اين يوجد احسن مركز خدمة لمتسويشي؟

[amro0000]

لو سمحتو اي حد يعرف اماكن لصيانه متسوبيشي انا معايا بومة 2007 ياريت حد يعرف مركز متسوبيشي مضمون ولو حد يعرف اسعار صيانه ال 80الف في التوكيل بتتكلف كام وهل تنصحوني اعمل العربية عند ميكانيكي ولا اروح التوكيل ولالاء ياريت تجاوبوني لاني لسة شاري العربية وياريت تقولولي احسن زيت يتحطلها اية

[amr00]

السلام عليكم

انا رأى هات قطع الغيار المهمه من التوكيل زى السيور وغيرها من القطع العمليه
وركبها عند اى ميكانيكى شاطر ومضمون عشان التوكيل ده اسم وخلاص ومعظمهم عمال ومهندسين حفظين مش فاهميين عباره عن فك وغير .وبيشتغلو الناس وخلاص لو معاك فلوس محيراك روح .التوكيل ارميها هناك من الاخر التوكيل ده اول صيانتين 1000 كيلو و10000 كيلو عشان تتطمن على العربيه الجديده ضد عيوب الصناعه .

وبالنسبه للزيت ليكوى مولى ده زيت المانى مستورد والكل بيشكر فيه او زيت شيل.

اما عن ميكانيكى او مركز كويس مش هقدر افيدك عشان انا من خارج القاهره والاعضاء هنا هيعرفوك ان شاء الله.

وربنا يوفئك

[midooo_119]

فيه توكيل ميتسوبيشى عند ميدان الكيت كات فوق النفق ناس محترمه جدا و فاهمه صاحبى مجربة عربيته بومه 2006

[ZALABANY]

عندك مركز توب جير في المطبعه فيصل ناس شغلها محترم جدا وهما وكيل لزيوت ليكوي مولي وشغلهم نضيف وصاحب المركز معاه لانسر قعشان كده حافظين كل مسمار فيها

[hatemmohsen]

استاذى العزيز

عن نفسى انا بعما صيانة دورية كل 10000 عن توكيل مصرية فرع جسر السويس عند سوق القنال لكن انا دايما بغير الزيت والفلتر خارج التوكيل

[MITSUKERO]

ممكن تروح ورشة المتخصصون و هم مجموعة صنايعية من توكيل قليوب الرئيسي و فاتحين في الاميرية و انا جربتهم و ناس هنا جربوهم
هم عندهم كل حاجة زي التوكيل بالظبط و قطع غيار اصلي بس مصنعية ارخص و لو في حاجة ممكن تيجي استيراد بيجيبوهالك

[khaledmekawy2008]

توكيل المصرية اللي قليوب هو افضل مركز خدمة والمهندسين ناس خبره جدا واكتر ناس فاهمه فالعربية وانصحك بالتوكيل لانك في كل صيانة بيعملولك فحص شامل عالاعطال وانت بتعمل الصيانة بتاعتك العادية حتي لو غالي بس اضمنلك بكتييير لو عايز تحافظ علي عربيتك يعني

[khaledmekawy2008]

بالنسبة للزيت افضل حاجة ليكوي مولي زيت نضيف جدا جدا وبيحسن اداء العربية بشكل ملحوظ