صوت مكنة الكرستالة هيجنني

[Drnagy1984]

السلام عليكم ورحمة اللة وبركاتة

ياجماعة أنا عضو جديد معاكم والمنتدي دا ماشاء اللة ممتاز جدا وفادني كتير بس عندي سؤال لو تسمحو

أنا عندي كريستالة موديل ٢٠٠٠ صوت المكنة عالي جدا وخصوصا لما بدوس بنزين وكل ماروح لميكانيكي يفتح الكبوت ويوطي زرار في المكنة كدا مش عارف هوة اية ويقولي دا بيوطي الصوت المشكلة ان الصوت بيهدي بس سحب العربية بيبقي بطيء جدا وساعات كتير وانا ماشي لما اشيل رجلي من علي البنزين تبطل

اروح لميكانيكي تاني يفتح الكبوت ويغير في الزرار دا

حد يعرف يقولي اية المشكلة؟ واية الزرار دا؟

[M.Al-Hefnawy]

لو اسطوانة الدبرياج ضعيفة ممكن تعلي صوت المكنة

[MITSUKERO]

غالبا بيلعب في مسمار الظبط بتاع الكربيراتير

روح لحد متخصص يظبط الكربيراتير

[د.أبونضال]

لازم تنظف الكاربراتير كويس .... فيه اسبراي بيتباع ماركة Abro هتفك العمه وتكون العربية سخنة وبعدين تسيبها دايرة وترش جوه الكربراتير رشات قصيرة متقطعة علشان لو رشيت رشة طويلة العربية هتبطل ومش هتعرف تدورها .. الاسبراي ده ب 30 جنيه جربه وشوف كده لأن السلانسيه عندك عالي ومش كل الميكانيكية بيفهمو في الكربراتير على فكره .. لو المشكلة ماتحلتش يبقى هتضطر تروح لمتخصص في الكربراتير يفكه حته حته ويشوف المشكله في إيه .. وخلى بالك الكاربراتير ده استيراد بألف جنيه فما تخليش حد يضحك عليك ويقول لك ده بايظ على أمل إنك تسيبهوله زي ما بيحصل عادة