استفسار بخصوص مؤشر الحرارة بومة 2013

[wardet]

ازيكم يا رجالة
انا الحمد لله اشتريت لانسر بومة 2013 من يومين
بس ملقيتش فى العدادات مؤشر للحرارة
اللى فهمتة ان لما تكون العربية باردة بتنور فى الشاشة الصفرا اللى فى النص لمبه خصرا بتاعت الحرارة ولما العربية بتسخن بتطفي
طيب فرضاًَ لو الحرارة زادت عن المعدل الطبيعى لخلل فى ميه التبريد او الرادياتير هعرف منين؟؟
هل اللمبة دى ساعتها هتنور احمر مثلأًَ ولا ايه
تانى حاجة بحس وانا ماشي بصوت سحب العربية بحاجة عاملة زى الكركرة كانك حاطط بنزين 80
بس حاسس انها من الشكمان
هل لان العربية جديدة؟؟ هو الصوت مش بيبقى مسموع اوى بس انا بلاحظه

[amz2011]

المفروض ان فى لمبه حمرا بتنور لما الميه توصل ل 120 درجة
دور عليها فى الكتالوج
و بعدين الصوت التانى داه مش طبيعى

[lamada]

يعنى العربيه عتجى انذار بعد الماتور ما يكون شيع

[Dragon78]

لما بتكون العربيه سخونتها عاليه جدا .. في لمبه حمراء بتنور ودي بتديك مؤشر انك تقف بالعربيه وماينفعش تمشي بيها

لكن غير كده انت تمام .. واللمبه الصفراء اللي حضرتك بتقول عليها دي بتنور لمدة حوالي دقيقتين عند تسخين العربيه الصبح

أما بخصوص الصوت اللي حضرتك بتقول عليه .. هو لو انت سامعه وواضح أوي .. يبقى أكيد ده حاجه مش طبيعيه وروح بيها التوكيل

بالتوفيق وألف مبروك على العربيه

تحيـــــــــــاتي

[ابو ندى]

ازيكم يا رجالة
انا الحمد لله اشتريت لانسر بومة 2013 من يومين
بس ملقيتش فى العدادات مؤشر للحرارة
اللى فهمتة ان لما تكون العربية باردة بتنور فى الشاشة الصفرا اللى فى النص لمبه خصرا بتاعت الحرارة ولما العربية بتسخن بتطفي
طيب فرضاًَ لو الحرارة زادت عن المعدل الطبيعى لخلل فى ميه التبريد او الرادياتير هعرف منين؟؟
هل اللمبة دى ساعتها هتنور احمر مثلأًَ ولا ايه
تانى حاجة بحس وانا ماشي بصوت سحب العربية بحاجة عاملة زى الكركرة كانك حاطط بنزين 80
بس حاسس انها من الشكمان
هل لان العربية جديدة؟؟ هو الصوت مش بيبقى مسموع اوى بس انا بلاحظه

ألف مبروك على العربية
انا لسه شارى زيك من خمسة ايام
فيه لمبة خضراء بتظهر على شكل مئشر وجنبه حرف C وبتقعد معايا 4 دقائق لحد ما السيارة تسخن وبعدين تطفى لوحدها وقرأت فى الكتالوج ان اللمبة بتاعت الحرارة الزائدة لما تنور تقف على طول بالسيارة وتستنى لما السيارة تبرد ودى نفس شكل اللمبة الخضراء بس لونها احمر وجنبها حرف H
اما بخصوص الصوت ممكن يكون طوب بيخبط فى الكارتيرة بتاعت العجل وانتا ماشى ..
ان شاء الله تكون خير

[wardet]

شكرا يا رجالة على الرد
------------------
بالنسبة لموضوع صوت الموتور فانا شفت برضه لانسر جديدة نفس الصوت
هو تقريباَ الموتور بتاع الموديلات الجديدة صوته كدا
لان صاحبي معاه 2009 صوتها مش كدا
ارجو التاكيد من اللى معاه لانسر 2013

[Eng.Peter]

متابع

[amr00]

السلام عليكم

بالنسبه لصوت الموتور . بعد فتره التلين الصوت هينخفض وهيقل بعد 5000 كيلو . ونوع الزيت بتاع الموتور بردو يؤثر على صوت الموتور ويخليه عالى . والزيت بتاع توتل اللى بيحطه التوكيل انا شايف انو مش قد كده بس هنعمل ايه لازم فى اول صيانه نسمع كلامهم لاكن انا عن نفسى اسمع ان زيت ليكوى مولاى زيت المانى ممتاز بشهاده الجميع .

[wardet]

انا بحط عندى فى الصنى ليكوى مولي بس قلت لابويا يحط فى اللانسر شل لانى جربته قبل كدا وكان كويس