الفامية

[salah_86]

السلام عليكم ورحمة الله وبركاته
النهاردة الساعة 1 الفجر وانا راجع من شغلى ومروح على الدائرى وقفونى لجنة عند كمين المرج كدا بس من الناحية التانية يعنى وانا رايح ناحية نازلة اسكندرية الزراعة نزلت الزجاج بتاعى قالى الفامية قلتلة مش فاهم حضرتك دا لايت خفيف خالص حضرتك شايفنى كويس قالى اصل الفمية دا ممنوع وبعدين بتحصل بسببة جرايم زنا وسرقة لو مثبوت على الرخصة عادى قلتلة لا حضرتك دا مش مثبوت على الرخصة المهم دا كان امين شرطة وللعلم هو محترم وبصراحة كل اللى كانوا واقفين فى الكمين محترمين وبيتكلمو بادب ركنت ونزلت مقلتش ضابط واقف خالص غير لواء دخلت سلمت عليه بادب واحترام وقلتلة حضرتك دا فامية صحيح بس خفيف وحضتك تقدر تشوف منه بس لو حضرتك عاوزنى اشيلة دلوقتى حاضر اشيلة مفيش مشكلة سالنى انا بشتغل ايه قلتلة انا محامى فى مطار الاهرة ووريتة الكارنية وكارنية الشغل راح مدينى الرخص وقالى مع السلامة بس ياريت تشيلة وللعلم تعرفون ان والدى عميد شرطة لم اذكر ذلك على الاطلاق فى الكمين خاااااالص بصراحة ناس كلهم محترمين وبتكلمو بادب ياريت الشرطة كلها تبقى كدا
بس انا عاوز اثبت الفامية على الرخصة اعمل ايه

[Lifz_Good]

متابع

[ma7oo]

الفاميه ياباشا مبيتثبتش على الرخصة الا لما يكون نازل فى العربية بتاعها يعنى نازله من مصنعها كده انا عندى مثبوت على الرخصة لان العربية نازله اصلا كده غير كده مش هينفع تثبته

[salah_86]

انا سمعت ان فيه مصنع فى اسكندرية بيعمل ازاز غامق فامية يعنى وتركبة وبفاتورتة تثبته فى المرور بس مش مقتنع ومش مقتنع اكتر بانى اخلع زجاج الفابريكة بتاع العربية

[ramyhekal]

لازم يكون جاى فى ورق العربيه انها فاميه مالهاش حل تانى

[salah_86]

والله ابن خالتى تاجر سيارات بس مستعمل كان قايلى وانا باخد ورق عربيتى من المعرض انى اراضى الموظف ويكتبلى فى الورق انها فامية فابريكة بس والدى رفض بيحب يمشى صح وانا برضة مبقاش محامى وازور فى ورق العربية على ايه يعنى

[Dragon78]

الأحسن انك تركب ستائر كبس ودي ممكن تروح تثبتها على الرخصه زي ما أحد الأعضاء ذكر من كام يوم

لكن أنا عن نفسي مابحبش أجيب لنفسي وجع الدماغ .. يعني حتى لو حبيت أركب الستاير الكبس دي هاركبها ولو حد قاللي شيلها هاشيلها من سكات

حاكم في ناس ماورهاش غير أذية الخلق يعني ممكن يتلككوا على أي حاجه

وللعلم .. موضوع تثبيت الستاير الكبس على الرخصه ده أكيد بتدفعله فلوس برضه ( رشا يعني من الآخر)

تحيــــــــــاتي

[salah_86]

والله ياباشا كنت مركب ستاير كبس بس مكنتش بشوف منها كويس وكمان لو حبيت تفتح الزجاج تسلم على حد او تدى حد حاجة مبتعرفش لازم تفتح الباب وتنزل وبعدين انا الفامية اللى مركبة دا اخف درجة من اللى بينزل فى الكارينز يالا اهى ماشية كدا وخلاص

[Dragon78]

والله ياباشا كنت مركب ستاير كبس بس مكنتش بشوف منها كويس وكمان لو حبيت تفتح الزجاج تسلم على حد او تدى حد حاجة مبتعرفش لازم تفتح الباب وتنزل وبعدين انا الفامية اللى مركبة دا اخف درجة من اللى بينزل فى الكارينز يالا اهى ماشية كدا وخلاص

بالنسبه لأنك ماكنتش بتشوف من الستاير الكبس .. ده في أنواع منها أصلا تلاقيك جبت اللي فيها 3 طبقات

في حاجات بتبقى طبقتين وتكون الرؤيا منها أحسن ( بس انا عن نفسي مش مركب بصراحه )

أما بخصوص انك تسلم على حد أو تدي حد حاجه .. فدي عندك حق فعلا فيها

لكن أنا ماكانش عندي المشكله دي لأني كنت مركب ستاير كبس ورا بس مش البابين الأماميين .

وعموما .. الحاجات دي كلها الإستغناء عنها أحسن لكذا سبب عشان ماحدش يضايقك في المرور او وانت ماشي في لجنه أو حاجه .. ومن ناحيه تانيه عشان بتحجب الرؤيا نوعا ما .. خصوصا بالليل , ومن ناحيه تالته زي ماانت قولت بتبقى لخمه , لاتعرف تخرج إيدك تجيب حاجه ولا تسلم ولا حت تشاور

تحيـــــــــــــاتي

[salah_86]

والله ياباشا انا متفق مع اى حد انه ممنوع بس طالما فى درجة معينة من الفامية بتنزل فى عربيات فابريكة اصلا مايسمحولنا بتركيب نفس الدرجة او الاقل سنة مش هنقول اغمق ولا حاجة

[salah_86]

وصدقنى عن تجربة العربية بتبقى حاجة تانية فى الفامية اللايت تخيل التكييف بيبقى تلاجة والشمس مبتحرقنيش زى لو مسافر والزجاج شفاف خالص