عيوب صناعة ميتسوبيشى

[dr.hazem]

اللهم آجره في مصيبته واخلفه خيرا منها....

اخي الكريم..
احييك وبشده على اصرارك واتمنى انك متسكتش ابدا عن حقك وربنا يفرج همك ويردلك حقك كاملا دون نقصان...
تحياتي

Sent from my SE Arc S using Forum Runner

[Dragon78]

قدر الله وماشاء فعل

لا حول ولا قوة إلا بالله :(

أولا ربنا يعوض عليك .. وألف حمد الله على سلامتك وانك خرجت منها سليم .

ثانيا أنصحك فعلا ماتسيبش حقك وان شاء الله تعالى ربنا هاينصفك .

وحمد الله على سلامتك مره تانيه

[HaNo_ELBeh]

ياباشا حمد الله على سلامتك وانا معجب جدا جدا باصرارك على انك تاخد حقك وربنا معاك

[MITSUKERO]

استمر و اوعي تسيب حقك

[mr_vampire]

لا حول ولا قوة الا بالله ... هو فاضل ايه تاني يحصل عشان الايرباج يفتح ...

خليك علي موقفك يافندم واضغط عليهم من ناحية الفرامل لان هي الاساس وتمسك باستبدال كمان مش اصلاح لان حادثة بالمنظر ده استحالة ترجع زي الاول حتي او كل حاجة اتغيرت لان اكيد الصدمة مسمعة فالعربية كلها والشاسيه والقوايم.

ربنا يعوض عليك ان شاء الله.

[mody1221]

حمد الله على سلامتك
بس انت لية سيبت اساس المشكلة ؟؟؟؟؟؟

الفرامل

[Khaled Lanos]

حمد لله على سلامتك وربنا يعوض عليك..ومتسيبش حقك مهما كان..ولا حول ولا قوة إلا بالله.

[amz2011]

هو حضرتك كنت رابط حزام الامان اثناء الحادثه؟

اصل فى ناس بتقول ان الايرباج مش بيتفتح لو مش رابط الحزام

[hhoossaamm2013]

هو حضرتك كنت رابط حزام الامان اثناء الحادثه؟

اصل فى ناس بتقول ان الايرباج مش بيتفتح لو مش رابط الحزام

كلام جضرتك صحيح فيه بعض السيارات لازم تكون رابط حزام الامان علشان الايرباج تفتح عند حدوث اصطدام ولكن هذا لا يتوفر فى سيارات الميتسوبيشى ودليل على ذلك حين قدوم اللجنه الفنيه من كلية الهندسه التابعه لجهاز حماية المستهلك سألوا الوكيل هل حزام الامان من شروط فتح الايرباج فرد عليهم مؤكدا لا

[hhoossaamm2013]

حمد الله على سلامتك

بس انت لية سيبت اساس المشكلة ؟؟؟؟؟؟

الفرامل

انا ما سيبتش اساس المشكله بالعكس انا اصريت عليها لان جميع الفنيين اكدوا ان العيب اللى عندى ممكن يكون سببه الماستر وده عيب صناعه ولكن عند حضور الوكيل بعدما خاطبت اليابان قاللى انه يتعذر معاينة الفرامل قأرسلت لليابان تانى ان الوكيل لم يعاين الفرامل فخاطبوه مره تانيه فأكد لهم انه لا يمكن معاينة الفرامل وبعد قدوم اللجنه من حماية المستهلك اكدوا نفس الكلام انه يتعذر معاينة الفرامل

علشان كده انا اتمسكت بموضوع الايرباج
وعلى ما اعتقد ان ده ليس بالشىء الهين لانه من ضمن اساسيان الامان والسلامه بالسياره وعدم فتحه ممكن يؤدى لوفاه نتيجة الاصطدام
انت تعرف حضرتك لو الحكاية بتاعتى دى فى اى دوله محترمه كانوا اتخذوا اجراءات حاذمه ضد الوكيل وضد المصنع
عارف والله كل اللى بيشوف العربيه بيفتكر ان اللى فيها مات وفعلا لولا ستر ربنا وكمان ربنا مش كاتب ان عمرى ينتهى فى هذا الحادث لكنت فى عداد الموتى يبقى الايرباج مش شىء هين انا عندى العربيه كانت اتدمرت بالكامل بس الايرباج كان فتح ما كنتش هبقى زعلان لأنه ساعتها كان هيبقى قام بالواجب اللى عليه انما دلوقتى فى الوضع ده معناه انه فيه عيب صناعه وتدليس وغش تجارى لانهم باعولى شىء بايظ وعلى فكره الايرباج ليس بالشىء الرخيص وهو مضاف على ثمن السياره

[omar omara]

ربنا يخلف عليك بالخير
ويرزقك خير منها

[waleedss]

انا معجب جدا بيك ماضاع حق ورائه مطالب. ان شاء الله هاتاخد حقك وربنا عمل موضوع الاير باج عشان السبب الحقيقي الفرامل

[hhoossaamm2013]

اشكركم اخوانى الكرام على ردودكم الجميله وتعاطفكم معى وادعوا من المولى عز وجل ان يبعد عنكم شر الطريق والا يمر احد بمثلما ما مر بى وان شاء الله خير وسأعلمكم بأى جديد اتوصل اليه ليكون مرجع لأى فرد يمر بمثل ظروفى