لأصحاب الكريستالة

[kemo_nagy]

حد يعرف اية اللى علية دايرة دة فى الصورة اللى فى المرفقات

[HeMa_LanCeR]

بص ياباشا انا كمان كنت عايز اعرف بس في واحد قالي ان ده خزان هواء الفرامل بتاع السيرفو
والله اعلم

[kemo_nagy]

اية السرعة دى يا أب نيمو بس بجد ربنا يخليك
انا كنت فاكرو بتاع الفتيس الأوتو ماتك والله اعلم بس هو مش عندى فى العربية و انا عربيتى مانيول ياريت حد يأكدلنا المعلومة دى

[sherif_m72]

السرفو ملهوش خزان خارجى ابدا
والعلبه دى بداخلها فلتر
وده مخصص للبيئه ومش كل العربيات موجود فيها فلتر حماية البيئه

[HeMa_LanCeR]

علي فكره انا عربيتي مانوال وموجود فيها
طيب ده ممكن يأثر علي السحب أو أداء العربيه زي علبه البيئه اللي في البوما كده؟؟؟؟

[ihab]

ده خاص بالفتيس الاوتوماتيك

[ihab]

الجزء الخاص بالسيرفو ( الفرامل ) موجود قبل خزان زيت الفرامل

[HeMa_LanCeR]

لالالالالالالالالالالالالالالا ياشباب
انا عندي في المنوال
وعلي فكره هو فيه خرطوم واصل بالتانك
وخرطوم خارج منه وواصل بحاجه شبه المنظم بتاع الانبوبه وخارج منها خرطومين
وواصلين بالكربراتير
يبقي مالوش علاقه بالفيتيس اصلا

[bmya]

/انا كان معايا لانسر 99 كامله اتوماتيك Glx
وماكانش فيها الجهاز ده
وتقريبا الجهاز ده مش بيبقي موجود غير في العربيات الخليجي لان جوز اختي معه وحده 98 Gl مانوال وفيها الجهاز ده ولما سالته قالي ان الميكانيكي قاله ان ده جهاز تبع الفرامل بيظبط حاجه في الفرامل بس مش عارف صح ولا لاء بس الاكيد انه مالوش دعوه لافتيس الاتوماتيك خاااااااااالص

[sherif_m72]

يا جماعه ده ملوش علاقه لا بالفتيس ولا بالفرامل ولا اى حاجه ومتقلقوش نفسكم بيه ده لحمايه البيئه وبيقوم بعمليه تنقيه للعادم اللى داخل وخارج من الموتور وليس اكتر من كده وللعلم ان وجوده بالنسبه لينا هنا فى مصر زى عدمه ده لو كان لسه بيقوم بوظيفته وللعلم ايضا انه لا بيأثر على السحب اواكل البنزين او اي حاجه تانيه
فى بعض الدول تصر على ان كل العربيات اللى نازله ليها تكون مزوده بالفلتر ده علشان نقاء الجو وفى بعضها مش مهم بالنسبه ليهم
وملحوظه ايضا ممكن تكشفوا على بعض العربيات الحديثه هتلاقو ا فيها الفلتر ده مع اختلاف مكانه داخل صدر العربيه (ده حتى الادا الجديده موجود فيهاومكانه تحت السرفو على طول)
اه بالحق والله معظم الميكانيكيه ميعرفوش ده بتاع ايه
وانا واثق من اللى بقوله
ومؤكد انها مش مصرى العربيه دى ممكن تكون خليجى

[sherif_m72]

يا جماعه ازاى والنبى هيكون تبع الفرال وهو مفهوش اى وصله دخول او خروج لاى حاجه خاصه بالفرامل
وزى مقولت ان مش كل ميكانيكى هيعرف ده بتاع ايه لان مبيتعاملش فيه ولا بيه ولا هيقرب منه فى اى حال من الاحوال لانه لا بيبوظ ولا بيحصله اى حاجه يبقى ازاى هيعرف انه بتاع الفرامل ولا الفتيس ولا حطينه علشان يملا الفراغ

[kemo_nagy]

ياجماعة ياريت اللى عندو العربية و فيها البتاع دة يشوف الخراطيم جاية منين وواصلة لفين و احنا ممكن نستنتج وظيفتة

[HeMa_LanCeR]

يا جماعه ازاى والنبى هيكون تبع الفرال وهو مفهوش اى وصله دخول او خروج لاى حاجه خاصه بالفرامل
وزى مقولت ان مش كل ميكانيكى هيعرف ده بتاع ايه لان مبيتعاملش فيه ولا بيه ولا هيقرب منه فى اى حال من الاحوال لانه لا بيبوظ ولا بيحصله اى حاجه يبقى ازاى هيعرف انه بتاع الفرامل ولا الفتيس ولا حطينه علشان يملا الفراغ

ياباشا من غير نرفزه وعصبيه للأسف كلامك خطأ
لأنه واصل بالتانك والكربراتير
يبقي اصبح كلامك خطأ
يعني ولا في عادم ولا فيه يحزنون
الكلام ده بيبقي أسمه فلتر البيئه وطبعا لازم يكون بعد فرن الشكمان
وبعدين عادم ايه اللي هيستحمل خرطوم جلد رفيع كده
دا يسيح طبعا
ياريت بس حضرتك تشوفه علي الطبيعه وبعدين تحكم
لأنه عندي في العربيه وشفته متوصل بأيه
وزي ماقلت من فوق فيه 3 فتحات
1- فتحه مكتوب عليها هواء ومش متوصله بحاجه
2 - فتحه مكتوب عليها تانك وواصل منها ماسوره رفيعه للتانك
3- فتحه خارج منها خرطومين ومتوصلين بالكربراتير
وعلي فكره الخراطيم دي كلها قطرها قد القلم الجاف كده بالظبط

[HeMa_LanCeR]

وأدي ياعم صوره من قريب وعليها البيانات كمان
ولما نشوف بقي يا أنا يا البتاع ده علشان هو مجنني من ساعه ما جبت العربيه

[sherif_m72]

والله انا زاد احترامى ليك يا upnemo بسبب تصميمك وحماسك ده وعلى العموم احنا برضه محتاجين رأى يكون خبير فى الموضوع ده وانا هحاول بكره اكون جايب الدليل على صدق او نفى كلامى او كلامك والمهم فى الاخر اننا نستفاد من بعض ولا انت ايه رايك يا باشا
يلا بئه اشوفكم على خير ان شاء الله