المتخصصون بيهرقوا باين

[salah_86]

بسم الله الرحمن الرحيم
السلام عليكم ورحمة الله وبركاته
بقالى فترة مش عارف اضبط زوايا صح لعربيتى البومة قلت وانا رايح الشغل انهاردة اعدى على المتخصصون لانهم قبل كدا قالولى الراجل اللى جنبهم بيظط زوايا حلو المهم وانا هناك افتكرت انى كنت مغير ال 4 مسامير بتوع العجلة اليمين الامامية ( كانوا انكسروا منى من فترة والولد بتاع الكاوتش بيغير العجلة )
المهم قلت لخالد شوف كدا المسامير لانها كانت بتضايقنى فى الفك والربط
المهم خالد مشى لانه كان مستعجل اللى بص على العربية اسمه محمود
قالى ال 4 عاوزين يتغيروا بكام ياعم قالى ب 22 جنية المسمار الواحد وبعد كلام كتير مرضوش ينزلو جنية قلتلة ركب انا كل دة مفكرة المسمار بالصامولة
ركب بيقولى الصواميل بتاعتك مش هتركب هنركب صوتاميل جديدة قلتلة هو مش المسمار بالصامولة قالى لا المهم بكام ياعم الصامولة الواحدة قالى ب 22 قلتلة برضة دا انت معلق بقى
المهم قلتلة لا شوف صواميلى القديمة ايه نظامها المهم لقى 2 منهم شعغالين تمام وجابلى اتنين من عنده جوة بس مش جداد
المهم خد كام بقى 130 جنية
اشكرى يا انشراح 130 جنية 4 مسامير وصامولتين وعلى فكرة كانوا عايزين 140 اصلا انا اللى قعدت افاصل فيهم
وبتاع الزوايا ظبط العربية تمام قالى 50 جند ومنزلش جونية
تمام كدا يارجالة ولا ايه

[eslamhamdy]

الواحد بداء يقفل من الانسر دى

انا جبت 3 مسامير للعجل قدام لانسر 2003 بصواميلهم ب 74 ريال سعودى بما يعادل 133 جنية دول
طبعا اصلى من التوكيل بتاعها لانى ملقتش بره
و متستغرب دينامو العربية دة هنا ب 5100 ايوه الرقم صحيح

[Deshahcoka]

باشا انتا اتنصب عليك وش !

ده مسمار عجل البي ام ب 10 جنيه

[Kareem Fawzy]

باشا انتا اتنصب عليك وش !

ده مسمار عجل البي ام ب 10 جنيه

للاسف يا باشا فعلاً انتا اتعمل معاك احلى شغل
مسمار العجلة النيكل النضيف بيعمل 3 او 4 جنيه بالكتير

[salah_86]

والله يارجالة انا كنت جايب 4 مسامير من محل فى الحرافيين بصواميلهم ب 32 جنية كلهم على بعض
بس للأسف شهر والتانى وبدأو يضايقونى فى الفك والربط لما كنت اروح عند اى حد بتاع كاوتش
وفعلا المسمار اللى راكب حاجة واللى انا ركبتة انهاردة حاجة تانية بس فعلا غالى قوى هو الاصلى فعلا لانى اعرف انهم امنا فى الحكاية دى بس هما اكيد باعهولى اغلى
عموما انا اصلا من انصار انى اشترى حاجتى بنفسى وبعد كدا اروح اركبها بس اللى حصل انهاردة دا انا فعلا مضايق منه ولولا انى شفت بعينى ان فى منهم مسمار كان خلاص هيتقتم مكنتش غيرتهم من عندهم

[salah_86]

بس العضو الى رد اول واحد قال انه جايبهم ب 133 جنية و3 مسامير بس

[spidars]

يا عم انا مغير مسمار وصموله في توكيل دايمند المصلحي بي٢٥ اصلي لان الصموله كانت قفشه فالصنيعي اتعافا عليها فكسرهم

[salah_86]

مسمار وصامولة ب 25 بالمصنعية ولا دا اجماليها
ولو حسبناها على كدا
انا اخدت مسمارين بصمولتين يبقى 50 + مسمارين من غير صمولتين ركبولهم صمولتين قدام من عندى نقول كام 40 يعنى 90 جنية
خدو منى 40 جنية مصنعيه ولاد الحرامية
شكلهم نصابين
والله الواحد زهق مش عارف يصلح فين ولا يروح عند مين

[MITSUKERO]

انا مستغلي الموضوع شوية !!!

بص يا صلاح هم غاليين شوية بس حافظين العربية و قطع الغيار اللي عندهم بنفس تمن التوكيل و اوقات اغلي حاجة بسيطة و ده عيب فيهم معروف جدا

كل الفكرة فيهم انهم بيعملوا نفس شغل التوكيل بمصنعية اقل و بشطارة و اخطاء بسيطة لا تذكر

غير كده مفيش

[D . a .\ AYMAN]

المسامير بتتباع في التوفيقية بربع الثمن ده .. لكنها مش أصلية وعلى طول بتبوظ ومع الوقت هاتكلفك أكتر بكتير من ثمنها لما تكون أصلية

وعموما أسعار المسامير الأصلية بتتراوح ما بين 20 لـ 25 مع اختلاف موديلاتها حسب العربية وكذلك الصواميل بتكون برضه بأسعار مقاربة

والكلام ده عن تجربة مع المضروب ومع الأصلي أيام العربية البيجو

... ماتحسش إنك اتنصب عليك قوي يعني ... كله قريب من بعضه

[salah_86]

والله ياباشا انا استعوضت ربنا بس هما نصبو عليا لان فى عضو هنا جاب المسمار بالصامولة بتاعته ب 25 جنية من توكيل دايموند وهما حاسبونى على المسمار بس ب 22 جنية

[أبو إياد]

نصيحه بس علشان الناس اللى بتكسر المسامير
ماينفعش المسامير تتفك والعجل سخن لان هو ده اللى بيكسرهم لازم تسيب العربيه تهدى شويه
تمام زى فكره فتح غطا الريدادتير
لو تلاحظوا ان العربيات النقل لما يجى يغير العجل ممكن يركن اكتر من ساعه قبل ما يبداء فى فك المسامير

[salah_86]

الف شكر يا ابو اياد على المعلومة الجامدة دى دايما عودتنا على كلامك المختصر المفيد اللى دايما فى الصميم