لانسر بومة موديل 2030

[amrico]

السلام عليكم

سؤال لخبراء البومة والميتسوبيشي عموما

هي العربية البومة دي هايتوقف انتاجها امتى، (لو كانت لسة بتنتج اصلا)؟

يعني مثلا ممكن نلاقي بومة 2020 او 2030؟

مع كامل الإحترام للبومة وامكانياتها الخارقة. والتفهم الكامل انها صفقة رابحة بكل المقاييس وسعر اعادة بيعها رائع و كل مالكيها فاهمين السوق اكتر من غيرهم، وقطع غيار متوفرة بأسعار ممتازة، وكل الكلام العظيم الجميل عن البومة.

انا بس عاوز اجابة لو حد يعرف يقولي ان اخر موديل للبومة هايكون مثلا سنة 2018 او مثلا اللي بيتباعوا زيرو دلوقت دول موديلات قديمة والتجار بيخدعوا الناس ويقولوا انها موديل 2013

من الاخر انا عاوز رقم بس

ومرة تانية اللانسر ومالكي اللانسر لهم كل الإحترام

[Ahmed Amin]

السلام عليكم

سؤال لخبراء البومة والميتسوبيشي عموما

هي العربية البومة دي هايتوقف انتاجها امتى، (لو كانت لسة بتنتج اصلا)؟

يعني مثلا ممكن نلاقي بومة 2020 او 2030؟

مع كامل الإحترام للبومة وامكانياتها الخارقة. والتفهم الكامل انها صفقة رابحة بكل المقاييس وسعر اعادة بيعها رائع و كل مالكيها فاهمين السوق اكتر من غيرهم، وقطع غيار متوفرة بأسعار ممتازة، وكل الكلام العظيم الجميل عن البومة.

ومرة تانية اللانسر ومالكي اللانسر لهم كل الإحترام

وعليكم السلام ورحمة الله
أولاً أنا مش خبير بس هرد عليك باللي أعرفه
أنتاج الميتسوبيشي لانسر البومة المفروض أنو يكون أنتي 2008 مع نزول الشكل الجديد اللي هوا القرش.
ولكن بما أن الشكل الجديد القرش لم يحظي بشعبية كبيرة في السوق المصري وبما أن الوكيل نزله بسعر خرافي فا دا خسر العربية جامد ومقارنة بسعر البومة اللي كان سوبر ممتاز لعربية ياباني وتقفيل ياباني من الساس للرأس فكانت صفقة رابحة.
وطبعاً عشان الوكيل ميخسرش كل حاجة نزل البومة تاني لموديل 2008 جنب الانسر الشارك
وكانت في زروتىة في السوق وسوء فهم بسبب أنك تلاقي في الجرنان أو في كتالوجات المعارض
لأنسر 1300 ولانسر 1500 ولانسر 1600
بدون توضيح أيه دي وأيه دي مع العلم أن اخر فئتين ال 1500 وال 1600 كان فيهم حوالي 3 فئات تانين للفول أوبشن وفتحة السقف والكلام دا..

وطبعاً ال 1500 الوحيدة للي فاهم هيا الشارك (الشكل الجديد) وال 1300 وال 1600 هيا البومة

نيجي بقي لنقطة

السلام عليكم
انا بس عاوز اجابة لو حد يعرف يقولي ان اخر موديل للبومة هايكون مثلا سنة 2018 او مثلا اللي بيتباعوا زيرو دلوقت دول موديلات قديمة والتجار بيخدعوا الناس ويقولوا انها موديل 2013

من الاخر انا عاوز رقم بس

أنت مفكر ان التجار عندهم عربيات قديمة وبيبيعوها علي أنها جديدة وموديل السنة, دا غلط
لأن العربيات ليها ورق جمارك بيكون مكتوب فيه تاريخ شحنها من بلد المنشأ وتارخ التصنيع,
والحقيقة أن العربية لسه بتنتج لحد أنهارده لأنها مطلوبة في الميدل أيست عمتاً, معرفش لو كانت بتتصدر لدول تانية في اوروبا أو أسيا.

فامفيش خداع, ولا حد هيقدر يديك رقم في الغالب..
لأني سألت نفسي السؤال دا كتير وسألت ناس من سنة 2008 لحد أول السنة دي 2013
ومفيش أجابة, فمتخليش الموضوع دا يقلقك..

ومعلومة مني بقي عال ماشي, أنا أمتلكت العربية سنة 2007 وكانت موديل السنة 2007
1300 سي سي مانيوال, وقعدت معايا ل 2010

لو كنت بتقول عال عربية دي خارقة من غير تريقة وأنا عارف انك مش بتتريق, فاهي سوبر خارقة ومش خارقة بس.
العربية انا عملت بيها 72 الف كيلو في التلات سنين دول, ومكنتش بتطلب مني غير إني أغير لها زيت وفلتر زيت وبحط بنزين بس.
والله لا طلبت بوجيهات ولا تيل فرامل لحد 70 الف كيلو.. مع أني كنت بجري بيها علي طول وكانت كل نقلاتي قبل الريد لاين.!
مقارنة بالعربيات الاوروبي زي اللي بيجو اللي معايا أو الاوروبي كله عمتاً اللي لازم تعمل لها الصيانة في مواعيدها وتغيرلها قطعها في مواعيدها وإلا هتقرفك في السواقة فالبومة كانت جنة الصراحة.

