احذروا الميكروباصات

[salah_86]

السلام عليكم ورحمة الله وبركاته
احلى مساء على احلى شباب فى الدنيا كلها
انهاردة وانا راجع من الشغل بعدا نزلت من الدائرى نزلة اسكندرية الزراعى راجع للمنوفية الارض الطيبة بعد شغل 12 ساعة متواصل دا غير انى خارج من بيتى الفجر لقيت الدنيا زحمة جدا جدا قلت امسك الشمال مع انه ماشى بالراحة جدا بس قلت علشان انا تعبان ومش مركز قوى المهم
فضلت اعدى صف فى التانى لحد ما جه جنبى ميكروباص راسة والف سيف ميعدنيش المهم هديت وقلت اعدى من وراه لما هو يمشى المهم جه حمار من جنبى ب بيجو 7 راكب واقم حادف عليا لدرجة ان المراية اتعجت الناحية التانية يعنى مشيت معاه عكس اتجاها واحنا بنقفلها والدنيا وقفت شديت الهاند وفتحت الزجاج اليمين وبدات اعدلها واتاكدت الحمد لله انها سليمة وشغالة والكهربا فيها تمام قلت الحمد لله واصلا هو جرى وتاه منى وسط الزحمة معرفتش اجيبة علشان اشتمة الصراحة
المهم جه الافندى بتاع الميكروباص اللى جنبة زنق عليه متفهمش عمل ايه لقيته دخل بالاكصدام بتاعه فى الطاسة عندى الخلفية يمين
وسمعت صوت خروشة المهم قلت مبدهاش شديت هند وضربت انتظار وبطلت وشيلت المفتاح من الكونتاك علشان اللى بيحصل اليومين دول وحطيتة فى جيبى ونزلت ابص على العربية
المفاجاه مفيش اى حاجة فى العربية خااااااااااااااااااااااالص
حمدت ربنا ولقيت الباشا جاى بيقولى خبطنى يا استاذ قلتلة دانت اللى كاسر عليا قالى اهو الباب اتعوج قلتلة بقولك ايه فكك من الحبتين دول باب ايه اللى اتعوج ايه اللى جاب الباب لعربيتى دا عالى عن العربية ومتلبسهاش فيها ازاى خبطتك وعربيتى مفيهاش خربوش اتكل على الله انا مش عاوز مشاكل
وركبت العربية قعد يخبط على الازاز ويقولى لو مشيت هخبطهالك فتحت العربية وقلتلة لو ممشيتشى هكلملك النجدة غور يالا
المهم فعلا قعد يزنق عليا ومعدنيش خالص لحد ما عديته بعد كوبرى قليوب عند الميصلحى كدا وجبته تحت درسى يمين فى شمال وغلبت اهلة ومعديتهوش لحد طوخ لانه كان حارق دمى قوى
وفتحت بقى فى السرعة جيت وصلت الحمد لله تحت البيت ببص على العربية مفيهاش اى حاجة خالص
الحمد لله طبعا
بس الناس مبقاش لا عندها اخلاق ولا ضمير انا زهقت من العالم دى

[aldesha989]

حسبى الله ونعم الوكيل والله عالم زباله
برضه حصلت معايا انا وجوز اختى كنا ماشيين فى امان الله ودخلنا شارع وكانت الاشاره واقفه فنزلنا عادى فالاشاره فتحت وسواق تاكس بيعدى واحنا اساسآ كانت اشارتنا مفتوحه يعنى المفروض نعدى وبعدين سواق التاكسى

راح ضارب النور العالى وقعد يشد معانا وراح شاتمنا شتمنا اهله نفر نفر :d
وجوز اختى لبسه فى مكروباص هههههههههههههههههههههه
وشدينا شويه وبعدين استينناه راح معدى من وارنا جرى ولا قدر يفتح بوقه لانه فعلآ كان هيلبس فى المشروع كان هيلبس

بس الناس كلها بقت كده الا من رحم ربى وحسبى الله ونعم الوكيل

[MohammedAladel]

حسبى الله ونعم الوكيل

[Hondawy_2008]

ناس أوطى من الرصيف لو منك كنت شديت الكوريك ولا قفل الدركسيون و اديته واحدة في دماغه

[S O P H O S]

الحمد الله ان العربية سليمة ..

