اللى انا عملته صح ولا غلط

[salah_86]

انا عربيتى لانسر بومة 1300 موديل 2009 جنوط حديد وطاسات
اشتريت جنوط اسبور مقاس 14 وهنا مربط الفرس
انا مرضيتش اركب جنوط 15 علشان خفت على العفشة والجنط شكلة حلو وكل حاجة وكمان جبت كاوتش جديد رود استون
بس انهاردة اصحابى لما شافو الجنط سالونى هو 15 لان شكلة فعلا يوحى انه 15 قلتلهم لا دا 14 كله قعد يولى غلطان كنت جبت 15 وكرهونى فى التصرف اللى انا اخدته
وانا بجد خفت انى اغير فى مقاسات الفابريكة حتى لما جبت كاوتش جديد جبت كاوتش بنفس المقاس الاصلى اللى نازل فى العربية اللى هو 185/65r14
انتم ايه رأئيكم

[islamnasser10]

وجهة نظري طالما مش من هواة السرعة والغرز 14 اختيار كويس علشان عفشة العربية

[Karim Ibiza]

مبرووك عليك الجنط

أولا اللى انت عملته مش غلط
واللى هما بيقولوه برده مش غلط طالما ملتزم بمقاسات الشركة المصنعة

يعنى مش معنى انك مغيرتش مقاس الجنط يبقى انت كده محافظ على العفشة
ممكن يكون الجنط ال 14 ده مقاساته ومواصفاته مش متناسبة مع عربيتك طالما الجنط مش أصلى مثلا زى عرض الجنط او الأوفست

[MITSUKERO]

مش هتفرق اوي يا صلاح زي ما انت فاكر و انا شايف ان كده افضل

[MoStAfA MaHmOuD]

يا باشا صح وكل حاجة وما دام جبته وجايب كاوتش جديد يبقى افرح بيه

[محمد طايع]

مبروك عليك الجنوط الجديده اولا
وانا مع حضرتك فى انك جبت جنوط 14 لأن ال 15 لعربيه اصلها 13 زى الانسر اختيار سىء
كان عندى جنوط 15 فى الفيرنا ( برضه اصلها كان 13 )
وطلعوا عينى مع شوارعنا الجميله لأنى كنت مجبر اجيب بروفايل الكاوتش رفيع علشان المقاس الكلى للفرده يفضل مظبوط
والنتيجه ان اى نقره على سرعه كانت بتوصل للجنط وتعوجه
وطبعا الهوا يتسرب و الفرد تنام اشيل واروح استعدل جنوط وموال رخم
وفى النهايه رجعت لمقاس الكاوتش الأصلى تانى وريحت دماغى
ال 14 يعتبر حل وسط وعملى
ومبروك عليك مره تانيه

[salah_86]

هيا العربية يابشوات نازلة بجنوط حديد استوك مقاس 14
وانا فعلا ربنا اللى ساقلى الجنوط الاسبور دى وانا راضى بيها والحمد لله
هو بس ساعات ناس كدا تحاول تكرهك فى الحاجة متفهمش ليه

[Eng.Peter]

يا فندم العربية اللانسر يمشى معاها 14 و 15
و الفابريقة بتاعتها الاتنين على حسب المواصفات
و هتلاقى استيكر على قائم الباب بتاع السائق فيه الجنوط و قاسات الكاوتش المناسبه لكل جنط

[salah_86]

عندى الاستيكر اللى على القايم مكتوب فيه ارقام الكاوتش اللى العربي نزلت بيه اللى هو 185/65r14
وتحته افتكر مكتوب ان فى حالة الضرورة تركب 125/17d15
انا مسمعتش عن المقاس دا خالص وعلشان كداقلت خلينى فى 14

[HaNo_ELBeh]

انا عربيتى لانسر بومة 1300 موديل 2009 جنوط حديد وطاسات
اشتريت جنوط اسبور مقاس 14 وهنا مربط الفرس
انا مرضيتش اركب جنوط 15 علشان خفت على العفشة والجنط شكلة حلو وكل حاجة وكمان جبت كاوتش جديد رود استون
بس انهاردة اصحابى لما شافو الجنط سالونى هو 15 لان شكلة فعلا يوحى انه 15 قلتلهم لا دا 14 كله قعد يولى غلطان كنت جبت 15 وكرهونى فى التصرف اللى انا اخدته
وانا بجد خفت انى اغير فى مقاسات الفابريكة حتى لما جبت كاوتش جديد جبت كاوتش بنفس المقاس الاصلى اللى نازل فى العربية اللى هو 185/65r14
انتم ايه رأئيكم

ياباشا افرح بالجنوط الجديده ديه لسه جديده حتى ياقلبك جنوط فى الوقت ده ههههه
انا بحسدك بصراحه بس عشان اكسر العين من عليك بس والله
انا بهزر معاك ربنا يكفيك شر العين والحاسد
وألف مبروك عليك الجنوط والكاوتش
طبعا طبعا اللى انتا عملته ده اكبر صح لانك ركبت نفس مقاس الاصلى كما قال الكتاب وعايز اقولك على حاجه اوعى تندم على شئ انتا عملته ومقتنع بيه
انتا حطيت نفس مقاس الفابريكه
بس هو كل اعتراضى على الكاوتش نوعه مش كويس ( رود استون ) يعنى انا عن نفسى جربته وماعجبنيش وخلى بالك من نفسك وخصوصا على السرعات العليا ولو احتجت استفسار عن الكاوتش ابعتلى على الخاص
بس مبررررررررروك عليك الجنوط والكاوتش

[salah_86]

الله يبارك فيك ويخليك مهى الجنوط دى يوم ماركبتها الصبح بليل وانا راجع من الشغل الازاز اتكسر هههههههههههههههههه
يعنى انا مش مركبها دلوقتى
انا دلوقتى مش فى حالة تخلينى اجيب للعربية مسمار رفاهية خالص
انا لو بسئل على الميزان علشان ناس كتير قالت انه امان للعربية
والله يبارك فيك ياريس
بس الكاوتش دا انا جبته لان الكاشات كانت مقصرة قوى وكمان ملقتش بريدجستون يابانى

[HaNo_ELBeh]

الله يبارك فيك ويخليك مهى الجنوط دى يوم ماركبتها الصبح بليل وانا راجع من الشغل الازاز اتكسر هههههههههههههههههه
يعنى انا مش مركبها دلوقتى
انا دلوقتى مش فى حالة تخلينى اجيب للعربية مسمار رفاهية خالص
انا لو بسئل على الميزان علشان ناس كتير قالت انه امان للعربية
والله يبارك فيك ياريس
بس الكاوتش دا انا جبته لان الكاشات كانت مقصرة قوى وكمان ملقتش بريدجستون يابانى

مبررررروك عليك
بس ممكن تقولى سعر الفرده كام وصناعه ايه

[salah_86]

بص ياباشا الفردة كانت عاملة 385 تقريبا او 370 مش اقل من كدا وصناعتها كورى

[salah_86]

كوريا حلوة برضة ياباشا

[HaNo_ELBeh]

كوريا حلوة برضة ياباشا

وعلى رأى المثل

[gdwl]
ان فاتك الكورى اتمرمج فى ترابه
[/gdwl]