شاااارك 2013

[samehfox]

السلام عليكم
لو سمحتوا يا جماعة انا ناوي اشتري ان شاء الله الشارك 2013 زيرو
وكان ليا استفسارين
اولا : انا سمعت من ناس كتير هنا في المنتدى ان العزل بتاع العربية سئ الا حد ما بس انا عايز افهم هل العزل المقصود هنا العزل حراري ولا عزل صوت الموتور وهل هو ملحوظ ومؤثر يعني ولا عادي
ثانيا : هنا برضة في المنتدى كان في اكتر من واحد اتكلموا علي موضوع علبة الدركسيون وان في مشكلة في البوش في العربيات الزيرو وانهم غيروها في الضمان هل دية حالات فردية ولا عامة واعرف حاجة زي كدة ازاي عند الاستلام؟ واسف علي الاطالة
شكرا

[spidars]

معلش هو في 2013 لاني دايخ عليها منزلتش لسه

[IronHead]

عزل الصوت مش حلو واللى مسؤ الموضوع اكتر ان كاوتش الفابريكه ناشف مش طرى فصوت احتكاكه مع الاسفلت الخشن عالى, زى مابيحصل فى السيفيك الجيل ال8,
بس مافيش مشاكل عزل حرارى او تسريب هواء نهائي

علبه الدريكسيون اظن انها كانت حاله فرديه, ومافيش غير اخ واحد هى اللى عملت معاه كده, وعموما من اول 2012 علبه الدركسيون بقت زيت مش كهرباء,

[samehfox]

شكرا للرد

[ma7oo]

علبه الدركسيون دى كانت مشكلة معروفة فى البومة مش فى الشارك

[kholio]

عزل الصوت مش حلو واللى مسؤ الموضوع اكتر ان كاوتش الفابريكه ناشف مش طرى فصوت احتكاكه مع الاسفلت الخشن عالى, زى مابيحصل فى السيفيك الجيل ال8,
بس مافيش مشاكل عزل حرارى او تسريب هواء نهائي

علبه الدريكسيون اظن انها كانت حاله فرديه, ومافيش غير اخ واحد هى اللى عملت معاه كده, وعموما من اول 2012 علبه الدركسيون بقت زيت مش كهرباء,

انا معايا الشارك من 2008 ودركسيونها باور كهرباء والحمد لله لغاية النهاردة مفيش اي مشاكل من علبة الدركسيون ومفيهاش اي بووش ومن رأيي احسن من الباور الزيت 100 مرة لانه في بيتغير حسب سرعتك وبمجرد ما العربية تتحرك بيبان تقل الطارة وبمجرد الحركة بتبدأ يتقل الدركسيون على طول

[IronHead]

انا معايا الشارك من 2008 ودركسيونها باور كهرباء والحمد لله لغاية النهاردة مفيش اي مشاكل من علبة الدركسيون ومفيهاش اي بووش ومن رأيي احسن من الباور الزيت 100 مرة لانه في بيتغير حسب سرعتك وبمجرد ما العربية تتحرك بيبان تقل الطارة وبمجرد الحركة بتبدأ يتقل الدركسيون على طول

هو الباور الكهرباء انعم كمان من الزيت بذات فى الركنه, ده غير انه مش بياخذ من عزم الموتور على عكس الباور الزيت اللى بيبقى واصل على كنبوره الكرنك وتقريبا بيقلل حوالى 5 حصان من قدره المحرك
ده غير انه مالوش مستهلكات فى الصيانه من سيور وزيت واويل سيلات والكلام ده, بس عيبه انه بيعزلك نوعا ما عن احساسك بالطريق, الباور الزيت بيديلك احساس بالطريق افضل

[SHRIEF_T7]

انا الحمد لله معايا 2009 المشكلة ممكن بس تكون في الكاوتش
حتي التوكيل حاول يغير نوع الكاوتش الدانلوب اللي بينزل فيها من الشركة الام لكن الشركو رفضت فهو مفروض علي العربية
اما الدركسيون مفيهوش اي مشكلة و الحمد لله