قربت ابطل سواقة يإما همشى مع التيار

[salah_86]

السلام عليكم ورحمة الله وبركاته
ازيكم ياحلى ناس
اخباركم ايه
والله ياجدعان اللى بيحصل على الطرق السريعة دا استهبال والله
انا قربت اركن العربية واقتصر مشاويرى على سفرى للمصيف ومشاويرى فى البلد وخلاص انما وانا جاى الشغل هركب مواصلات الناس بقت تسوق عافية وبس باين بياكلو بزيت عافية تقريبا
وتلاقى واحد بعربية سوزوكى اصلا هيا مش باينة مركبلى كلاكس مقطورة وجاى ورايا تمام طيب هاروحلك فين يابن المفكوكة منا قدامى عربيات لا والادهى لما ابص فى مرايتى الاقية لازق فيا يعنى انا لو شعرت فرامل هيلبس فيا
واى حد معاه ملاكى دلوقتى تعدى من جنبة بكل ادب واحترام تلاقية طالع وراك الله مانت كنت ماسشى براحتك فى ايه حصلك لما عديتك يعنى نقصت حته
هى دى جدعنه مثلا وبجد مبقاش فى اخلاقيات والميكروباص والمقطورة دا حاجة تزهق واللهمشوار شغلى دا خلاص جننى

[carfreak92]

ربنا يسترها علينا والله البلد المرور فيها بقا حالته تحت الصفر ايام مبارك كان فى استهبال مش للدرجه الكبيرة الموجودة حالن دى ادينا صابرين لما نشوف اخرتها ايه

[Mohab.Nabil]

هو حضرتك بتمشى على طريق القاهرة الاسكندرية الزراعى؟

لو فعلا كده انا مقدر حالتك و ليك حق تقول اكتر من كده

انا على الطريق ده انا و الاسرة كنا هنتقلب بالعربية بسبب واحد بمقطورة بياخد غرزة و العربية حدفت منه شوية خلتنا نلف الطريق كله بس الحمد لله ربنا ستر

[egyptiandiver]

ربنا يسترها معاك

[salah_86]

ايوة ياجماعة مصر اسكندرية الزراعى
لانى من المنوفيه شبين الكوم وشغلى فى مطار القاهرة

[Mohab.Nabil]

دا طريق صعب جدا فعلا السواقة عليه و مليان عربيات نقل كتير جدا .. دا غير المطبات اللى عاملينها فى كل حتة كأن الطريق فى وسط البلد .. ربنا يعينك يا بااشا

[manfromegy]

الأزمه في مصر أزمه أخلاق و أزمه قانون غير رأدع للمتجاوزين في السواقه.دا إنت ربنا يكون في عونك دا أنا يوم ما بيكون عندي مشوار و هامشي علي الزراعي بكره نفسي والله

[HaNo_ELBeh]

يا جماعه انتوا مش متخيلين الزراعى بقى عامل الزاى خصوصا من المؤسسه حت مدينه بنها فى جنان على الطريق وخصوصا سواقين الميكروباص انا كل اسبوع على الطريق وعلى الحال دة من اكثر من 15 سنة ولو حكيت على الواحد بيشوفوا مش هخلص
ربنا يسترها علينا كلنا

[khaabas]

مصر اسكندرية الزراعى طريق فعلا وحش وعاوز سواق محترف

[mazagngi2010]

ازبل طريق سريع فيكى يامصر
انا بضحى وباخد طريق بلبيس والدايرى كله-رغم ان الديرى زفت هو كمان- بدل المهرجان اللى فى الزراعى

[mohammedabdallh]

كل مشاويرى لمصر من عليه
وحاجه تفرح وممكن تقف عليه ساعات من غير اى شىء
المشكله فى الطريق المشكله فى الناس الى بتسوق

[ahmedkamal79]

تعال لعموا يااااااااااااااه فكرتوني بأيام ............. انا كنت ساكن ف القناطر الخيرية وشغلي ف مساكن شيراتون لو حكيت لكم ع الي كنت بشوفه من سنة 2001 -2006 بجد سنوات الضياع وكان فيه كمين عند السلام يااااااااااااااااااه بجد والطريق الزراعي ده رووووووووووعة ،الحمد لله خدت قراري وطفشت ن مصر ولما بنزل اجازة والله بقعد اسبوع ع ما اعرف اكيف نفسي واعتد اني اطلع ايدي واني امشي مخالف لكل القوانين واطبق المراية واعتمد ع اللي ف النص ربنا يقوي اي حد يسوق ع الدائري لحد موقف العاشر طريق زباااااااااااااااااالة والزراعي زبالتين انا كنت حاضر قبل ما يعملوا كوبري قليوب ياااااااااااااسلام كان الحته ده موووووووووووز ف رمضان

[Eng.Peter]

ربنا يرحمنا برحمته

[ma7oo]

وحضرتك بتروح تيجى المشوار ده كل يوم ؟؟؟

[salah_86]

ايوة انا كل يوم على الطريق دا ما عدا خميس وجمعه وخلاص بطلت اخد العربية وبروح دلوقت مواصلات