البومه والغاز الطبيعى

[أبو إياد]

السلام عليكم ورحمة الله وبركاته

حد ياجماعه فكر انه يحول عربيته البومه غاز طبيعى ؟

[ZALABANY]

أنا ما فكرتش بصراحة بس هي تستحق التفكير

[AHMED_HAMDY]

بص الفكره كويسه

بس بالنسبه لانبوبه الغاز اللي بشوفها في مصر كبيره جداااااااااااا وهتاخد مكان من الشنطه

وبص على اي تاكسسي لانسر مركبه مثلا

انا شوفت انابيب اصغر تقريبا بس مش عارف مش موجوده هنا ولا ايه

والموضوع بجد رائع بس الاقاويل اللي بتكثر بتبوظه
يعني ناس تقولك ببيأثر على وش السلندر وبيسبب تآكله

والمعروف طبعا ان الغاز نقي جدا جدا ودي حاجه كةويسه تحد من التلوث اللي موجود

[MaZaGAngeE]

المشكلة ان الشنطة كده خلاص راحت

[أبو إياد]

[salah_86]

هى حلوة وموفرة كتييييييييييييييييييييييييير بس انا اخاف العب اللعب ده فى العربية

[أبو إياد]

عموما احنا عملناها فى عربيه زميلنا احمد هنا فى المنتدى من يومين على عربيه 1600 2007 ومستنين بعد فتره ننقل التجربه والملاحظات

[mody1221]

غاز فى البومة !
ربنا يصبر موتورها

[alkawther60]

صراحة انا كنت سمعت انه بيبوظ الماتور او بيحرق الماتور حاجة زي كده
فكنت راكب مع احد السائقيين فبسأله عن الكلام ده صحيح ولا ايه قال ان فيه نوع قديم مش عارف بيكلف تركيبه 3 الاف جنيه تقريب هو ده اللي مش كويس وبيبهدل المكنة انما فيه نوع جديد بحوالي 6 الاف ده كويس ومش بياثر ولا بيبوظ وتقدر تقسط ال6000 على هيئة اضافات في السعر كل اما تروح تمون
سالته عن الاستهلاك قالي موفر جدا جدا عن البنزين بس مشكلته بنزيناته قليلة شوية

ياريت حد من اهل الخبرة او التجربة ينقل لنا الصورة صح ؟؟؟؟؟
متااااااااااااااااابع

[amr_mahmood2000]

عشرة علي عشرة يارجالة لازم نجرب ومنخافش أمال هنتعلم ازاي وشكرا لشجاعتكم في التجربة انا معايا كريستالة وعايز اعمل الموضوع ده ومستني نقل خبراتكم في الموضوع والافاده وجزاكم الله خيرا

[MaZaGAngeE]

صراحة انا كنت سمعت انه بيبوظ الماتور او بيحرق الماتور حاجة زي كده
فكنت راكب مع احد السائقيين فبسأله عن الكلام ده صحيح ولا ايه قال ان فيه نوع قديم مش عارف بيكلف تركيبه 3 الاف جنيه تقريب هو ده اللي مش كويس وبيبهدل المكنة انما فيه نوع جديد بحوالي 6 الاف ده كويس ومش بياثر ولا بيبوظ وتقدر تقسط ال6000 على هيئة اضافات في السعر كل اما تروح تمون
سالته عن الاستهلاك قالي موفر جدا جدا عن البنزين بس مشكلته بنزيناته قليلة شوية

ياريت حد من اهل الخبرة او التجربة ينقل لنا الصورة صح ؟؟؟؟؟
متااااااااااااااااابع

عربيتين في العيلة : اسبيرانزا 516 موديل 2007 و تويوتا كورولا 1993 متحولين غاز ... ال 516 دي رابع سنة ليها و الكورولا دي تاني سنة و الاتنين ولاد عمي مبسوطين جدا و شايفين ان التوفير الكبير في التكلفة يفوق ضعق السحب اللي بيحصل للمواتير .. و دي الملاحظة الوحيدة ليهم ضعف قوة السحب للغاز عن البنزين

[salah_86]

على كدا العربية هتبقى بطة بلدى

[MaZaGAngeE]

على كدا العربية هتبقى بطة بلدى

مش للدرجة دي
السحب مش وحش قوي كده
بس مش هتجمع معاك بسرعه لو عايز تشد .... لازم تكون طلعتك هادية .. لكن تالت و رابع و خامس كنت شايف انها ماشية عادي جدا بسرعتها العادية زي البنزين

[أبو إياد]

بصوا ياجماعه انا كنت ماجل الكلام عن العربيه لغايه لما اجمع عنها كل حاجه تقريبا وامبارح سافرنا بيها اسكندريه
بالنسبه للسحب طبعا السحب مختلف عن البنزين خصوصا فى التجميع ياعنى على ماوصلت لل 140 اخدت وقت طويل لكن تقدر توصل لاى سرعه انت عاوزها بس سيبها براحتها
عاوز اقولكوا ان التانك اتفول فى اكتوبر ب 8ج وكان قرب يخلص قبل كارفور اسكندريه ورسوم الطريق 4ج ياعنى تسافر اسكندريه ب وترجع بعربيتك ب 24ج
بالنسبه للاستهلاك التفويله فى السفر تعمل معاك 200ك بدون تكييف و 180ك بالتكييف
بالنسبه لداخل البلد التفويله بتعمل 140ج بالتعامل الطبيعى ساعات تكييف وساعات بدون
انت كملاكى وحكومه ليك تانك مخصوص فى اى محطه غاز مالكش دعوه بالطابور بتاع الاجره
كل اللى عملناه هو تزويد علايه خلفيه او تفيير السوست باخرى ( هوندا ) علشان تعوض تقل الانبوبه
وناس كتير جدا ملاكى عامله الموضوع ده زى اللانسر والاسبرانزا و...............

انا شايف الموضوع يستاهل ومهم جدا خصوصا الفتره القادمه مع ازمات البنزين المستمره

[salah_86]

ابو اياد انت فينك كنت محاتجك قوى امبارح فى كذا حاجة
يالا خير
طيب تحويلها لغاز ما يبوظش الماتور ؟