وأنا لو كنت إلاقيها دلوقتي بنفس السعر اللي أشتريت بيه أيامها كانت بحوالي 88 الف كنت هشتريها تاني بدون تردد.. لانك لما بتشتري عربية ياباني وتقفيل ياباني علي عكس النيسان الصني التقفل مصري مثلاً فأنت بتضمن أنك هتعد عال أقل 3 سنين من غير ما العربية تبدأ تطلب منك مصاريف أو تقرفك..
لكن مقارنة بسعر السوق دلوقتي وأول فئة بتتكلم في حوالي 113 الف اخر سعر سمعته عنها واللي انا كنت شاري بيه من حوالي 6 سنين ب 88 الف, فانا اعتقد أنو مش صفقة رابحة أني أشتري عربية كانت ب 88 من 6 سنين بالسعر دا أنهارده,, لكن تاني مقارنة بالعربيات اللي بتتباع جنبها في السوق سواء كوري او صيني او ياباني فهيا تعتبر صفقة رابحة حتي لو كانت أمكانياتها في الكامليات مش زي الكوري الجديد فاجودة الياباني أنت هتحسها عال طريق وهتقدرها أكتر مع الزمن لما تلاقيها زي ما هي مش بتقل مع الوقت..
كمان الوكيل الجديد دايموند موتورز تقريباً اللي أخد وكيل ميتسوبيشي مؤخراً لاقي انها سلعة مطلوبة وناجحة, وأعتمادية جداً ومشاكلها تكاد تكون معدومة مقارنة مع عربيات كتير جديدة أوروبي أو غيرة. فالوكيل حب يكسب منها مع قلة شعبية الشارك فرفع سعرها بشكل غير مرضي من وجهة نظري ليكون في نظير السيارات الكوري, وانت يبقي أمامك الأختيار لو عايز كوري أشتري, لو عايز ياباني بنفس السعر أشتري..

أتمني أكون جاوبتك, وأخر سنة تنزل ليها أعتقد دي في أيد الوكيل أو في أيد المعارض اللي بتطلب من برة طول ما الشعب لسه بيطلبها

الشعب يريد لانسر بومة.. وأنا كمان..

[amrico]

الف شكر لحضرتك وعلى فكرة انا مش بفكر اشتري خالص
بس انا اللي لافت نظري اني لسة بشوف معارض بتعرضها زيرو فحبيت اعرف الحكاية

[Ahmed Amin]

بالمناسبة الجديدة منها فيه اختلافات عن القديم ٢٠٠٧ اللي هوا كان مقروض اخر انتاج البومة مع نزول الشارك كتغير شكل الطابلوة والعدادات مع لونها
وتغير الفتيس الاوتوماتيك من cvt الي اوتوماتيك ستيب ترونيك.
وتغير شكل الجنوط وشكل الشبكة الامامية.

[salah_86]

والله هقولك هيا عربية محترمة وانا عن نفسى ركبت عربيات كتير مع والدى لحد ما جبت البومة هقولهملك بالترتيب
1 - فيات 125
2 - مازدا 929
3- تويوتا كريسيدا
4- فيات 123
5- نيسان مارش ودى اكتر عربية قرفتنا لانها كانت مستعملة ومن الاخر كنا وخدينها من تاجر مش امين ربنا ينتقم منه
6- لانسر كريستالة
7 - اوكتافيا a4
ودلوقتى حاليا معايا لانسر بومة 2009 اشتريناها زيرو ودى اول عربية والوحيدة اللى نشتريها زيرو ووالدى معاه هيونداى جيتز موديل 2005 شارينها مستعملة بس كانت مرفوعه فترة وواخدينها من بيت مش من تاجر
بامانة البومة محترمة جدا
وخد بالك ان التاجر ميقدرش يغشك فيه افراج جمركى بتاخدة المرور علشان ترخص ومكتوب فيه شاسية العربية والماتور وتاريخ الافراج الجمركى وبلد المنشا والمينا اللى جت عليها العربية
اما بخصوص موضوع 2030 هما فعلا زودوها قوى وانا شايف ان الافضل انهم يهتمو بالشارك ويعملو فيها تعديلات تخلى السوق يبقى مقبل عليها من ضمنها السعر وسعر قطع الغيار ودى مهمة قوى وياريت علشان نبيع الجيتز ووالدى ياخد منى البومة واشترى انا الشارك بس طول ما فانوسها ب 8100 بلمبة الزينون طبعا مش هشتريها

[ahmedesmat1987]

lancer poma has no end:::هههههههه

[walidadel81]

lancer poma has no end:::هههههههه

هههههههههههههههههههههههههههههههههههه

[manfromegy]

lancer poma has no end:::هههههههه

ههههههههههههه بس و الله عربيه حلوة

[S O P H O S]

طب ما الفيرنا موجودة
طالما العربية ناجحة يبقي خلاص اعتقد ..