استفسار غن مكان بيع قطع غيار اصلية

[BASOOMVIP]

يا ريت الاخوة الاعضاء يقولولنا عن اماكن بيع قطع غيار البومة الاصلية بس يكون جربه و متأكد انه عنده الاصلى و محدش يقولى التوكيل عشان بعد الموقف الى حكيته قبل كدة قررت انى مش هتعامل مع التوكيل نهائى حتى لو هبيع العربية عشان متعاملش معاهم عشان دى ناس لا عندها ضمير و لا اخلاق فياريت لو حد يعرف اسماء محلات كويسة فى التوفيقية مثلاً يقولنا عليها و يارب منتحرمش منكو ابداً

[akmm]

متابع مع حضرتك ..............

[Mohatfhd]

الهدي فى صقر قريش و اشتريت منه كذا مره

[MR . Gold]

يا ريت الاخوة الاعضاء يقولولنا عن اماكن بيع قطع غيار البومة الاصلية بس يكون جربه و متأكد انه عنده الاصلى و محدش يقولى التوكيل عشان بعد الموقف الى حكيته قبل كدة قررت انى مش هتعامل مع التوكيل نهائى حتى لو هبيع العربية عشان متعاملش معاهم عشان دى ناس لا عندها ضمير و لا اخلاق فياريت لو حد يعرف اسماء محلات كويسة فى التوفيقية مثلاً يقولنا عليها و يارب منتحرمش منكو ابداً

للاسف اللي اعرفة ان مافيش حد بيبيع قطع غيار الانسر الاصلي غير التوكيل ولو لقيت عند حد قطعة غيار اصلية هاتلاقيها اغلي من التوكيل لانة هو نفسة بيشتريها من التوكيل بنفس سعرك فالازم يكسب فيها طبعاً .. وعلشان أأكد لحضرتك هاتلاقي حالياً فروق اسعار بين التوكيل الجديد والتوكيل القديم لان التوكيل الرسمي حالياً لشركة ميتسوبيشي اليابان هي شركة دايموند وهي اللي هاتلاقي اسعار افضل فيها من الرواس ومصرية لان الرواس ومصرية بيشترو حالياً قطع الغيار الاصلية بردو بس من دبي فاهاتلاقي في فروق في الاسعار اغلي .. ويارب اكون افادتك

[BASOOMVIP]

للاسف اللي اعرفة ان مافيش حد بيبيع قطع غيار الانسر الاصلي غير التوكيل ولو لقيت عند حد قطعة غيار اصلية هاتلاقيها اغلي من التوكيل لانة هو نفسة بيشتريها من التوكيل بنفس سعرك فالازم يكسب فيها طبعاً .. وعلشان أأكد لحضرتك هاتلاقي حالياً فروق اسعار بين التوكيل الجديد والتوكيل القديم لان التوكيل الرسمي حالياً لشركة ميتسوبيشي اليابان هي شركة دايموند وهي اللي هاتلاقي اسعار افضل فيها من الرواس ومصرية لان الرواس ومصرية بيشترو حالياً قطع الغيار الاصلية بردو بس من دبي فاهاتلاقي في فروق في الاسعار اغلي .. ويارب اكون افادتك

شكراً على الافادة بس انا مرة جبت فلتر هوا من محل عادى و كان اصلى و مكتوب عليه متسوبيشى و عليه العلامة و كان ب 45 جنيه اعتقد سعره فى التوكيل اغلى من كدة بس المشكلة ان المحل مش عنده كل حاجة فمتهيألى اكيد فى صرفة بعيد عن التوكيل الزبالة

[MR . Gold]

شكراً على الافادة بس انا مرة جبت فلتر هوا من محل عادى و كان اصلى و مكتوب عليه متسوبيشى و عليه العلامة و كان ب 45 جنيه اعتقد سعره فى التوكيل اغلى من كدة بس المشكلة ان المحل مش عنده كل حاجة فمتهيألى اكيد فى صرفة بعيد عن التوكيل الزبالة

ياباشا مع احترامي لحضرتك .. الفلتر اللي حضرتك ذكرتة مش اصلي اي نعم هي هي نفس العلبة بس مش اصلي وهكذا في تيل الفرامل نفس العلبة وهكذا في فتر الزيت نفس العلبة لكن للاسف هذة المنتجات مضروبة وليست الاصلية .. الاصلي زي ماذكرت لحضرتك مش موجود غير في التوكيل فقط لاغير ومعلش اللي يقولك دة اصلي ومن غير التوكيل ما تصدقوش نهائي لان توكيل ميتسوبيشي عندة سياسة احتكار سلعتة غير توكيل هيونداي ممكن تلاقي موزعين معتمدين من غبور

[salah_86]

بص ياباشا من الاخر كدا ومن تجربتى زى ما الشباب قالو لحضرتك فى قطع غيار لازم تجيبها من التوكيل وحاجات تانية لا
يعنى حضرتك سير الكاتينة هاته من التوكيل مهما يكون سعرة بس لما تجيب خليك فى دايموند بلاش المصرية والرواس لانهم بقوا يجيبوا قطع الغيار بتاعتهم من الخليج واحيانا بتبقى غالية عن دايموند
اما فى قطع غيار تانية ممكن تجيبها من محل عادى بس تايوانى يابانى مش صينى ولا مضروب علشان تحافظ على عربيتك
انا كنت زمان لو مسمار فى العربية بجيبة من التوكيل ودلوقتى بجيب حاجات معينة من التوكيل وحاجات من برة بس يكون محل مضمون وبالنسبة ليا انا يا بجيب من المصيلحى فرع دايموند بس هحاول بعد كدا اروح الفرع الرئيسى دايموند ذاته ومن برة بجيب من محل فى طنطا اسمة مجدى موتورز لانى من المنوفيه شبين الكوم

[حمدي سليمان مه]

شكرا علي الاهتمام

ياريت اخي الحبيب عنوان ديموند بالضبط وياسلام لو تليفون للمحل يكون لك الف مليون شكر

[MR . Gold]

ياريت اخي الحبيب عنوان ديموند بالضبط وياسلام لو تليفون للمحل يكون لك الف مليون شكر

ابورواش
الكيلو 28 طريق مصر اسكندرية الصحراوي


الكيلو 21 طريق مصر اسماعيلية الصحراوي

تليفون 16512

[MR . Gold]

ابورواش
الكيلو 28 طريق مصر اسكندرية الصحراوي


السعودي جروب الكيلو 21 طريق مصر اسماعيلية الصحراوي

تليفون 16512