سؤال للمهندس طارق حول الخليجى والمصرى جزاك الله خيرا

[semsem8100]

من خلال اللى قرأته أفهم أن الخليجى اللى من عند الرواس بس هو اللى عليه ضمان ؟ يعنى لو من عند أى معرض تانى ليس له ضمان؟ وهل ضمان الرواس زى ضمان الوكيل ولا فيه فرق وهل من الممكن لأى معرض يستورد ولا هو الموضوع حكر على الوكيل والرواس فقط - وبالمره ياريت تقولنا الفرق بين 1600 أتوماتيك عاديه مش رياضيه الخليجى والمصرى يعنى نفرق بينهم أزاى علشان محدش يغشنا وياريت تنويه عن الكماليات عامه و خاصه ال abs والاير باج فى الاثنين ( هل صحيح المصرى بيتجمع فى مصر ولا مستورد بمواصفات مصريه والخليجى بيتجمع فى الخليج ولا برضه مستورد بمواصفات خليجيه ) ولو عندك أى أضافه من ناحيه رأيك الشخصى ( خليجى ولا مصرى ) تود زكرها ياريت ما تبخلش علينا ونأسف للأطاله وجزاك الله عنا خير الجزاء وشكرا ،،

[مصراوي جدا]

اهلا وسهلا بحضرتك معانا في المنتدى

هو مبدئيا كل اللانسر صناعة ياباني 100 % سواء المصري او الخليجي او الأردني انما كلمة مصري وخليجي وأردني مقصود بيها ان العربية بتصدر من اليابان للوكيل في مصر فسميت مصري ومن اليابان للوكيل في اي دولة خليجية فسميت خليجي وهكذا

من كام سنة تم تعديل قانون الاستيراد منعا للاحتكار بحيث انه لم يصبح ضروري استيراد العربية من بلد المنشأ وبالتالي اصبح أي معرض صغير او كبير يقدر يستورد عربية او 2 أو 1000 من أي دولة ، ومن وقتها وكل المعارض بتستورد من الخليج عربيات كتير مش الميتسوبيشي لانسر بس

مع استيراد الخليجي ظهرت مشكلة الضمان وهي ان الوكيل في مصر بيضمن عربياته اللي بيستوردها عن طريقه فقط اما العربيات المعاد تصديرها من الخليج فهي خارج الضمان وكذلك الشركة الأم نفسها (ميتسوبيشي اليابان أو ما يماثلها) فهي لا تقدم ضمان يغطي العربيات المعاد تصديرها (فيه شركات قليلة جدا بتقدم ضمان دولي عام)
وبالتالي العربيات الخليجي في مصر ضمانها بيكون تابع للمستورد

بالنسبة للانسر الخليجي فالتاجر خمس أنواع :
- الرواس وده اكبر مستورد للخليجي وبيقدم ضمان زي ضمان الوكيل وعنده اربع مراكز خدمة

- بعض التجار الكبار عندهم مركز خدمة وبيقدم ضمان سنة على العربيات اللي هو بيستوردها بشرط عمل الصيانات الدورية في مركزه

- فيه مجموعة معارض ومستوردين بيتفقوا مع مركز خدمة مشهور يكون الصيانة عنده ويتعمل ضمان سنة تبعه

- فيه معارض معندهاش ضمان خالص والمعرض بيكون صادق وبيقول العربية بدون ضمان

- فيه معارض معندهاش ضمان خالص والمعرض بيكون كداب وبيقول ضمان مصرية او الرواس وهي لا ده ولا ده وبيجي لنا احيانا ناس شاريين من معارض زي كده

[waelkasem]

لو سمحت يا باش مهندس انا عربيتى خليجى 1300 مانيوال و عايز مركز صيانه محترم و كويس فى الاسكندريه او فى القاهره ز برجاء الاهتمام و سرعه الرد للاهميه