استهلاك البنزين

[mazen86]

الحمدلله اشتريت لانسر 2008 خليجي الشكل القديم 1600 رياضية

عاملة 3500كيلو الوقتي

حاسس انها بتاكل بنزين جامد اوي وعارف حوار ان الاوكتان 95 بس طبعا مش هقدر

فكنت عايز اعرف هيا بتعمل معايا 350كيلو كل 42لتر

بصراحة انا شايف ان النسبة قليلة اوي اوي اوي اوي

ياريت حد يقولي رايه وياريت المهندس طارق يساعدني

انا رحت عملت صيانة 1000في مركز العدوي هنا في المحلة عشان جنبي قلي الاستهلاك طيبعي جدا

بصراحة مش مقفنع وسامع عن لانسرات بتعمل 600كيلو في التفويلة يعني انا اكيد عندي مشكلة

عايز اعرف منكم العربية بتعمل معاك كام كيلو في الصفيحة او التفويله

وشكرا

[nobody]

هو حضرتك بتحسب استهلاك البنزين ازاي؟
لو كنت بتعتمد على قراءة كمبيوتر عداد الرحلات فهذا غير دقيق
الصح انك تفول التانك وتمشي وتحسب مشيت اد ايه و بعدين تفول تاني و تشوف خدت كام لتر
على العموم اللانسر 1.5 بتعمل من 7 - 11 لتر كل مئة كيلو

[nobody]

انا آسف بحسبها موديل 2008 ex
على العموم ما تفرقش كتير
داخل المدينة بالتكييف من 10 الى 12 لتر كل مئة كيلو
خارج المدينة بالتكييف من 7 الى 10 لتر كل مئة كيلو

[mazen86]

سكرا لرد حضرتك

اقول لحضرتك انا حسبتها ازاي

42لتر دي تقويلة العربية عملت معايا 350كيلو

النسبة كدا تبقا 8 كيلو لكل لتر واحد مع العلم من غير حرق ولا اية حاجة

مش عارف الصراحة عايز اعرف المعدل الي عند حضراتكم لان سامع من واحد صاحبي

معاه نفس العربية بتعمل معاه 600 كيلو في التفويلة كلها فا مش عارف بقا ياريت حد يساعدني

انا بحط 92

[mazen86]

للدرجادي الموضوع صعب

[limo]

انا معايا 1600 اوتوماتيك 2008 خليجى وبحط بنزين 92
العربيه بتعمل معايا 190-200 فى الصفحيه لو السواقه هاديه جدا بدون تكيف جوه البلد
لو مشغل التكيف اوبشد وبجرى بالعربيه تقل عن المعدل ده كتير
يعنى سعات تعمل 150-160 فى الصفيحه لو انا مشغل التكيف فترات وماشى على ds شويه
ممكن تعمل من 170 الى 180 لو مشغل التكيف معظم الوقت وبجرى بالعربيه بس بالمعقول (بالمعقول يعنى بخلى الrbm يعلى بس شويه شويه مش بكبس علي البنزين ) وكمان الحركه ده بعملها لما اكون عايز تسارع اعلى للعربيه يعنى مثلا عايز اطلع من واحد -اخذ غرزه يعنى مش بعملها عطول

ده كلها المعدلات جوه البلد

اما خارج المدينه فكان فيه كذا موضوع سابق بتكلم عن الاستهلاك خارج البلد وثلاث اعضاء اجمعوا ان الاستهلاك 300كم فى الصفيحه على سرعه 90 -100 بدون مكيف
ولو بمكيف حوالى 270 كم

يعنى انت لو جيت حسبت الاستهلاك فى ال40 لتر هيلاقيهم بيعملوا 600 كم زى ما صحابك قالك بس لو ماشى على 90 -100 وبدون تكيف

الحسبات ده كلها لل1600 اوتوماتيك
وخلى بالك ان المانوال استلاكه احسن من الاتوماتيك

[Rsarabia]

ال 1300 مانوال اقل استهلاك و ال 1600 اوتوماتيك اعلى استهلاك انا 1300 اوتوماتيك بتعمل 240 تقريبا فى الصفيحة بالتكييف مجربتش الصراحة من غيره و على العموم لو هى بتعمل معاك 200 فى الصفيحة يبقى كويس جدا بالنسبة لل 1600 ممكن زمايلك اللى بيقولو اكتر دول يكونو 1300

