صدمه الفتيس - ايه رأى الخبراء

[Egy_fan]

السلام عليكم يا شباب المنتدى الكرام. عربيتى لانسر 2007 1600 عامله 78000 كم. المشكله ان مع نقل الفتيس من p الى r او من d الى n العربيه بتترعش جامد. انا لسه مغير كل قواعد الموتور والحمد لله جبت الاصلى. و زيت الفتيس كويس. كشفت فى مصريه معادى ش 9 و قالى روح وكيل القليوبيه وقلهم عندى صدمه فى الفتيس؟؟؟؟؟

ياريت الخبراء او مهندس طارق زويل يفيدونى ايه موضوع الصدمه ده و هل دى مشكله خطيره او مستعجله

اسف على الاطاله

[mody1221]

ولا تشغل دماغك الموضوع سهل جدا تغير قاعدة الفتيس
وعشان تتأكد انها بايظة حتلاحظ الرعشة دى باينة اوى لما تجيب r وتحس بصوت رعشة
الاصلى ب 490 تقريبا ومغيرها من 5 شهور

[Egy_fan]

شكرا يا باشا على الرد. انا لسه مغير القواعد التلاته و جايب الاصلى

طيب فى حاجه اسمها عمل ريست للفتيس؟؟؟

[MITSUKERO]

تقريبا الفتيس بيحتاج ريستارت بالكمبيوتر

ممكن تروح لورشة المتخصصون او التوكيل يعملوهالك
والله اعلي و اعلم

[salah_86]

موفق فى حلها بامر الله

[Egy_fan]

شكرا يا شباب. نجرب كمبيوتر الميكانيكى الاول

[Sa3D ALEX]

انا عندى نفس المشكله على خفيف لسه ظاهره من حوالى اسبوعين ياريت تبقى تقولنا عملت ايه لافاده وشكرا

[kokyrawan]

باشا انت غيرت حاجة فى الفانوس اليمين الخلفى

[kokyrawan]

اسف يا باشا قصدى الشمال اللى هو فى اتجاة السائق

[Egy_fan]

انت جامد جدا يا kokyrawan
انا فكيته و صبت الزجاج بتاعه و ركبته تانى

اشمعن؟؟؟

[Egy_fan]

السلام عليكم. انا رحت امبارح الرواس اللى فى الكيت كات. كبير مهندسى الصيانه كشف على العربيه و قالى انت عندك فانوس خلفى مش اصلى وده بيعمل لخبطه فى كهربه الفتيس. دخلوا العربيه و فكوا ضفيره الفانوس و عملوا ريسيت للفتيس. انا حاسس انه اتحسن كتير بس لسه مش مظبط اوى لكن المهندس اكد ان دى اخر حاجه

اتمنى ان يستفيد الجميع

[kokyrawan]

لان للاسف ضفيرة كهرباء الفيتس و اصلة مع ضفيرة الفانوس الخلفى فلو غيرت ضفيرة الفانوس الفيتيس بيعمل هبدة جامدة جدا و الحمد لله ان المشكلة اتحلت

[Egy_fan]

كلامك صح تماما.بس المشكله انى حاسس ان الهبده اتحسنت بس لم تنتهى تماما. علشان كده انا عندى سؤال:هل كهربه الفتيس مربوطه بفانوس معين و لا الاتنين و بعدين لو غيرت الفوانيس و جبت اصلى تنتهى الهبده خالص ام لا؟

شكرا للردود