الزينون اتحرق

[salah_86]

السلام عليكم ورحمة الله وبركاته
امبارح باظ الجى ام اللى لسة مركبة مبقاليش اسبوعين وانهاردة اتحرق جهاز من الجاهزين الزينون اللى انا مركبهم بصراحة انا قفشت وشيلتة خالص وببيعة دلوقت بس انا جبت لمض 60/55 وات ومكتوب عليها 12 فولت و 90/100 بى سى
انا سالت قالو ان هيا دى اللمبة اللى بتنزل فى الفبريكة بتاعها وعلشان اعدل واجيب لمبة اقوى لازم اركب كت اوت فانا ركبت نفس المواصفات اللى كانت فيها علشان ميحرقش دراع النور اللمبة كورى الصنع مش فاكر اسمها ب 15 جنية الواحدة ولفيت على التونجسرام مش لاقى خاااااااااااااااااااااااااااااااااااااالص لقيت لمض المانى بس عالية 200 وحاجة كدا وسعرها مسالتش علية الصراحة
ايه رائيكم فى اللمبة دى كمواصفات
وعلشان محدش يسالنى لمبة الفابريكة فين انا شايل الفانوس الاصلى بلمضة ومركب فانوس ديبو

[S O P H O S]

معلش يا باشا
شكل حد مركز معاك ..

[carfreak92]

بقلك ايه يا ابو صلاح انت تبيع العربية دى عشان وشها مش حلو عليك بيعها وهاتلك لانسر تانى نفس كل حاجه ونفس الموديل انا اتقفلت من كتر الحاجات اللى بتحصلك شكل عتبتها وحشة انا لو مكانك هبيعها والله ربنا يعوضك خير ان شاء الله

[salah_86]

لالالالالالالالالالالالالالالالالا عربيتى دى انا شاريها من الزيرو وشيلانى ادعيلى ربنا يباركلى فيها بس

[midooo_119]

لالالالالالالالالالالالالالالالالا عربيتى دى انا شاريها من الزيرو وشيلانى ادعيلى ربنا يباركلى فيها بس

ربنا يباركلك فيها و بالنسبه للمض زى ماقلتلك

[carfreak92]

ربنا يباركلك فيها يا صلاح ويديك خيرها ويكفيك شرها ويبعد عن عيون ال ................

[exact]

سؤال جانبي... هي اللمبات الــ 200 دي ايه نظامها... لو ممكن اكبر بيانات عنها اكون شاكر لأني بادور على اللمبة دي واحتمال تكون هي

[Eng.Peter]

معلش

[midooo_119]

سؤال جانبي... هي اللمبات الــ 200 دي ايه نظامها... لو ممكن اكبر بيانات عنها اكون شاكر لأني بادور على اللمبة دي واحتمال تكون هي

لمض نيرفا المانى 100/90 وات لمض بتتدى نور ابيض لكن مانصحكش بيها كنت عامل مقارنه بينها و بين التونجسرام
مقارنه القرن (تونجسرام 140/100 ) vs (نيرفا 100/90)

[salah_86]

انا لو مقتنع انى اركب ضفيرة خارجية على البطارية للمض كنت ركبتهم ياميدو بس انا شايف معقول باللمض اللى اشتريتهم 55/60 وات