بومة داياموند نازلة بعفشة 1300! حرام بجد

[MITSUKERO]

السلام عليكم

من مصادر خاصة و مؤكدة

كل الانسر البومة ال 1600 الجديدة نازلة بعفشة البومة ال 1300

يعني مساعدين اقل ثباتا و مفيش ميزان خلفي و شغل كفتة اخر حاجة
ده غير ان في كلام ان طنابير ال 1300 غير ال 1600 ! بس لسه هتأكد
يعني مش بس العربية غالية لا ده كمان بيقلل في الحاجات اللي الناس مش بتاخد بالها منها

و حسبي الله و نعم الوكيل

[manfromegy]

ممكن إيضاح أكتر لو سمحت و التفاصيل و المصدر.و شكرا

[MITSUKERO]

ممكن إيضاح أكتر لو سمحت و التفاصيل و المصدر.و شكرا

الايضاح
عفشة ال 1300 غير عفشة ال 1600
المساعديين ارفع و اقل ثباتا
فيه حاجة اسمها ميزان خلفي بيمسك العربية من ورا في المنحنيات و مطبات الهواء مش موجود
المقصات تقريبا مختلفة

من الاخر دي عفشة و دي عفشة تانية خااااالص


المصدر
احد الفنيين في التوكيل و مصدر اخر
للأسف المعلومة مؤكدة

[amz2011]

يعنى ممكن الواحد منا يجى فى وقت مش يلاقى المساعدين1600
انا عربيتى 1600 موديل 2007 و كنت عايز اغير المساعدين
ازاى اعرف المساعدين ال 1300 من مساعدين 1600 ولا الواحد يدور على مساعدين مونرو؟.

[MR . Gold]

ياباشا دة حتي الكلاكس غيروة وطبعاً القديم افضل في صوتة المميز الرنان

[mohamed_e36]

فعلا انا كنت هشتري البومه الكلاسيك 2013 وبصيت في العفشه اللي ورا مفيهاش البار بتاع الاتزان بس مش عارف هيه نفس العفشه بتاعت ال1300 ولا لأ
بس انا كنت متخيل ان ال1600 كلاسيك بتنزل كده

[salah_86]

بصو هقولكم اللى انا اعرفة ان فعلا مساعدين ال 1300 غير مساعدين ال 1600 بس واحد صاحبى معاه 1600 موديل 2012 عرف ان المساعدين الامامية عنده هما هما مساعدين ال 1300 اما الخلفية فهيا مساعدين ال 1600
بالنسبة لموضوع الميزان الخلفى كان فى عضو هنا سال عليه وقال انه اشتراة استيراد وركبة والعربية فرقت معاه وقال كمان ان مش كل ال 1600 فيها الميزان الخلفى دا بس انا كنت محتاج صورة الميزان الخلفى دا علشان انا عاوز اركبة عندى


والصراحة مع انى راكب لانسر بومة 2009 والعربية ما شاء الله ممتازة بس انا مش شايف ان فيه داعى ان حد يشتريها موديل السنة 2013 وخصوصا بالسعر دا المشكلة انها عربية كويسة وسعرها بالنسبة للى فى السوق دلوقت معقول انا نفسى اركب الشارك والله بس الفلوس مقصرة خااالص

[MITSUKERO]

للأسلف التوكيل بيدور يوفر بأي طريقة و ده شيء مستفز

[amr00]

ممكن حد معاه العربيه 2013 بومه 1600 يأكد لينا الموضوع ده .. عشان انا المفروض هستلم فى شهر 3 . تبع ق م . ولو الموضوع ده حقيقى فعلان . ممكن صور للعمود والمساعد والطنابير والمقارنه بينهم من المختصين فى الموقع . عشان لو الموضوع فعلا . هيبقى فى كلام تانى مننا مع التوكيل

وشكرا لسعه صدركم

[manfromegy]

ممكن حد معاه العربيه 2013 بومه 1600 يأكد لينا الموضوع ده .. عشان انا المفروض هستلم فى شهر 3 . تبع ق م . ولو الموضوع ده حقيقى فعلان . ممكن صور للعمود والمساعد والطنابير والمقارنه بينهم من المختصين فى الموقع . عشان لو الموضوع فعلا . هيبقى فى كلام تانى مننا مع التوكيل

