لانسر بومه 2013 علي الزيرو إن شاء الله

[manfromegy]

[overline]السلام عليكم أعضاء المنتدي الكرام.
بفضل الله و كرمه إشتريت بومه 2013 و هاستلمها يوم الأحد الجاي و أرخصها بأذن الله تعالي لأنها تقسيط الحمدلله.
محتاج من الساده الأعضاء شرح وافي إزاي أستلم العربيه و أشوف ايه و فين ﻷنها أول مره أشتري عربيه علي الزيرو و ياريت لو الموضوع دا في المنتدي قبل كدا ياريت الرابط.
أنا الحمد لله أمنت عليها في المصريه للتأمين التكافلي إيه رأيكم.وعاوز حد يقولي الترخيص هايتكلف كام. 1600 سي سي.
إن شاء الله في أقرب فرصه هاروح جينز كار أعمل فرش جلد.ياريت نصائحكم و إزاي أتعامل مع العربيه أنا الحمد لله باسوق من زمان بس الواحد متوتر شويه و نفسي أكون علي درايه بكل حاج[/overline]ه

[manfromegy]

متابع

[egyptiandiver]

ألف مبروك و ربنا يديك خيرها و يكفيك شرها يا ريت حضرتك تركب أول حاجة نظام tracking قبل الفرش إلي هو بيعرفك مكان السيارة و ممكن تقطع بيها الكهربا خالص عن طريق الريموت و ده لمكافحة سرقة السيارات

[MR . Gold]

الف مبروك ياباشا وربنا يديك خيرها ويكفيك شرها

[MR . Gold]

ألف مبروك و ربنا يديك خيرها و يكفيك شرها يا ريت حضرتك تركب أول حاجة نظام tracking قبل الفرش إلي هو بيعرفك مكان السيارة و ممكن تقطع بيها الكهربا خالص عن طريق الريموت و ده لمكافحة سرقة السيارات

استاذنك ياباشا عايز اعرف نظام tracking يركب عند مين وتكلفتة كام وهو ممكن يركب علي ريموت مفتاح السيارة نفسة ولاريموت الانذار علماً بأني مركب جهاز انذار للسيارة

[manfromegy]

شكرا و ياريت سعر التركنج و أماكن تركيبه و لو ركبته أخبار الضمان ايه بمعني انه ممكن يخرج العربيه من الضمان ولا ﻷ و شكرا و في انتظار باقي النصائح

[iNjECTOR]

عندى ليك كام نصيحة إذا مكنش عندك مانع
1- ياريت تستلم عربيتك كأنك بتشترى مستعمل
2- إستلم السيارة الصبح مش بالليل علشان تفرز الدوكو كويس تحت الشمس علشان إى فعصة هنا - جرح هناك وهكذا وإتأكد انه موجوده على أسفلت كتوازن علشان تيقى كد العربية منصوبة قدامك .
3- إدخل جوة العربية وبوص على الكاسيت ولو لاقيته TeleFunken بعد ما تستلم العربية فورا إتصل بالوكيل لانه كاسيت اى كلام وبتاع مشاكل اما لو لاقيته KeenWood يبقى كده إن شاء الله تمام
4- شغل العربية 10 دقائق وإتأكد إنك سمعت صوت مروحة التبريد شغل التكييف وجرب المساحات ورشاش المساحات من باب العلم بالشيئ .. سيب العربية شغالة والتكييف شغال حبة على 2 وإخرج إرغى مع الاجانس فى اى كلام ...
4- إتأكد ان العربية معاها
a - الاريل بتعها
b- عدة فك الكاوتش زى مفتاح الفك وقضيب فصل الكاوتش وطبعا الكوريك ومفيش مانع تجربه

5 -طبعا بما إنك هتشتريها مع بنك يبقى مفيش داعى تطابق الورق بتاعها برقم الشاسية او رقم الموتور
كده ممكن فى رأييى الشخصى تستلم على البركه إن شاء الله

===============
قبل ما تتحرك بالعربية إبقى بوص على قربة الميه وإن السائل الازرق واصل إلى حافة الشارة F

- الـــ 5 ألاف كيلو الاولى لازم تمشى على الهادى خاص وتكون حنين حبتين خاصة فى النقل وخلى النقل فى الفتيز مابين 2550 إلى 3000 RPM علشان التليين وطبعا ما تنزعجش من العفشة الناشفة شوية لانها هتكون فلة شمعة منورة بعد 2000 إلى 3000 كيلو

معلش الكلام مش منظم قد كده بس كل ما أفتكر حاجة احطهالك

مبروك عليك ربنا يرزقك خيرها ويكفيك شرها

[MohammedAladel]

ألف مبروك عايزك تكشف عليها كأنها سيارة مستعملة تراجع الصاج كويس جدا والعتب وجسمها من برا فوق ومن تحت كمان

الكتالوج والعدة اللى بيجوا معاهامن كوريك وجنط استبن ومفتاح عجل ومفتاح جنط لو ليها جنط بمفتاح ومسامير جنط حديد للاستبن وكوريك رفع

شغل كل الأنوار وكل الكهرباء اللى فيها جربها جرب عمل التكييف كويس تأكد من وجود السوائل تبريد وزيت وباور وفرامل

سمى الله وإنت بتركب وأدعى أن ربنا يبارك لك فيها

بس أنا مستغرب هو ليه بومة بتنزل لحد الوقت ؟؟

[manfromegy]

شكرا لكل من تكرم بالرد و شكرا لمروركم

[manfromegy]

شكرا الف الف شكر للردود و شكرا لمروركم

[S O P H O S]

الف مبروك
ربنا يباركلك فيها وتستلم علي خير ..

[islamtmam]

ألف مبروك و ربنا يديك خيرها و يكفيك شرها

[HaNo_ELBeh]

ألــــــــــف مبروووووك

[manfromegy]

المنتدي دا جميل جدا و الأعضاء ظرفاء و أجمل حاجه اني حسيت إن كل واحد قلبه علي باقيي أعضاء المنتدي.شكرا ﻷداره المنتدي و شكرا لكل من ساهم بالمرور و الرد علي موضوعي

[hessenp]

[gdwl]بس أنا مستغرب هو ليه بومة بتنزل لحد الوقت[/gdwl] ؟؟

لانها عربية عملية جدا وتقريبا احسن من الشارك من ناحية قطع الغيار وبرضة فئتها عالية مش اى كلام يعنى ....