عاوز أشترى جنوط

[salah_86]

السلام عليكم ورحمة الله وبركاته
انا عربيتى لانسر 2009 بومة 1300 سى سى فنازلة بجنوط عادية مقاس 14 طاسات
كنت عاوز اشترى جنوط حديد تكون نفس المقاس بالضبط علشان مغيرش الكاوتش لانى لسة مغير ال 4 فرد قريب وشاريهم بريدجستون وكمان علشان ميأثروش على العفشة
دلونى يا خبراء اللانسر على انواع كويسة متتكسرش لو اخدت مطب او ماشابه
ياريت بجد تدلونى

[salah_86]

انا من المنوفية ورحت اتفرجت عند مرعى دا محل وكيل عندنا لقيت عنده جنوط اندونيسى نفس مقاس الجنط بتاعى ب 1350 وفى ب 1250 دلونى الأندونيسى دا حلو ولا لا

[HaNo_ELBeh]

السلام عليكم ورحمة الله وبركاته
انا عربيتى لانسر 2009 بومة 1300 سى سى فنازلة بجنوط عادية مقاس 14 طاسات
كنت عاوز اشترى جنوط حديد تكون نفس المقاس بالضبط علشان مغيرش الكاوتش لانى لسة مغير ال 4 فرد قريب وشاريهم بريدجستون وكمان علشان ميأثروش على العفشة
دلونى يا خبراء اللانسر على انواع كويسة متتكسرش لو اخدت مطب او ماشابه
ياريت بجد تدلونى

ألــــــــــف مــــــــــــــــبروك يا باشا ويارب يكفيك شرها ويديك خيرها :b4_388: اما بالنسبه للجنوط حضرتك عايز نفس المقاس وده الكلام الصح علشان ميعملش مشاكل معاك فى المشى او مع المساعدين او الطنابير..ممكن حضرتك تروح لمحل اسمه البطل وهو من احسن وانظف المحلات وهتلاقى كل الانواع و الاشكال والاسعار والمقاسات اللى انتا عايزها وهيكون عندك حريه الاختيار وكمان هما بيرصص العجل ويركب عندة ناس محترفه ولو حضرتك عايز الفروع فى فرع فى السواح/شارع شبرا(اشارة الخلفاوى) وانا متابع معاك طمنى والف مبروك مقدما

[salah_86]

انهاردة وانا راجع من الشغل واحد سواق ميكروباص حسبى الله ونعم الوكيل فيه زنق عليا عند كوبرى قها لقيت نفسى اخدت نقرة جامدة حبتين لدرجة ان الطاسة طارت والجنط اتعوج نزلت جبت الطاسة ورحت لبتاع كاوتش حاول يظبط فيه على قد ما يدر بس كل ما يحطها على الجهاز الخاص بالترصيص تطلب عالى قوى طلبت 50 و 75 وقالى انه مش هيعرف يعدله اكتر من كدا وكدا بقى فيه رفه عالية قوى
اعمل ايه دلوقتى غير انى انزل الاستبن لان العربية من ساعة ماجت والاستبن منزلش
ومش عاوز انزلة اشترى جنط زية استيراد ودا يعمل كام اصلا
ولا اتوكل على الله واشترى الجنوط زى ما انا كنت ناوى اصلا
بس انا بعد اللى حصل انهاردة خايف واحد ذكى زى اللى زن عليا انهاردة يحصل تانى والمرة دى هتعور فى جنوط ب 1350 جنية
ايه رائيكم وهل الجنوط دى هتبقى اقوى من اللى راكبه فيها ولا ايه ؟

[MR . Gold]

لو حضرتك عندك النية في شراء جنط اسبور فاتوكل علي الله بس هات نفس المقاس وماتنزلش الاستبن طالما لم يستعمل .. بس اتاكد انة فعلاً زي ماحضرتك قولت انة اندونيسي مش صيني تاكد من الحتة دي .. وربنا يوفقك

[salah_86]

مشكورين بس اتاكد قوى انه اندونيسى ازاى وهل الاندونيسى دا حلو وقوى بما يكفى للسواقة فى طرقنا الجميلة

[salah_86]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[MR . Gold]

مشكورين بس اتاكد قوى انه اندونيسى ازاى وهل الاندونيسى دا حلو وقوى بما يكفى للسواقة فى طرقنا الجميلة

بالطبع الاندونيسي هايكون افضل من الصيني وموضوع انك تتاكد انة اندونيسي ازاي .. اكيد هاتلاقي بلد المنشا علي الجنط .. وتسال اللي هاتشترية من عندة قولة انت حضرتك بتقول اندونيسي قولة ازاي اثبت انة اندونيسي

[salah_86]

خايف واحد ذكى زى اللى زن عليا امبارح يحصل تانى والمرة دى هتعور فى جنوط ب 1350 جنية

[salah_86]

صليت استخارة وربنا هدانى ورحت اشتريت جنط حديد هو هو اللى معايا ونفس المقاس استيراد بدل اللى اتعوج ب 135 ورحت رصصت العجل كلة تانى وظبطت زوايا بالمرة وربطت العفشه
كان فى واحد صاحبى قالى انه عنده جنوط 14 حديد خاصة بعربية نيسان صنى وكان هيدينى اللى يعجبنى منهم بال من السوق بس لما بصيت على الجنوط لقيت شكلهم والفتحات اللى فوق مختلفة بس كان يركب بس انا فضلت اجيب بتاع البومة زى اللى كان راكب فيها
ورحت لفيت على بتوع الاستيراد اللى فى شبين الكوم لحد ما الحمد لله لقيتة بتاع بومة و14 وسليم ملحوظة خفت اجيب الاندونيسى لانى خفت يتعوج لاقدر الله مش هلاقى شكل الجنط دا تانى انما الحديد الحمد لله اعرف الاقيه واجلت الموضوع لحد ما يبقى معايا فلوس كويسة واجيب الجنوط الاسبور الاصلى الخاصة بال لانسر البومة