ركبت زينون

[salah_86]

السلام عليكم ورحمة الله وبركاته
بفضل الله ركبت زينون hid 35 وات و 8000 كلفن بس الكهربائى اللذيذ شال العواكس علشان النور يبقى قوى
هو قوى جدا خصوصا انى روحتلة بعديها قلتلة وطية شوية
ايه رائيكم فى حكاية العاكس دى علما بان فوانيسى الامامية هى الديبو التيوانى الاسموك لانى خالع الاوريجنال وحاططهم فى البيت

[S O P H O S]

مبروك يا باشا ..

[amz2011]

حوار انه يشيل العواكس هيخلى ال 80 مليون مصرى يضايقو منك و انت ماشى و هتسمع تعليقات عليك مش لذيذه ولان الضوء هيبقى مشتت مليون فى الميه . و بعدين انت كمان مش عندك عدسه
و خد بالك لو عديت على لجنه هيسحبو الرخص وش لانه هيضرب فى وش الضبط و هيتغاظ منك جدا و هيصمم انه يسحب الرخص. انما لو مركبه و عليه الطربوش بيمنع التشتت بنسبه 50 % و ياسلام لو مركبه على عدسه مفيش حد هيضايق منك و دخلت على لجنه فيها لواء مش هيعملك حاجه. انا بنصحك نصيحه اخويه مش اكتر

[eldell]

مبروووك ياابو صلاح بس خليه يركب العواكس تااانى علشان فعلا تشتت النور وياااريت تقولنا سعره كاااام

[salah_86]

الله يبارك فيكم ياجماعه
النوع hid 35 w 8000 k
350 جنية غير شاملة التركيب
الولد الكهربائى قالى انه شال العواكس علشان نوعه ضعيف حبتين وكدا بيكون قوى
انا كدا كدا رايحلة بكرة ان شاء الله علشان عاوز اشيل الانذار اللى انا مركبة واجيب انذار تانى بتولف على ريموت العربية علشان مبقاش ماشى بريموتين واشوف حكاية العواكس دى

[salah_86]

دلوقتى انا بفكر اشيل الزينون دا احطة تحت فى الشبورة واجيب جهاز تانى يكون افضل شوية احطة فوق بس يكون اعلى شوية اجيب ايه ومنين وبكام ياريت حد يقولى على محل كويس فى التوفيقية ويكون مضمون علشان مينضحكش عليا