مساعده فى فك تابلوة الانسر

[eslamhamdy]

السلام عليكم و رحمه الله و بركاته
لو سمحت كنت عاوز حد يقولى ازاى اقدر افك التابلوة بتاع الانسر لان عندى فتحت التكييف واقعه جوا
[IMG] Uploaded with ImageShack.us[/IMG]

مش عارف هى باينة فى الصورة دى و لا لا بس هى عموما الفاتحه الى ناحية السواق

[amro0000]

ياراجل حرام عليك حد يفك تابلوة زي دا وبنفسك كمان واول مرة بجد حرام عليك

[salah_86]

بص ياباشا صلى بينا على النبى
عاوز تفك انا هقولك على اللى اعرفة فى حتة فك حته معينة من الطابلوة ممكن تساعدك
لو فتحة التكييف اللى واقعة دى من الفتحتين اللى فى النص يبقى انا اقول لسعادتك
بص ياباشا
هتشيل ال 3 زراير بتوع بكر التكييف هتلاقى تحت البكرة بتاعة اوضاع خروج الهوا والبكرة بتاعة السخن والساقع مسمار صليبة فكهم تمام وهتشد بايدك الفبرة من الفتحتين بتوع البكرتين دول هتتشد معاد طبعا جنابك تشد براحة قوى علشن متقطعش سلوك الكاسيت
تمام ها قول تمام
بص يامعلم هتلاقى تحت الفبرة دى مسمارين صليبة رابطين الابنوسة بالطابلوة تمام فكهم وبعد كدا تيجى للفبرة بتاعة العدادات هتلاقى مسمارين فوق رابطين الفبرة بالعدادات شيل المسمارين وفكها بالراحة جدا علشان متجرحش حاجة وابتدى شد الابنوسة واحدة واحد ملحوظة الابنوسة دى كلها رابطة بكلبسات فقط ومسمارين اللى مغطى عليهم فبرة التكييف والكاسيت خد بالك لازم تخلع فبرة العدادات علشان تحتهم سنتين الابنوسة وتخلها واحدة واحدة

[eslamhamdy]

ياراجل حرام عليك حد يفك تابلوة زي دا وبنفسك كمان واول مرة بجد حرام عليك

يا باشا اعمل ايه مش عارف اتحكم فى هوا التكييف غير انها بتزن فى العربية تخليك عايز تكسرها
و هو انا قبل كده فكيت لحد ما وصلت لحد المسمارين الى ماسكين الخشبة بتاعتهم بس معرفتش افك اكتر من كده فقلت بلاش لحسن اكسر اى حاجه و قلت اسئل الاول
و عموما انا لسه مركب لها قاعده فتيس بنفسى لانها كانت محسسانى انى راكب 128
و قريب ان شاء الله هاغيرلها السيرين بتوعها الى بره
لانى زمان وانا صغير كنت هاوى فاشتغلت فتره مع عمى ميكانيكى
فاكر كنت ايامها مش طايل اشوف حتى فوق رفرف العربية فكانوا بيشلونىو اقعد فوق السقف اتفرج

[eslamhamdy]

بص ياباشا صلى بينا على النبى
عاوز تفك انا هقولك على اللى اعرفة فى حتة فك حته معينة من الطابلوة ممكن تساعدك
لو فتحة التكييف اللى واقعة دى من الفتحتين اللى فى النص يبقى انا اقول لسعادتك
بص ياباشا
هتشيل ال 3 زراير بتوع بكر التكييف هتلاقى تحت البكرة بتاعة اوضاع خروج الهوا والبكرة بتاعة السخن والساقع مسمار صليبة فكهم تمام وهتشد بايدك الفبرة من الفتحتين بتوع البكرتين دول هتتشد معاد طبعا جنابك تشد براحة قوى علشن متقطعش سلوك الكاسيت
تمام ها قول تمام
بص يامعلم هتلاقى تحت الفبرة دى مسمارين صليبة رابطين الابنوسة بالطابلوة تمام فكهم وبعد كدا تيجى للفبرة بتاعة العدادات هتلاقى مسمارين فوق رابطين الفبرة بالعدادات شيل المسمارين وفكها بالراحة جدا علشان متجرحش حاجة وابتدى شد الابنوسة واحدة واحد ملحوظة الابنوسة دى كلها رابطة بكلبسات فقط ومسمارين اللى مغطى عليهم فبرة التكييف والكاسيت خد بالك لازم تخلع فبرة العدادات علشان تحتهم سنتين الابنوسة وتخلها واحدة واحدة

الف شكر على المعلومة دى و فعلا انا كنت مره فكيت فبره العددات لوحدها و لقيت تحتها جزء من الابنوسة
فن شاء الله اجرب و ااجى اقول الى حصل
بس بالنسبة لى فتحات التكييف لانى فكيتها قبل كده فى مسمارين فى الدرج الى تحت الكاسيت لازم تفكهم عشان تقدر تطلع الفبره بتاعت التكييف

[shaker_alz]

InteriorPanelWrap LancerCS3 SgGarage - YouTube
شوف الفديو دة يمكن يساعدك فى حاجة

[eslamhamdy]

interiorpanelwrap lancercs3 sggarage - youtube
شوف الفديو دة يمكن يساعدك فى حاجة

الف شكر على الفيديو ده و فعلا ده موضح حاجات كتير جدا و ان شاء الله اجرب و اجى اقفولكم على النتيجة بس دعواتكم ليا فى موضوع تغيير السيور بتاعت العربية
لان هنا عاوزين 100 ريال سعودى عشان يغيرهم و عاوز 300 ريال عشان سير الكاتينة فقررت انى الحاجه الى اقدر اعملها هاعملها ان شاء الله

[eslamhamdy]

الف شكر ليكم يا جماعه و فعلا انا عملت الخطوات الى قلتم عليها و الى فى الفيديو كمان و الحمد الله تم الامر بسلام + اصلاح تسجيل السيارة بالمرة

[salah_86]

مبروك مبروك الف الف مبروك

[shaker_alz]

انت تؤمر

[eslamhamdy]

مبروك مبروك الف الف مبروك

انت تؤمر

الف شكر ليكم يا رجالة و قريب اولى هاروح اعمل الاسكترا بتاعتها لانها بتهرب زيت
فجبت طقم اصلاح ليها و طرمبة الباور كمان مع تغيير السيور بتاعتها كلها و بلية الكاتينة كمان
و لسه بوجيهات و فلتر الهواء و فلتر الزيت و الزيت
و لسه عاوز اغير فلتر البنزين بتاعها لانها عاملة 250000 الف كيلو بس المشكله ان تمنه فى السعودبة 450 ريال سعودى و محدش يتخض يا رجالة
ديمنو العربية دى هنا ب 5100 خمسه الالاف و مائة ريال سعودى فقط لا غير

دعواتكم ليا و هاغير كمان مسمامير عمود التوازن مع الجلد بتاعهتها لان بسمع رزعه كده فى المطبات و عاوز كمان مساعدات خلفية للعربية

بس عندى سوال هو الحرارة الطبعيه للعربية دى فى النص و لا هى كده فيها مشكلة