ممكن حد يصورلى غطاء فلتر البنزين فى عربيته

[salah_86]

السلام عليكم
ازيكم انا غيرت فلتر البنزين بس لما الراجل قفلى الشغل رحت اشوف وبصيت على الحديدة السودة اللى بتتفك ب 4 مسامير اللى تحت الكنبة الخلفية لقيتها مقفولة اه بس معوجة شوية هو قالى ان فابريكتها كدا بس انا متاكد انها مكنتش كدا ممكن حد يصورها وانا بكرة ان شاء الله اصور اللى عندى وارفعلكم الصورة

[zeyad2010]

يا باشا لو عربيتك بوما يبقى مالهاش فلتر بنزين... عندك 2 طابة تحت الكنبة.. واحدة مؤشر البنزين بتاع العدادات والتانية الطرمبة.... وفلتر البنزين عبارة عن كيس شبه كيس الشاي بالظبط في قعر الطرمبة... وأسأل وأتأكد من كلامي

[salah_86]

يبقى انت تقصد الطرمبة دى فلتر البنزين غطاها بقى انا عاوز صورتة

[ehabahmedie]

ان شاء الله هصورلك اللي عندي وابعتهولك بس استنى عليا يومين

[mahmoud85]

وفاتت سنيييييييييييين

[ehabahmedie]

ابو صلاح

سنين ايه بس ياراجل.....كلها 140 يوم بس يعني 3 شهور و 20 يوم

مكنتش اعرف ان صبرك قليل كده

على كل حال رمضان كريم وكل سنة وانت طيب

قلت أجيبلك حاجة معايا كده ع الماشي

وبصراحة ربنا يكرمك: اكتشفت اني محتاج حملة نظافة تحت الكنبة

[salah_86]

باشا تسلم وسلملى ذوقك ربنا سلمك من كل شر وسلم عربتنا جمعا من كل شر
وكل سنة وانت طب رمضان كرم
ومبروك علك حملة النضافة