استفسار من اصحاب لانسر بومه الموديل الحديث

[muslim_nsb]

انا بفكر اغير وابيع النترا2005 اللي معايا واشتري لانسر بومه كامله سبور
كنت عاوز اسأل من اهل الخبره عن شوية حاجات
1- اخبار صوت الموتور ايه ولو على سرعات عاليه ومقفل العربيه مسموع ولا العزل كويس
2- اخبار السياره في السرعات العاليه ماسكه نفسها ولا تشعر انها بتلعب
3- اخبار الفتيس الاتوماتيك ايه بتشعر بالنقلات بتاعته وفي نتشه ولا سلس ولو حتى كنت قارص على العربيه بتشعر بالنقلات ولا لأ
4- نظام الصوت بتاع العربيه حلو ولا محتاج يتركب مثلا بزوكه جي ام يتغير الكاست وخلافه
5-اخبار مراكز الصيانه ايه وايه افضلهم وناس فاهمه ولا شربه زي اغلب مراكز الصيانه
6- هيا موديلات 2010 - 2011 - 2012 - 2013 نفس العفشه والفتيس والطابلوه والعدادات ولا فيه اختلاف غير الشبكه الأماميه
7- اخبار تسارع السياره وسحب الموتور والفتيس الاتوماتيك بنجز في المواقف الصعبه والغرز ولا يعتبر بطيء نسبيا .
انا عارف تقلت عليكم بس أستحملوني لاني عاوز انضم للاسطوره الياباني وعاوز عربيه معمره مفكرش اغيره بأذن الله يكفينا ويكفيكم شر الطريق ولا بعد 10 او 15 سنه مثلا .
ولكم مني جزيل الشكر ...
ملحوظه هامه :-
الناس اللي بتدخل وتطلع من غير ما تترك تعليق مش هاسمحها لو تعرف شيء وبخلت بيه عليا

[buddha]

اليابانى كلة العزل ضعيف
لما تعدى عدد لفات 3000 لفة بيبقى مسموع جدا
التسارع فى حالة المواتير 1600 طبعا جيد جدا
الثبات بتاع لانسر معاك لحد 160 جيد جدا
بالنسة للفتيس الاوتوماتيك لو الصيانة والاهتمام بالزيت فى معادها بيبقى جيد وليس جيد جدا


بس محتاج اعرف منك اية المشاكل ال قبلتك فى النترا 2005 ومخلياك عايز تغير؟؟؟؟؟

[muslim_nsb]

اليابانى كلة العزل ضعيف
لما تعدى عدد لفات 3000 لفة بيبقى مسموع جدا
التسارع فى حالة المواتير 1600 طبعا جيد جدا
الثبات بتاع لانسر معاك لحد 160 جيد جدا
بالنسة للفتيس الاوتوماتيك لو الصيانة والاهتمام بالزيت فى معادها بيبقى جيد وليس جيد جدا


بس محتاج اعرف منك اية المشاكل ال قبلتك فى النترا 2005 ومخلياك عايز تغير؟؟؟؟؟

شكرا لرد حضرتك وانت اول من رد على الموضوع
الحمد لله الالنترا معايا مفيهاش مشاكل والحمد لله لاني اول ما اشتريتها كانت عامله كل الصيانات في التوكيل وانا كمان غيرتلها طقم سرفس كامل اصلي من التوكيل بالاضافه لفلتر وزيت فتيس وكل حاجه والحمد لله هيا كويسه معايا وتسارعها جميل وبأشعر انها افخم من اللانسر بس انا كنت عاوز اغير واشتري جديد وفكرت في اللانسر بس موضوع العزل والفتيس ده هايقلقني منها

[monamize4]

بس محتاج اعرف منك اية المشاكل ال قبلتك فى النترا 2005 ومخلياك عايز تغير؟؟؟؟؟

+1111111111111111
العربية اللى معاك دى محترمة جدا و اعتقد ان الفرق بين العربيتين مش قد فرق السعر بينهم

[muslim_nsb]

+1111111111111111
العربية اللى معاك دى محترمة جدا و اعتقد ان الفرق بين العربيتين مش قد فرق السعر بينهم

انا معاك هيا فعلا محترمه وبشعر بأن تقفيلها اشيك وافخم من اللانسر بس انا عاوز اجيب جديد اغير وبعدين اللي معايا لونها اسود وانا تعبت فعلا من الاسود خلاص واللي هشتريها هاجيبها لون سلفر علشان قرف التراب وخلافه

[monamize4]

انا معاك هيا فعلا محترمه وبشعر بأن تقفيلها اشيك وافخم من اللانسر بس انا عاوز اجيب جديد اغير وبعدين اللي معايا لونها اسود وانا تعبت فعلا من الاسود خلاص واللي هشتريها هاجيبها لون سلفر علشان قرف التراب وخلافه

