لانسر 2006 (مستخدم جديد)

[sherif309]

السلام عليكم

انا لسه جايب لانسر 2006 سوبر اكشن من يومين هيا عامله 133000. المهم انا عايز اعرف شويه حجات

1- الفوانيس سموكن هل دة فى كل اللانسر الكامله ولا الاسموكن بينزل فى انهى فئه؟ مع العلم بانهم اصليين
2- هيا المفروض انها اردنى على حسب كلام صاحبها من الزيرو بس مفيهاش بدج على التابلوة ولا الباب بس القوايم بتاعت الببان من برة لونها اسود مش بلون العربيه

3- عندى عداد الحراة بيطلع على النص لما بتسخن العربيه ولما بمشى فى الهوا بسرعه المؤشر بينزل لحد قبل الاخر بحاجه بسيطه. هل دة طبيعى ؟ مع العلم بانى مكنت معايا اتنين 1300 قبل كدة وكان العداد بيثبت على النص زى المسمار.

4- السيارة كماليتها (Air Bag 2+ِABS+ فرش فرانى غامق+اكر نيكل جوة+فتحة سقف+اسبويلر+تارة وفتيس جلد+عتاب+فوجات+اريال سقف+5 جنوط اسبور+كاسيت لانسر+CD6) يا ريت حد يفدنى دى مواصفات انى فئه بالظبط
5- الCD بايظ فاصل باور يا ترى حد بيصلح الحجات دى ولا لاء ومين الى بيعملها؟
6- لو عايز اغير زيوت اغير ليكو مولى ولا موبيل ولا لانسر الاصلى علما بانى مش هروح التوكيل لو على رقبتى بس فى ناس برة معتمدين بيبيعوا زيت اللانسر وايه افضل زيت للفتيس كمان

[mohmok]

السلام عليكم

انا لسه جايب لانسر 2006 سوبر اكشن من يومين هيا عامله 133000. المهم انا عايز اعرف شويه حجات

1- الفوانيس سموكن هل دة فى كل اللانسر الكامله ولا الاسموكن بينزل فى انهى فئه؟ مع العلم بانهم اصليين
2- هيا المفروض انها اردنى على حسب كلام صاحبها من الزيرو بس مفيهاش بدج على التابلوة ولا الباب بس القوايم بتاعت الببان من برة لونها اسود مش بلون العربيه

3- عندى عداد الحراة بيطلع على النص لما بتسخن العربيه ولما بمشى فى الهوا بسرعه المؤشر بينزل لحد قبل الاخر بحاجه بسيطه. هل دة طبيعى ؟ مع العلم بانى مكنت معايا اتنين 1300 قبل كدة وكان العداد بيثبت على النص زى المسمار.

4- السيارة كماليتها (air bag 2+ِabs+ فرش فرانى غامق+اكر نيكل جوة+فتحة سقف+اسبويلر+تارة وفتيس جلد+عتاب+فوجات+اريال سقف+5 جنوط اسبور+كاسيت لانسر+cd6) يا ريت حد يفدنى دى مواصفات انى فئه بالظبط
5- الcd بايظ فاصل باور يا ترى حد بيصلح الحجات دى ولا لاء ومين الى بيعملها؟
6- لو عايز اغير زيوت اغير ليكو مولى ولا موبيل ولا لانسر الاصلى علما بانى مش هروح التوكيل لو على رقبتى بس فى ناس برة معتمدين بيبيعوا زيت اللانسر وايه افضل زيت للفتيس كمان

بعد التحيه
بالنسبة لموضوع عدم ثبات مؤشر الحرارة واضح ان الثيرموستات الداخلى لدورة المياة ملغى ( غير موجود ) و الافضل ان تقوم بشراء واحد جديد و تركيبة لأنه بيضمن ثبات درجة الحرارة عند الدرجة المثالية لتشغيل الموتور
و باقى النقاط البركة بقى فى شباب المنتدى

[sherif309]

السلام عليكم
شكرا جدا لرد حضرتك بس ايا فايدة الثرموثتات بالظبط وهل عدم وجودة فى خطر على العربيه

[sherif309]

ايه يا جماعه هوا مفيش حد بيرد هنا ولا ايه ولا الموضوع الى انا كاتبه صعب كدة؟

[wardet]

بيتهيألة مفيش زيت اسمه لانسر اصلي
ليكوى مولى كويس انا مجربه
الفئة دى سوبر اكشن
بس اللى اعرفه انها بتبقي باكر نيكل من بره كمان والفرش جلد ( دى المواصفات الخليجي )
حضرتك موضحتش اذا كانو موجودين ولا لأ
اللى اعرفه ان الاردنى زمان كان بينزل بأكر سودا ومرايات سودا
بالنسبة للفوانيس فالغامقة دى هى الاصلي اللى بتنزل فى السوبر اكشن

