ازاي احافظ على فتيس اتوماتيك لانسر بوما 2007

[Amr_wael]

بسم الله الرحمن الرحيم

يا جماعة انا معايا لانسر بوما 2007 خليجي سوبر اكشن
انا لاحظت ان موديل 2007 الفتيس بتعها كلها بيبوظ "الاتوماتيك" و حصلت معايا انا شخصيا و انا سايق عربية زميلي (نفس الموديل) كنا على سرعة 140 و فصل و كنا هنموت بس ربنا ستر
دلوقتي انا خايف يحصل معايا نفس المشكلة و مش عارف ايه الصيانة اللي المفروض تتعمل له و المفروض يتغير له زيت كل اد ايه و ايه نوع الزيت (العربية عاملة 39 الف كيلو)
و شكرا للمساعدة

[Dr'AhmZZong]

روح الفتيس الاوتوماتيك = الزيت

حاول حضرتك ديما تهتم بـ تغيره كل 40 ألف كيلو و بـ انضف الانواع < متسترخص > ..

تحياتي ..

[haissam24h]

اساس المحاظفه الزيت والفترة
وبلاش الاقرص على الفتيس وكيك دون كثير ده كله بياثر على الفتيس
وياريت والطريق زحمه او واقف
تجيب العصايا على n عشان مش تحمل كثير عليه
عكس الناس بتدوس فرامل وتفضل دايسه ولما تركن العربيه
العصايا p عشان برضو للضمانات و طبعا وانته بتغير الفلتر والمصفى

[د.محمود صلاح]

زيت الفتيس الاوتوماتيك الأصلي cvt مش بيتباع الا في الوكيل على ما اعتقد ولازم تغير الزيت في المواعيد في التوكيل ..

كما ان الفتيس ثمنه حوالي 35 الف جنيه جديد فلازم تحافظ عليه من الخبطات والمطبات

[MITSUKERO]

لازم تغير الزيت في التوكيل و ده لان التوكيل هو الوحيد اللي فيه جهاز الشفط و الغسيل بتاع الفتيس

لو غيرت الزيت بره هتجيب 5 كيلوا في التوكيل 9 كيلو 8 غيار و كيلو غسيل للفتيس داخليا

[Egy_fan]

انا لسه عامل موضوع ذى ده بالظبط. ممكن تفيدونى فى البوست اللى انا عامله

[د.عمرعبدالفتاح]

هو الوحد لما يركن يسيب الفتيس على n ويرفع فرملة اليد ولا على p ويرفع الفرملة

[Amr_wael]

شكرا عالمشاركات يا جماعة
ممكن تفيدونا باماكن التوكيل في القاهرة ؟

[Eng.Peter]

تغيير الزيت طبقا للكتالوج فى الوكيل

[speed_magnum]

الناس اللي بتقول لازم اجيب الفتيس علي n لو هقف شويه في اشاره
بفرض اني ما عملتش كده ايه اللي هيحصل للفتيس … اللي اعرفه انه بيمور لوحده في الحاله دي وبيفصل الحركه لو فضلت دايس علي الفرامل لعشرة ثواني

[AHMED_HAMDY]

الاحسن ساعت الركنه خالص تجيبه على ال p

وزيت الفتيس الاحسن يتغير كل 40 الف كيلو او 50 الف كيلو

القرص غلط تسقيط نقلات غلط يعني من ال D إلى ال Ds او ال L الغيارات الاقل غلط

في الزحمه الافضل تجيب على ال N ولو مجبتش مش هيبوظ انك تفضل محمل فرامل وانت واقف كثير دي برضه مش كويسه للطنابير ومدي الفتيس وضع المشي ودايس فرامل فخليها على ال N احسن ^_^