سيور الانسر 2007

[عمرو عبيد]

لو سمحتم انا عربيتى لانسر 2007 و عاملة 61000 كيلو و عاوز اعرف اغير السيور على كام و سعرها كام و اجيبها منين

[Adham]

راجع جدول صيانة السيارة اللي في كتالوجها او كان فية موضوع في قسم الميتسوبيشي بيحدد توقيتات اعمال الصيانة من الباشمهندس محمد (يعمل في مصرية توكيل ميتسوبيشي)

[HaNo_ELBeh]

لو سمحتم انا عربيتى لانسر 2007 و عاملة 61000 كيلو و عاوز اعرف اغير السيور على كام و سعرها كام و اجيبها منين

بص حضرتك المفروض ان العربيه فيها سيرين سير الكاتينه وسير الديناموا بالنسبه لسير الكاتينه المفروض عند 100000 ك بس حضرتك ممكن تغيره عند 80000 ك هيكون افضل واامن اما بالنسبه لسير الديناموا ممكن كل 25000 الى 30000 ك بس حضرتك بتقول ان العربيه عامله 61000 ك يعنى حضرتك لازم تعمل صيانة ال 50000 ك
1-تغير طقم السيور
2-تغير الكاوتش
3-عمل صيانة على السيرفيس كله
بالنسبه للاماكن ممكن حضرتك تسال فى توكيل المصرية للسيارات او حضرتك تنزل على الحرفيين وهناك فى ميكانيكيه ممتازين وفى محلات قطع غيار واعتقد ان فى محل فى الحرفيين اسمه العالميه وعنده قطع غيار اصليه او حضرتك ممكن تسأل عند مركز خدمه الرواس الموجود امام كورنيش العجوزة ودة مركز خدمه وقطع غيار اصلى
وبالتوفيق انشأ الله

[عمرو عبيد]

الف شكر ياباشا

[hossamsmsm]

ياباشا انا لسه مغير طقم السيور الاسبوع اللى فات
- غيرت سير كاتينه واشتريت الاصلى ب 225 جنيه وكان موجود يابانى ب 95 بس انا فضلت الاصلى فى سير الكاتيه
2- غيرت سير باور وتكييف واشتريت اليابانى ب 45 جنيه والاصلى كان ب 135
3- غيرت سير دينامو واشتريت اليابانى برضه 35 حنيه والاصلى كان ب 115
4- غيرت قاعده الفتيس اللى فوق واشتريتها تايلندى ب 100 جنيه والاصليه كانت ب 400
5- غيرت البوجيهات وجيبت نوع كده اسمه ( denso ) ناس قالتلى انه احسن من nkg وجيبته ب 55 جنيه
6- اشتريت منظف كاربراتير علشان الميكانيكى ينظف بيه ال ID او البوابه مش عارف ب 25 جنيه

كل ده وانا قاعد عند الميكانيكى من الساعه 3 العصر الى الساعه 10 بالليل ( احنا عدينا خط بارليف اسرع من كده )
والحرامى اخد منى 150 جنيه مش عارف ليه