[amz2011]

الترمستات داه مهم بيحافظ على ثبات درجة حراره الموتور
و كون ان اراجل شاله معناها ان العربيه ديه سخنت منه قبل كده

[sherif309]

شكرا يا جماعه
بس للتوضيح اكتر هيا العربيه مفيهاش فرش جلد ولا اكر نيكل برة

تانى حاجه معنى كدة انى لو ركبت ثرموثتات جديد يبقى العربيه هتسخن تانى؟ ولا ايه النظام
هيا اساسا مؤشر الحرارة بيرفع بالعافيه حاسس انها مبتسخنش بسرعه بس اكيد كدة فى حاجه غلط. طب اجيبه استيراد ولا فيه منه جديد ويا ترى بكام

[wardet]

غير ترموستات جديد وريح دماغك

[sherif309]

طب يا جماعه لو حد عارف بيتباع فين او بكام

[salah_86]

اهتم بموضوع مؤشر الحرارة دا

[walidadel81]

الثرموثتات مهم جدااا زي ما عدم اتفاع درجه حراره الماتور بشكل غير طبيعي مهمه نفس الامر بأنخفاض درجه حراره الماتور بشكل غير طبيعي مهم جدااا جدااا بالذات علي السرعات العاليه
وكمان هتلاقي العربيه تاكل منك بنزين بشكل ملحوظ
والعربيه اللي معاك سوبر اكشن فعلا بس الاردني تقريبا مابنزل باكر نيكل انا معاي 2007 مافيهاش اكر نيكل بره بس في جوه تقريبا الفرش الجلد بيتكون في السوبر اكشن السام بس

[sherif309]

الف شكرا يا باشا على الرد.. هيا فعلا انا حاسس ان العربيه بتاكل بنزين مع انى لسه منضف البوابه والحساسات ومغير بوجيهات
انا سالت كمان على الثرموثتات لقيه عند احمد جابر فى الحرفيين بيعمل 110 يبانى
سوال كمان هوا دة الى بيركب فى الكوع صح؟

عندى كمان رعشه خفيفه على السلانسيه وانا واقف هل دة ليه علاقه باثرموثتات بتاع الحرارة دة ولا ممكن سلوك بوجيهات ومباين؟

سوال كمان هيا الفوجات ليها لمبه فى التابلوة بتنور وانا مشغلها زى النور العالى كدة؟ وكمان معنديش لمبه حزام ولا صوت تنتنه بعد ال 120 هل دة طبيعى مع العلم بانى بصيت تحت الكرسى ملقتش فيشه للحزام وعندى واحد صاحبى تانى معاة 2006 بردو بس فيها

[MR . Gold]

الف شكرا يا باشا على الرد.. هيا فعلا انا حاسس ان العربيه بتاكل بنزين مع انى لسه منضف البوابه والحساسات ومغير بوجيهات
انا سالت كمان على الثرموثتات لقيه عند احمد جابر فى الحرفيين بيعمل 110 يبانى
سوال كمان هوا دة الى بيركب فى الكوع صح؟

عندى كمان رعشه خفيفه على السلانسيه وانا واقف هل دة ليه علاقه باثرموثتات بتاع الحرارة دة ولا ممكن سلوك بوجيهات ومباين؟

سوال كمان هيا الفوجات ليها لمبه فى التابلوة بتنور وانا مشغلها زى النور العالى كدة؟ وكمان معنديش لمبه حزام ولا صوت تنتنه بعد ال 120 هل دة طبيعى مع العلم بانى بصيت تحت الكرسى ملقتش فيشه للحزام وعندى واحد صاحبى تانى معاة 2006 بردو بس فيها

عربية حضرتك مواصفات الوكيل علشان كدة مفيهاش لمبة حزام ولاجرس السرعة عربية صاحب حضرتك خليجي علشان كدة فيها كل اللي زكرتة ونصيحة ركب توموستات السيارة .. والسيارة هاتظبط معاك ومش هاتحس بأي رعشة علي السلانسية تاني بعد تركيب الترموستات ونصيحة تجيب الاصلي الاورجينال من التوكيل .. والفوجات لو عربية حضرتك هاف سبورت او سوبر اكشن هاتلاقي فيها لمبة في الطابلوة للفوجات انما لوعربية حضرتك كلاسيك والفوجات تركيب يبقي مش هاتلاقي لمبة في الطابلوة .. ارجو اكون افادتك

[sherif309]

ربنا يكرمك يا فندم والله انا شاكر للافادة جدا

هركب الثرموثتات انهاردة ان شاء الله وهبلغكوا بالنتيجه