زهقت بجد وتعبت

[salah_86]

بسم الله الرحمن الرحيم
دلوقتى انا رصصت العربية وظبت زوايا وبرضة مفيش فايدة العربية بترعش على سرعه 100 وبالضبط بين 90 لحد 100 وعندى صوت هزة كدا ورا شمال فى المطبات وبتروح وتيجى انا زكهقت لانى رحت المتخصصون وكشفو على العفشة وقالولى ان العفشة سليمة واخر ما توصل ايه الاسطى خالد قالى تعالى المصرية نظبط زوايا
هيا الزوايا ليها علاقة بالرعشة وبعدين العربية مبتحدفش

[MIVEC.A92]

انا جربت بومة 1300 مانوال علي سرعات 140 و اكتر و مكانش فيها الموضوع, لو فيه حدفة يمين او شمال حضرتك ظبط عند Fit&fix زوايا و ترصيص (و خليه يكشفلك الأول زوايا عشان ممكن تكون مش محتاجة) و ظبط هوا العجل و اعمل Rotation و شوف المشكلة راحت ولا لسة و برضو جرب تربط العفشة و تغسلها و شوف برضو بقيت الأعضاء هيقولو ايه... انا مش عايز افتي عشان مش بفهم في المواضيع دي لكن ممكن كمان تبقي قوايم الموتور بس انا معرفش حاجة خالص في المواضيع دي فحضرتك اسمع رأي الخبراء الأ,ل

[Egy_fan]

اكشف على ترصيص العجل فى مركز تانى و الصوت اللى بتسمعه ورا دا اكيد حاجه فى العفشه وهتظهر بمرور الوقت.
لا داعى للزهق. المشكله بسيطه ان شاء الله

[khalid_adel]

انت كده ممكن يبقي مشكله كاوتش نفسه

[salah_86]

الكاوتش بريدجستون ماشى 15000 كم تايلاندى وانا مغيرة من سنة وشهرين تقريبا

[أبو إياد]

غير اماكن الكاوتش الامامى مع الخلفى وشوف الفرق

[MITSUKERO]

بص انا رديت علي الخاص قبل ما اشوف الموضوع
انت بالمنظر ده عليك و علي التوكيل علشان يكشفولك علي الجنوط
بس اسال خالد ظبط الزوايا عندهم بكام الاول و الترصيص

انا ليا واحد صاحبي حصل معاه كده بس في بومة سبورت و طلع جنط و مجبهاش غير التوكيل !

و ربنا معاك

[salah_86]

ياريت يا كريم يطلع جنط اصل بصراحة لو حاجة فى العفشة انا هتخنق قوى لانى اصلا بحسس على العربية عفشة ايه بقى اللى تبوظ مش فاهم
بس اكشف فى التوكيل دايموند ولا المصرية
وازاى خالد يقولى انا بصيت على العفشة لقيتها كويسة خلينا فى ضبط الزوايا مال الزوايا بالرعشة انا اعرف ان الزوايا تخلى العربية تحدف بس
بالمناسبة يا كريم انت كنت عامل موضوع عن ريموت كنت عاوزة صح؟
روح عند عالم البدجات فى شارع دمشق هتلاقية انا لما شفته هناك افتكرتك

[MITSUKERO]

ياريت يا كريم يطلع جنط اصل بصراحة لو حاجة فى العفشة انا هتخنق قوى لانى اصلا بحسس على العربية عفشة ايه بقى اللى تبوظ مش فاهم
بس اكشف فى التوكيل دايموند ولا المصرية
وازاى خالد يقولى انا بصيت على العفشة لقيتها كويسة خلينا فى ضبط الزوايا مال الزوايا بالرعشة انا اعرف ان الزوايا تخلى العربية تحدف بس
بالمناسبة يا كريم انت كنت عامل موضوع عن ريموت كنت عاوزة صح؟
روح عند عالم البدجات فى شارع دمشق هتلاقية انا لما شفته هناك افتكرتك

اشطة عليك يا صلاح انا مزنوق في الريموت ده لعربية المدام جدا

بص قبل ما تعمل حاجة ركب الاستبن الاول و شوف

[M.Elgergawy]

لو مركب جنوط سبور بص على الرينجات لو مش مركب يبقى المشكلة في فردتين الكاوتش اللى ورا عشان الرعشة لغاية 90 امامي بعد كدا من العجل الخلفي لغاية 160 وبعد كده مش هتلاقي رعشة نهائي

[salah_86]

انا جرب ترصيص الجهاز العادى وترصيص الحصان وعملت اكس والجنوط حديد مش عادية بس امبارح وانا راجع من القاهرة فعلا لقيت العربية بتحدف يمين فكدا انا ان شاء الله هروح اظبط زوايا فى التوكيل واكشف على ال 4 جنوط والعفشة بالكامل بس السؤال اروح المصرية ولا اروح دايموند اللى فى الطريق الصحراوى

[limo]

نفس الكلام كان عندى رعشه على سرعه 120 وانت طالع ورصصت 4 مرات فى اماكن مختلفه واخر حاجه منهم مره حصان وكشفت على العفشه كله تمام اخر حاجه قالوا ان الكاوتش بايظ ووكان برضو بردجستون تورنزا يابانى وكنت شاريه من سنه وماشى عليه 15 الف كم طلعت على بردجستون فرع عمارات العبور وعملت العجل اكس ورصصت والعربيه اضبطت زى الاول بالضبط طلع بقى ان الجنط الى عندنا فى الانسر لازم بتحط ليه رصاص من الناحتين مش ناحيه واحده بس
فانت اطلع على بردجستون فرع عمارات العبور واعمل اكس ورصصت واضبط زوايا وهتدعيلى ان شاء الله

[M.Elgergawy]

نفس الكلام كان عندى رعشه على سرعه 120 وانت طالع ورصصت 4 مرات فى اماكن مختلفه واخر حاجه منهم مره حصان وكشفت على العفشه كله تمام اخر حاجه قالوا ان الكاوتش بايظ ووكان برضو بردجستون تورنزا يابانى وكنت شاريه من سنه وماشى عليه 15 الف كم طلعت على بردجستون فرع عمارات العبور وعملت العجل اكس ورصصت والعربيه اضبطت زى الاول بالضبط طلع بقى ان الجنط الى عندنا فى الانسر لازم بتحط ليه رصاص من الناحتين مش ناحيه واحده بس
فانت اطلع على بردجستون فرع عمارات العبور واعمل اكس ورصصت واضبط زوايا وهتدعيلى ان شاء الله

بالظبط كدا كل جنوط المتسوبيشي بتكون بشفتين داخلية وخارجية ولازم الصنايعي لو فاهم بيحط الرصاص من الناحيتين ويخلي الجهاز يصفر معاه من الناحيتين

[salah_86]

عملت كدا والله يا جرجاوى والدنيا برضة مش مظبوطة

[Eng.Peter]

بص على الكاوتش بتاع العربية ممكن تكون فردة من اللى ورا ملوحه او زى ما الصنايعية بيقولوا ضاربه سلك