عموما الف مبروك مقدما

[muslim_nsb]

عموما الف مبروك مقدما

الله يبارك فيك بس انا كنت عاوز اراء اكثر من وحوش اللانسر لاني خايف اشترى حاجه واندم عليها واشعر اللي كان معايا احسن
ياريت الناس تقرأ النقط اللي في اول الموضوع وترد عليا اشترى ولا بلاش

[muslim_nsb]

شكلها كده اللانسر عربيه حرام يندفع فيها فلوس وان الهونداي النترا برقبتها طول ما في 54 مشاهده ومفيش كلمه حلوه في حق اللانسر ولا من ملاكها كمان

[M I D O]

السلام عليكم ورحمة الله وبركاتة

حضرتك انا ليا صديق معاة لانسر بومة وبيشكر فيها جدا ومريحاة اوي وبيقول عربية جميلة اوي و بتشد حلو اوي و المحرك قوي وقطع الغيار معقولة و معمرة اوي ولو فكر يبيعها مش هيخسر فيها كتير لان العربية سوقها ماشي اوي ودة علي كلام صاحبي وانا حبيت افيد حضرتك بالي اعرفة

[amr00]

شكلها كده اللانسر عربيه حرام يندفع فيها فلوس وان الهونداي النترا برقبتها طول ما في 54 مشاهده ومفيش كلمه حلوه في حق اللانسر ولا من ملاكها كمان

السلام عليكم

عربيه حرام يندفع فيها الفلوس ......... ازاى وهى رقم واحد فى السوق

هوينداى النترا ببرقبتها ...... انا مش هقولك غير دى كورى ودى يابانى ... شوف هتخسر كام وانت بتبيع النترا وتبيع لانسر . شوف عمر الموتور كام فى لانسر وكام فى النترا

بص يا باشا لانسر عربيه محترمه وقويه واعتماديه وبشهادة الجميع وبشهاده السوق .
عربيه ثابته فى السرعات العاليه ومع فرامل abs فرامل محترمه وبتسعدك وده مش موجود فى النترا غير تقريبا فى الهاى لاين
لانسر عربيه عاليه عن النترا وده مهم جدا فى بلدنا
لانسر مش محتاجه استشارى مخ واعصاب عشان يصلحها
لانسر الجديده فتيس ستيبترونيك. اتو + مانيول فى فتيس واحد . سحب الفتيس الجديد جيد ومبتحسش بالغيار ولو محتاج عزم وشد وغرز والكلام ده معاك المانيول . يعنى ميزه مش موجوده غير فى العربيات اللى تسعيرتها معاديها 160 الف وتقريبا زى السيراتو كوبيه باختلاف فى طريقه النقل

قطعه الغير فى النترا بتقعد اقل من لانسر القطع اليابانى معمره وبشهاده الجميع

وفى ناس هتطلع تقولك دى عربيه تكنولوجيا قديمه وفى ناس هتقتنع وناس لاء زى كده .. عشان التكنولوجيا القديمه دى مش محتاجه توكيل عشان يصلحها اى مركز او ميكانيكى يعرف يتشغل فيها .مش لازم ليها دكتور مخ واعصاب + قطع غيار كتير وفيها منها اصلى وتركى وصينى وتيوانى واستيراد
الفرق ان النترا شكلها افضل واحدث وفيها شويه انوار وشكلها اشيك

وده موضوع راى الناس فى لانسر

http://www.nilemotors.net/Nile/310319-2013-2013-a.html

ودور فى الموقع وشوف المواضيع الموجوده داخل القسم هنا . وهنشوف راى الاعضاء ايه
وفى الاخر العربيتين محترمين لانسر عربيه محترمه والنترا افضل الكورى
وده اختيارك فى الاخر
وده راى ليك

[muslim_nsb]

[QUOTE=amr00;3874884635]

السلام عليكم

عربيه حرام يندفع فيها الفلوس ......... ازاى وهى رقم واحد فى السوق

انا قلت الكلمتين دول علشان انكش عرين الاسد ليخرج ما بداخله وليس تقليل من اللانسر لاني رأيت مشاهدات كتير وردود ضعيفه
انا شايف ان معاك لانسر 2013 ايه اخباره معاك واخبار التقفيل وصوت الموتور وهل فعلا غيروا في العفشه والمساعدين وشالوا عامود الاتزان

[amr00]

السلام عليكم

بالنسبه للتقفيل جيد وصوت الموتور هادى تحت 90 وبعد فتره التليين هيهدى اكتر وهيوصل لحد 100

بالنسبه للعمود الاتزان مش فارق خالص العربيه الحمد لله ثابته فى لحد 165 وفى الملفات كويسه

وان شاء الله لما اوصل 10000 الف كيلو هبقى اعمل تقرير كامل .