[mazen86]

استاذ Limo

حضرتك اكلمت ان العربية معاك بتعمل 150-160 مع ds والشد

انا بتعمل معايا 130-140 من غير اي حاجة لاتكيف ولا شد ولا اي حاجة

عربية حضرتك عاملة كام كيلو ممكن اعرف اصل في ناس بتقول احكم علي العربية بعد5الاف كيلو

بصراحة انا بسمع كلام كتير وزهقت عايز رد قاطع

وشكرا لحضرتك

[limo]

انا عامل 2700كم يعنى برضو لسه معدش ال5 الاف
بس يا استاذ مازن حضرتك قولت فى اول مداخله انها بتعمل 350 فى 42 لتر يعنى فى 21 لتر 175 وده يعتبر معدل رينج المعقول
وفى المداخله الاخيره قولت انها بتعمل 140 - 130 فى ال 20 لتر منغير تكيف ولا شد ولا اى حاجه والمعدل ده وحش جدا ولازم تحط العربيه على الجهاز

[mazen86]

انا عامل 2700كم يعنى برضو لسه معدش ال5 الاف
بس يا استاذ مازن حضرتك قولت فى اول مداخله انها بتعمل 350 فى 42 لتر يعنى فى 21 لتر 175 وده يعتبر معدل رينج المعقول
وفى المداخله الاخيره قولت انها بتعمل 140 - 130 فى ال 20 لتر منغير تكيف ولا شد ولا اى حاجه والمعدل ده وحش جدا ولازم تحط العربيه على الجهاز

نسيت اوضح لحضرتك معلومة صغيرة ان 42 لتر لما عملوا 350 كان بنزين 90

وانا فعلا رحت التوكيل قلي العربية مفيش فيها حاجة بس عشان تستهلك اقل حط 95 طبعا كان ساعتها نفسي اضرب الراجل دا انا بحط

92 بالعافية فا مش عارف بجد انا حاسس اني ندمت اني جبت العربية دي مش عارف لية

[limo]

قالك 130 -140 فى الصفيحه عادى مع ال92 ؟
ده انهى توكيل ؟؟؟

[mazen86]

قالك 130 -140 فى الصفيحه عادى مع ال92 ؟
ده انهى توكيل ؟؟؟

توكيل العدوي علي طريق المنصورة المحلة لسة واخدين توكيل لانسر

وقلي حط 95 هتشوف فرق بصراحة انا بقيت محتار

العربي تعمل معايا كنت مفول 92 مرة بتعمل علي ما انا فاكر

6.5كيلو لكل لتر هل النسبة دي معقولة؟؟؟؟؟؟؟؟؟

انا عايز حد يساعدني

[mazen86]

هوا المفروض الاستهلاك يزيد ولا يقل مع رقم الاوكتان ؟؟؟؟؟؟؟؟

واحد تاني اداني افتالي النهاردة احط 80 واغير رشاشات بعد سنيتن

الشعب المصري بقا

[limo]

هوا المفروض الاستهلاك يزيد ولا يقل مع رقم الاوكتان ؟؟؟؟؟؟؟؟

واحد تاني اداني افتالي النهاردة احط 80 واغير رشاشات بعد سنيتن

الشعب المصري بقا

80 اه على اساس انه موجود يعنى
ده انا لما ال92 مبيكنش موجود مبجليش قلب احط 90 حتى
خليك فى ال92 اساسا العربيه عايزه 95 بس 92 مشغلها كويس
بالنسبه لموضوع استهلاك البنزين
انا رأى انك تروح التوكيل (مصريه ) لان مراكز الخدمه ده فيها عك كتير
بس الاول ياريت تشوف الاستهلاك كام بالضبط فى طريق سفر وبدون تكيف وبلاش التسارع الى ملوش لازمه يعنى خليك حنين على دواسه البنزين
قول وشوف انت مشيت اد ايه وبعدين فول تانى

[mazen86]

شكرا يا استاذ Limo

تعبت حضرتك معايا اوي والله

ان شاء الله هفول وهحسب واشوف

ربنا يسهل

شكرا