عايز أمون بنزين 80 او غاز ايه رأيكم

[amr_mahmood2000]

فكرة موفرة في الفلوس بس مجنونة شوية أية رأيكم؟!

[mohammedabdallh]

انا معايا كرستاله
بفول بنزين 80
وهو شغال
بس طبعا بيخنق العربيه
الى بيغظنى انى بلاقى ناس معاها عربيات عاليه وبيحطوه 80

[mado83]

شوفت كارينز واقف بيمون 80
والاحدث بقه الجيتا الشكل الجديد اللى شبه الباسات واقف 80 برضو
طبعا انا بقه بالمازدا 323 قمت داخل على طرمبه ال92 وبصيت لبتاع الجيتا كده من فوق لتحت وقولت لعامل البنزينه فول يابنى ب19 جنيه ههههههههههههههه
علشان ال80 كان زحمه

[HaNo_ELBeh]

فكرة موفرة في الفلوس بس مجنونة شوية أية رأيكم؟!

[frame="7 60"]
هى فكرة موفــــــرة للفلوس فعلا
[/frame]بس لو كل الناس عملت زى حضرتك يبقى البلد كلها هتبقى عبارة عن طوابير فى الشوارع ومحدش هيتحرك من مكانة يعنى المشوار الواحد ياخد من يوم الى 3 ايام

[amr_mahmood2000]

سؤال للدكاترة الافاضل خبراء السيارات هو المفروض اعمل اي حاجة في العربية قبل ما أحط البنزين 80 ..................... عشان خايف حاجة تفرقع في وشي ولا حاجة ههههههه................اصلي معنديش خبرة خالص وشكرا

[mohammedabdallh]

سؤال للدكاترة الافاضل خبراء السيارات هو المفروض اعمل اي حاجة في العربية قبل ما أحط البنزين 80 ..................... عشان خايف حاجة تفرقع في وشي ولا حاجة ههههههه................اصلي معنديش خبرة خالص وشكرا

ولا هتعمل اى حاجه
فول ياعم ووفر فلوس
بس كله هيبقى على حساب عربيتك
خنقه سرعه اقل كركره
لو عربيتك كربراتير
ممكن تهدى الكهربا شويه
او انجيكشن
هتغير رششاشات اسرع من المعدل بتاعها

[amr_mahmood2000]

ربنا يخليك ياباشا والله الواحد من غير مشورتكم هيعمل ايه دي فعلا هتوفر جامد بدل ماكنت بفول بحوالي 80 جنية دلوقتي اكيد هفول ب............... هي التفويلة 80 بكام

[mohammedabdallh]

اقل من نصف تفويله 92
بس مش على طوول تفول 80
يعنى مرتين كدا ومره كدا علشان تحس بالفرق
ههههههههههه

[amr_mahmood2000]

شكرا ليك يا محمد باشا والله الواحد من غيركم مكنتش عارف هعمل ايه شكراااااااااااااا

[akmm]

فعلا نفسنا فى عربيات تفول بالماء .

[amr_mahmood2000]

هههههههههه ياريت او بعصير القصب عشان الايام اللي احنا داخلين عليها ربنا يستر

[mohamedrabia]

خلاصه البنزين 80 والغاز علي العمر الطويل هياثروا علي الماتور بس الفكرة في التوفير وكمان الراحة بنزين 80 طوابير وزحمة ووقت رايح الغاز مكلف كاصل ثابت في عربيتك ممكن تبيعها بعد كده بيه او من غيرة وعموما دي ترجع لراحتك الشخصيه بس عموما في ظل الحاله السيئة الي بتمر بيها البلد اي وفر في مصلحتنا

[elsharief]

سؤال للدكاترة الافاضل خبراء السيارات هو المفروض اعمل اي حاجة في العربية قبل ما أحط البنزين 80 ..................... عشان خايف حاجة تفرقع في وشي ولا حاجة ههههههه................اصلي معنديش خبرة خالص وشكرا

انا هقلك كلام قاله دكتور هندسة ميكانيكا
اولا الجاز كفاءته اعلى من البنزين يعنى لو البنزين كفاءته مثلا 40 % يبقي الجاز 60%
ولـــــــــــــــــــــــــــــكن الشوائب فى الجاز اعلى من البنزين
وطبعا تصميم الموتور فيه محركات جاز ومحركات بنزين

الفرق بين ال 92 وال90 وال80
ال92 مثلا يتكون من اوكتان اعلى هبتان اقل
بالرغم الاوكتان مش مسئول عن مقياس القوة الباور ولكن مسئول عن انه ميخليش المحرك يخبط او يعمل اى صوت تانى غريب زى الصفير
ولكن عدم وضع الاوكتان المطلوب يقلل من عمر السيارة و يدمر المحرك
كلمة خنقة العربية بتيجى عشان حاجة اسمها engine compression ratio
وديه بتبقي مسئولة عن اداء المحرك وقوته يعنى على حساب الرقم تحدد نوع البنزين (الاوكتان) اللى السيارة تحتاجه عشان اداء المحرك وحرق الوقود فلما بنحط بنزين باوكتان اقل العربية ببتخنق وده بيأثر على المحرك
وهياثر على اداء السيارة عموما و المحرك هيحاول يوفق مع الاوكاتن الاقل هيؤدى لسخونة الموتور وفى حالات خطيرة ممكن يسيح المكبس و فيشة او مطلق الشرارة spark plug
وممكن تلاق انك عشان توفر 20 او 50 جنية تلاقى نفسك بتدفع بعديها بفترة 1000 او 2000 او ازيد وتيجي تحسب اللى وفرته تلاقيه تمن المصنعية والتصليح بس اذا مكنش هيكون اقل

وبالنسبة للناس اللى بتخلط 80 على 90 او 80 على 92 او حتى 95 على 92
مش شرط يديك كفاءة متوسطة
بالرغم ان الاوكتان على حسب الوقود يعنى حتى لو حطيت 5 لتر 92 وخمسة 80 مش شرط يديك كفاءة لبنزين مثلا 88 او 87 يعنى هى مش علاقة خطية


الغاز انا جربته وسقت عربية ماشية بيه هو ناعم جدا والعربية ديه بشتغل بنظامين جاز و غاز (نازلة بيهم اصلا يعنى مش السواق اللى مركبهم)
وعشان تشغل الغاز تدوس على مفتاح يحولك تمشى على الغاز (المفتاح ده لو باظ بحوالى 600 جنية)
و التانك الكامل غاز كان بيمشى صاحب العربية 100 كيلو او 110

[amr_mahmood2000]

انا عربيتي 1300 سي سي كاربوراتير . تفتكر هتتأثر لو حطيت 80

[Eng.Peter]

ليه 80 او غاز
ماشوها بطاحوه هواء اوفر