[dr.hazem]

غباوه غباوه بجد...
كله بقا غبي وغشيم واهبل ومش عارف اخرتها ايه...
انا ضغطي بيترفع من الحوارات دي.....
حاجه تفقع المرارة...

Sent from my SE Arc S using Forum Runner

[egman]

والله حضرتك انا حاسس بيك جدا جدا جدا لانى بقايل الزبالة ده كل يوم وكنت بعمل ميت مشكله وخناقة لحد ما لقيت نفسي انى همرض وهيجيلى الضفط منهم قعدت احاول ما اخدش بالى وانا ماشي واهوه ربنا ساترها الحمد لله ، حمد لله على سلامتك انت الاول وعلى العربية ، الواحد بجد زهق جدا جدا وقرف ونفسه يشوف يوم فى الزبالة السواقين مش ميكروباص وبس كل صنف وما بالك بالنقل والتريلات على الدائري وطريق السويس اكنهم بيلعبوا ، اقسم بالله العظيم ان السواقين الى المفروض ان ده شغلهم والله لا سواقين ولا حتى يعرفوا يسوقوا عجله ، هو بيفتكر ان السواقه بالدراع وهما فى الاصل الحمار بيفهم عنهم .
انا مرة فى شبرا الخمية خضرتك والدنيا زحمة وواقفه وما ادراك ما شبرا الخيمة وميكروباص راما القديم ده بدل ما يدني كلكس علشان انا انزل امشيله الزحمة لأ بيخبطنى باكصدام عربيته فى اكصدام عربيتى ولما ببصله فى المرايا بيقولى بايده خلص اتحرك وحاجات كتير ومواقف كتير ، انا نفسي يمنعوا التكاتك وكل واحد فيهم يرجع يشتغل الى كان بيشتغله قبل الاخترع الزفت ده ، ولازم السواقين بتوع النقل والميكورباص دول يكونوا متعلمين على الاقل تعليم فوق متوسط اقل من كده يشوف شغله تانية غير ده علشان لما تحصل حاجة تلاقى شخص تكلمه من حمار واقف ينهق وخلاص ، السواقين دول عايزين قانون طوراىء لوحدهم خاص بيهم ويكون الحكم فيه مش السجن يكون الدهس بالجزمة .

حمد لله على سلامتك مرة تانية يا باشا وحاول تمسك اعصابك على قد ما تقدر لان الواحد لو مشي ولا الزباله ده وحوارتهم هيمرض والله .

[amro0000]

انا كرهت البلد والسواقة بسبب الناس الي زي دي تحسسسسسسس الناس الي بتسوق مش عندها رحمة والله ببقي مرعوب حد يخبطني الواحد بيحس في سواقين النقل والمكروباص انهم بينتقمو مش بيرحمو حتي لو شايفين ان عربيتك هتتخبط وممكن يوسعلك حاجة خير يعني بسسسسس الرحمة معدومة بجد مفيش رحمة في الشعب دا والمشكله مش في بلد المشكله في الشعب دا يا ناسسسسسسسسسسسسسسسسسسسسسسسسسسسسسسسسسسسسسسسسسسسسسسسس سسسسسسسسسسسسسسسسسسسسسسسسسسسسسسسسس الشعب وبس

[dolly13]

الحمد لله انها جت سليمة والعربية ماحصلش فيها حاجة

[AHMED_HAMDY]

[COLOR="DarkSlateBlue"][/COLOR
حسبي الله ونعم الوكيل بجد

كل يوم بنقابل الناس دي عالم غريبه بجد

واضافه على كلام الموتسكلات ؟؟؟؟؟؟ دول العن كمان يمين في شمال ومخالف وكل حاجه

ربنا يصبرنا بجد
لسه من كام يوم في الزقازيق موتيسيكل زنق على عربيه دكتور نزل يتكلم اتخانقوا معاه بيطلع المسدس علشان مش يمشوا بعد مخبطوله عربيته خده المسدس ضربوه وضربوا طلقنه جت في واحد ماشي في حاله مع مراته ؟؟؟

بس الحمد الله مسكوهم والناس في المستشفى اللي اتصابوا بس مش ماتوا الحمد الله

ربنا يسترهها معانا بجد