وشكرا لسعه صدركم

معاك في الطلب دا بشده.ياريت السيد الفاضل الزميل صاحب المشاركة ياريت و بعد إذنك لو سمحت تزودنا بمقارنه و ياريت بالصور بين عفشه ال 1300 و ال1600 و لو ينفع تركيب الميزان الخلفي و فين و تمنه كام وشكرا مقدما للأفاده لينا و لكل أصحاب اللانسر ال 2013 و بالأخص الناس اللي إشترت العربيه دي و شكرا مرة تانيه

[MITSUKERO]

حاضر اوعدكم اول ما الاقي فرصة هصور الفروق و انزلها بس مش قبل اسبوع لان انا اساسا عربيتي بتتسمكر نتيجة حادث متوسط فلما ترجع هنزل اجيب شوية حاجات ليها و هصور ليكم الاجزاء بأذن الله

[MITSUKERO]

ملحوظة بس علشان سوء الفهم
انا مش هصور عربيتي لان عربيتي كريستالة انا هصور اي ميزان خلفي و طنابير عند محلات قطع الغيار في الحرفيين لاني كده كده هنزل بأذن الله اجيب باقي الحاجات لعربيتي و هي فرش شنطه و و كالون و شوية حاجت نتيجة الحادث
ربنا يسهل بس و الامور تمشي كويس و انزل في اقرب وقت

[amr00]

حاضر اوعدكم اول ما الاقي فرصة هصور الفروق و انزلها بس مش قبل اسبوع لان انا اساسا عربيتي بتتسمكر نتيجة حادث متوسط فلما ترجع هنزل اجيب شوية حاجات ليها و هصور ليكم الاجزاء بأذن الله

اولا الف سلامه على حضرتك وقدر الله وما شاء فعل

من فضلك فى اسرع وقت ممكن عشان فى ناس اشترت واستلمت واتغشت وفى ناس هتستلم .
ممكن تصورها وهى فى الورشه او المركز وعاوزين بردو صور بومه ال2013 بتاعت ديموند
وياسلام لو تعرفنا الفرق بالفيديو او صور بين السيارات وتعملنا مقارنه بين لانسر مع توكيل مصريه او الرواس ودلوقتى مع ديموند موتورز

انا اسف انى بستعجل حضرتك فى تقديم الدليل لان كل يوم بيعدى فى ناس بتستلم متعرفش الموضوع اصلا خصوصا على حسب كلامك ان العمود ده من اهم الاجزاء فى العربيه لانه من عوامل الامان فى السياره زى الا بى اس والفرامل والاير باج . هذا العمود فى وجه نظرى لا يقل شئ عن هذه وسائل الامان لانه يعمل على ثبات السياره
ولو حد معاه لانسر بومه خليجى ياريت يفدنا
والموضوع ده اترفع على صفحه توكيل ديموند موتورز على الفيس بوك

وجزاك الله خيرا ان شاء الله على تعبك وتضيع وقتك لخدمه الناس وشكرا لسعه صدرك .

[manfromegy]

حاضر اوعدكم اول ما الاقي فرصة هصور الفروق و انزلها بس مش قبل اسبوع لان انا اساسا عربيتي بتتسمكر نتيجة حادث متوسط فلما ترجع هنزل اجيب شوية حاجات ليها و هصور ليكم الاجزاء بأذن الله

شكرا للأهتمام و سرعة الرد.و الف الف سلامة عليك و فداك أي حاجه طالما إنت سليم. و معلش لو هانتعبك ياريت أيضا الأفادة هل يمكن شراء و تركيب الميزان الخلفي و تكلفته تقريبا.وشكرا

[MITSUKERO]

بدام الموضوع كده فهطلب بس تعاون الاعضاء معايا
العضو صلاح معاه لانسر 1300 ياريت بس يصور الطنابير الامامية
و انا ليا 3 اصحابي معاهم بومة سبورت 1600 هستعين بيهم في اقرب وقت بأذن الله تعالي

ملحوظة بس: انت مش هتعرف ترفع قضية علي التوكيل لانه حر في اختيار المواصفات كل الفكرة انك هتعرف الناس باللي بيحصل فيهم فيقرروا صح
والله الرواس بكل اللي كان عامله كان ارحم علي الاقل كان بينزل عربيات بكل المواصفات
الرواس برضة في فترة عمل عمايل اوحش من دي و كان بيركب السنتر في مصر بمكن سنتر صيني و اترفع علية قواضي بس دي تقريبا اتحكم فيها عليه لانه كان قايل سنتر اصلي

ربنا يسترها علينا

و حاضر هسأل علي تركيب الميزان الخلفي دي هسأل فيها الاسطي خالد