليه العمرة لا ؟

معلش هسألك كتير عشان اطمن بس

موجودة في الحرفيين


والموتور اتكلف 4500 والعربية اصلا كانت اتوماتيك وفضلت اتوماتيك

والسعر شامل التركيب والزيوت

وانا جيبت الموتور كامل

منين بقي دي علي حسب

ياعني انا جبته من واحد عندنا في الزقازيق والحمد لله الموتور ممتاز بس المعاملة زفت

في الحرفيين الي اعرفه هو زوزا انا مش اعرف حد مسقط عنده موتور لكن الراجل زوق وبكلمة واحدة


والعمرة ياسيدي بلاش لانك مهما كان العربية 1300 وعمرك ما هاتحس بفرق للافضل

[don kamelloo]

ابو مصطفي

يا ابو مصطفي معندكش فكره عن الموتور ال 1500 الميراج الواحد كامه بكام و هل بيركب علي نفس الفتيس الاوتومتيك الي عندي و لا لا و الاتنين كامه بالفتيس و لا لوحده شكرا