عشان فى اسئله عندى عاوز اسئلها للتوكيل وانا رايح اعمل الصيانه هسئلهم هما غيرو فى العفشه ولا لاء بس انا حاسس انهم غيرو حاجات لان عمود الاتزان مش فارق والعربيه ثابته

وبالنسبه للمساعد هسئلهم بردو . وانا هصبر شويه بردو عشان اقيم العربيه صح واسئل التوكيل كل الاسئله واى حد عندو اسئله ياريت يقولها عشان اسئلهم عليها

[wardet]

عشان فى اسئله عندى عاوز اسئلها للتوكيل وانا رايح اعمل الصيانه هسئلهم هما غيرو فى العفشه ولا لاء بس انا حاسس انهم غيرو حاجات لان عمود الاتزان مش فارق والعربيه ثابته

وبالنسبه للمساعد هسئلهم بردو . وانا هصبر شويه بردو عشان اقيم العربيه صح واسئل التوكيل كل الاسئله واى حد عندو اسئله ياريت يقولها عشان اسئلهم عليها

مبروك ياباشا وربنا يحميهالك
انا والدى معاه برضه 2013 بس حاسس ان صوت الموتور مش زى الموديلات اللى قبل كدا
بحس انه عالى شوية لما تدوس بنزين هل بتحس بكدا؟؟
يعنى زى ما يكون صوت الهوا اللى طالع من الشكمان فى ودنى
كمان الكاسيت بتاعها مش ميتسوبيشي اسمه تقريباًَ airplane
وفيه ناس قالتلى المفروض يبقى معاها الكاسيت الاصلي المتسوبيشي
ايه النوع الموجود عندك
العربية هاف سبورت 2013

[muslim_nsb]

السلام عليكم

بالنسبه للتقفيل جيد وصوت الموتور هادى تحت 90 وبعد فتره التليين هيهدى اكتر وهيوصل لحد 100

بالنسبه للعمود الاتزان مش فارق خالص العربيه الحمد لله ثابته فى لحد 165 وفى الملفات كويسه

وان شاء الله لما اوصل 10000 الف كيلو هبقى اعمل تقرير كامل .

هانتظر تقريرك بفارغ الصبر وياريت كل اللى معاه اللانسر 2013 يقول لنا رأيه فيها أيه أو كل من جربها حتى تعم الفائده للجميع وإذا كان فيها عيب او أفتقار للخامات واختلاف للموتور للأسوء او للعفشه نعمل شوشره للشركه علشان تعرف ان الناس في مصر فاهمه ونفهمهم أن ده هيأثر على مبيعاتها .

[Dragon78]

مع احترامي لكلامك ياباشا ... المفروض مافيش وجه مقارنه بين الياباني والكوري

أي نعم ممكن الكوري يكون فيه اوبشنز أعلى ومنظره لكن من ناحية الموتور والعفشه وكل شيء الياباني يكسب طبعا

وفي حاجه كمان .. لو زي ماحضرتك بتقول كده ان الفلوس فيها حرام وان سوقها مش ماشي ماكانش التوكيل بتاعها لسه بينزل موديل البومه لحد دلوقتي , علما ان مصر هي تقريبا الدوله الوحيده اللي لسه بينزل فيها الموديل ده .
أما بالنسبه للشيب الجديد (الشارك) في ناس كتير ماجربتهوش بس العموم في تخوف منه شويه في مصر مش عارف ليه .. مع ان شكلها محترم جدا برضه , بس انا عن نفسي لما جيت اشتري جبت البومه لأن كان عاجبني شكلها من زمان وبرضه بصراحه مشيت مع التيار اللي متخوف شويه من الشارك .

لكن تقولي ان الكوري أحسن منها , ازاي بقى الكلام ده .
هو ممكن حتى لو حضرتك غيرت عربيتك الكوري واشتريت ياباني وبومه تحديدا , ممكن في الأول آه فعلا تحس ان اللي كان معاك كان أحسن أو لو كنت جبت كوري جديد من نايحة الفخامه والأوبشنز الكتير , لكن هاتحس بقيمة الياباني بعد كده مش في الأول . وأعتقد الملاك القدامى للبومه يأكدولك الكلام ده .

وفي الأول والآخر هو اختيارك , ممكن حضرتك تكون بتفضل الكماليات والرفاهيه والأوبشنز الكتير ده عن الموتور أو العفشه .. كل واحد حر في اختياره وهو المسؤول عنه .

وفي النهايه تحياتي للجميع