حساس السلانسية

[topman_2m]

بسم الله الرحمن الرحيم

انا عربتى لانسر 2007 1600 اوتوماتيك ..كنت مسافر بيها وقطعت بنزين مع ان مؤشر العداد كان واقف على الربع المهم جبتلها بنزين ومشت تمام وبعد شويه اجى اهدى ع المطب تقوم مبطله روحت لميكانيكى قالى هنضف حساس السلانسية
المهم نضقه وتمام ولما روحت لقيت الماتور صوته عالى على n كلمته قالى حساس السلانسية بايظ
وللاسف سالت عليه قالولى مفيش منه جديد
سالت استيراد لقيته ب 800 جنيه بالبوابه وقالى انه مش هيركب من غير البوابه
سالت ناس تانيه قالولى ب 300 جنيه من غير البوابه
مش عارف بقى حد ينصحنى اعمل ايه

وشكرا واسف انى طولت عليكم

[mohmok]

I will send you some data tomorroe

[topman_2m]

i will send you some data tomorroe

مستنى ردك ان شاء الله

[mohmok]

د دى صورة كنترول السلانسية ( Idle air control valve ) و دة بيكون فى جسم الانجكشن تحت دخلة وصلة الهوا اللى جاية من الفلتر و هو المسئول عن رفع عدد لفات الموتور و السيارة باردة (بيكون قرب 1500 لفة/ق او اعلى )و بعدين يظبط لما تسخن ( يوصل الى 750 لفة/ق تقريبا )
ساعات بيحصل برجلة للكمبيوتر بتاع العربية وبرجاء تجربة الاتى بالترتيب
1 - شيل كابل البطارية السالب لمدة 10 ق و بعدين ركبة و شوف الاخبار ايه ( بعد ما العربية تسخن طبعا )
2 - الميكانيكى ينظف الصمام اللى صورته موجودة ( على فكرة ده مش حساس ) بمنظف الانجكشن و يفضل يكون بارد
والخطوتين دول قبل ما تعمل اى حاجة تانية و طمنى

[mohmok]

د دى صورة كنترول السلانسية ( Idle air control valve ) و دة بيكون فى جسم الانجكشن تحت دخلة وصلة الهوا اللى جاية من الفلتر و هو المسئول عن رفع عدد لفات الموتور و السيارة باردة (بيكون قرب 1500 لفة/ق او اعلى )و بعدين يظبط لما تسخن ( يوصل الى 750 لفة/ق تقريبا )
ساعات بيحصل برجلة للكمبيوتر بتاع العربية وبرجاء تجربة الاتى بالترتيب
1 - شيل كابل البطارية السالب لمدة 10 ق و بعدين ركبة و شوف الاخبار ايه ( بعد ما العربية تسخن طبعا )
2 - الميكانيكى ينظف الصمام اللى صورته موجودة ( على فكرة ده مش حساس ) بمنظف الانجكشن و يفضل يكون بارد
والخطوتين دول قبل ما تعمل اى حاجة تانية و طمنى

بما ان موضوع رفع الصور بالنسبة ليا معقد شوية ( لأنى مستجد )
برجاء عمسل بحث على google image و كتابة
mitsubishi lancer idle air control valve
و هاتعرف شكله

[topman_2m]

تمام هجرب كدا واعرفك وشكرا ع ردك يا باشا

[topman_2m]

شكرا يا باشا انا جربت اشيل الكبل والعربيه بقت تماااااااااااام شكرا

[mohmok]

شكرا يا باشا انا جربت اشيل الكبل والعربيه بقت تماااااااااااام شكرا

تعييش يا باشا و احنا دايما فى الخدمة