ارجوكم ساعدوني

[tato2009]

السيارة بومة 1300 سي سي خليجي موديل 2007
الامور كويسة الحمد لله
لكن الفتيس عندي
بيتقل عند التحويل من p الي r والعكس
وكمان عند وضعة علي L او 2 او 3
لايضي النور في التابلوة الخاص بهذه الغيارات فقط

خايف تكون دي بداية مشكلة في الفتيس
مع العلم اني غيرت زيت اول ما اشتريت العربية في يناير 2013 للفتيس
ارجوكم وضحولي الامر
جزاكم الله خير

[sherif309]

بالنسبه لموضوع التقل دة افحص زيت الفتيس كويس
اما بالنسبه للاضاءة فدى اللمض الموجودة فى التابلوة بتكون اتحرقت ممكن اى كهربائى يغيرهالك او انت تغيرها بنفسك انا عن نفسى بفك العدادات واغير اللمض المحروقه وانضف العداد من جوة عشان التراب. بس لو مفكتهوش قبل كدة يبئه متغامرش وروح لاى كهربائى نضيف وتمن اللمضه جنيه.
خد بالك ان اللمض عليها غطا ازرق محدش بيعرف يشيله من على اللمض القديمه لانه بيكون لازق ودة فايدته انا بيقلل سخونه اللمضه وبيساعد على توزيع النور على العدادات بشكل سليم. لو حد ركبلك اللمض الجديدة لو هيا محروقه ودة الاحتمال الاكيد لازم تخليه يحطلك عليها الغطا الازرق تانى من اللمض القديمه بس يشلها بحرص

[أبو إياد]

خلى حد يفك الكونسوله ويركب الفيشه اللى تحتيه تانى لانها اكيد مهزوزه

[Egy_fan]

السلام عليكم. موضوع اللمبات الشباب اجابوا ووفوا. انا هكلمك فى موضوع الفتيس. اعتقد يا باشا ان عضه الفتيس دى سببه قواعد الموتور و ملهاش علاقه بالفتيس اصلا. اكشف على القواعد و خاصه الاماميه و الخلفيه

ممكن العضه يكون لها علاقه بالعصايه و ده برده بعيد عن الفتيس

[أبو إياد]

السلام عليكم. موضوع اللمبات الشباب اجابوا ووفوا. انا هكلمك فى موضوع الفتيس. اعتقد يا باشا ان عضه الفتيس دى سببه قواعد الموتور و ملهاش علاقه بالفتيس اصلا. اكشف على القواعد و خاصه الاماميه و الخلفيه

ممكن العضه يكون لها علاقه بالعصايه و ده برده بعيد عن الفتيس

انت كلامك صح بس لو كان قال المشكله بدون ما يذكر مشكله اللمبات كنت هاقول قواعد انما كده اكيد ده عيب حساس وغالبا الحساس الموجود تحت الكونسوله

لو عندك خبره تقدر تفك مقبض الفتيس والكونسوله وفك الفيشه وركبها تانى
لو هاتخاف اى كهربائى يعملها

ودايما نبداء بالاسهل والاوفر

[tato2009]

شكرا جزيلا لكم جميعا
سعدت جدا بمشاركاتكم وردودكم
والحمد لله الفتيس سليم