بس يا سيدي...وأخيرا العربيه اتظبطت(قواعد الفتيس)

[aborawan]

السلام عليكم دي حكايه سريعه من حكايات الصنايعيه الي تودي في داهيه ....
اولا العربيه فيها رجه عند الطلعه ودردره العيب معروف قواعد فتيس.
روحت للميكانيكي وقولتله بعتني جبتهم (تايلندي)وبدأت العجائب العربيه بقى فيها صوت تكتكه عند العجله الشمال قدام في المطالع البطيئه رجعتله معرفشي يعمل حاجه روحت لمهندس جاامد في توكيل كيا قالي لازم تغير القواعد تاني وتجيب ((الأصلي)) روحت لعفشجي جاامد قالي لازم تغير القواعد تاني!!!!!!!!
المهم سمعت عن ميكانيكي بيقولوا انه( بروفوسير)وفعلا بروفوسير
ظبط القواعد التايلندي(قواعد الفتيس)وغير قاعدة الموتور الشمال بقاعده بردو (تايلندي) ب140 جنيه بس والغربيه بسم الله ما شاء الله ..العربيه بقت حرير ولا تكتكه ولا اي صوت وصوت الموتور هدي والحمد لله.
الدروس المستفاده:-حذاري من غباء الصنايعي لأني لو كنت ركبت القواعد من الأول عند الراجل دا(البروفوسير)مكنتش لفيت واتعقدت التعقيده دي كلها وكل واحد يفتيلي فتوه لما كنت كرهت العربيه
المهم الحمد لله
اسم الميكانيكي مسعد عبد الحليم شبين الكوم
ملاحظه الصيانه دي من شهر يعني جربت العربيه تحت اقصى الظروف

[S O P H O S]

مبروك حل المشكلة ..

[amrelsaqqa]

مسعد ده برنس جدا انا عارفه
بس ايه اخبار المصنعيات

[HaNo_ELBeh]

مبروك عليك حل المشكلة وخلى بالك المرة الجاية

[MITSUKERO]

الصنايعي اللي مش فاهم بيكلف اكتر من الصنايعي الفاهم اللي مصنعيته غالية

[hossamsmsm]

طيب متعرفشى حد فى طنطا محترم وفنان وبروفيسير برضه

[MITSUKERO]

يا جماعة لازم نعمل دليل للصنايعية الشاطرين و نفيد بعض بيه بدل ما كل شوية نلاقي واحد داخل يحكي قصة تحزن عن صنايعي نصب عليه

[aborawan]

مسعد ده برنس جدا انا عارفه
بس ايه اخبار المصنعيات

انا كنت اسمع انه غالي جدا هو اخد 100 جنيه مصنعيه في الحوار دا كله وعمل العربيه على مرتين شد على القواعد القديمه مره ومشيت بالعربيه 4ايام وبعدين اعادة كشف وركب قاعدة موتور شمال
مقارنة بأني اصلا كنت مركب القاعدتين ب100 جنيه وروحت لاتنين صنايعيه كل واحد يتفزلك شويه وياخد عشرين جنيه من غير فايده

[eng.m7md.ali]

مبروك حل المشكلة ياباشا


بس ازاي القاعدة كانت بترج معاك وبعد كدة اتظبطت.. هو عمل ايه بالظبط خلى القواعد اللي مش اصلية بقت اصلية؟

[salah_86]

باشا انا من شبين الكوم ممكن تقولى مسعد دا فين بالضبط وهل يشتغل فى هيونداى جيتز برضة ولا ايه نظامه وهل هو محترف فعلا ولا ؟؟؟؟؟

[aborawan]

مبروك حل المشكلة ياباشا


بس ازاي القاعدة كانت بترج معاك وبعد كدة اتظبطت.. هو عمل ايه بالظبط خلى القواعد اللي مش اصلية بقت اصلية؟

يا باشا انا مقولتش انها بقت أصليه المشكله ان الميكانيكي الي غيرلي قواعد الفتيس مفهمشي انه كان لازم يغير قاعدة موتور شمال لانها بايظه حتى بعد ما روحتلوا مرتين وقولتلوا العربيه مش مظبوطه بردو مفهمشي لا هو ولا مهندس توكيل كيا في بنها بس

[aborawan]

باشا انا من شبين الكوم ممكن تقولى مسعد دا فين بالضبط وهل يشتغل فى هيونداى جيتز برضة ولا ايه نظامه وهل هو محترف فعلا ولا ؟؟؟؟؟

الحاج مسعد عبد الحليم قريب جدا من مستشفى خاصه اسمها عرفه
بيشتغل في اي عربيه هو عنده صنايعيه مش بيشتغل بايده بس بيفتح الساعه 11
وجرب مش هتخسر حاجه

[M.Nasr]

مبروك كويس انها ظبطت معاك
انا جربت التايلندى ده قبل ماستحملتوش شهر وغيرت تانى جبت الاصلي

[Eng.Peter]

شكرا لانك بنعلن عن الفائدة و بتفيد الصنايعى اللى يستاهل

[hesham22822]

مبروك حل المشكلة