هل ممكن تركيب عدادات بومة 2013 على بومة 2007

[shaker_alz]

ماشاء اللة ماشاء اللة

[Angel_wolf]

لسه مخلصها إمبارح الحمد لله :

الف مبروك ياريت لوحضرتك تقولى اتكلفت كام وعملتها فين

[hossamgaber]

كل عام وانتم بخير ...
أنا إشتريت الكاسيت ماركه إسمها Clayton ممكن تشوف الموقع بتاعهم
Clayton Dubai >> Professional Car Multimedia System - Home

وسعره حوالى 2100 جنيه .. بس جايبه من دبى ومدفعتش عليه جمارك ولا شحن علشان كان ضمن الوزن ..

المشكله بقا كانت الوش وسألت علىه فى دبي بس مكانش موجود . فلما رجعت سألت عليه هنا برده مش متوفر والناس مستغرباه .. عديت على محل بجيب منه قطع الغيار الأصليه فى صقر قريش - المعادع .. سألنى على ال Part Number دورت عليه لقيته مكتوب فى السيت ده

JDM Japanese Auto Parts specialists | japanparts.com

وهو ده رقمه : MN151278HA
قالى ممكن يجيبه ب 550 جنيه .. قالى إدفع مبلع تحت الحساب علشان هيستورده وده مفيش حد سأله عليه قبل كده . الهم إديته 300 جنيه . تاني يوم بالصدفه كنت معدى من المريوطيه سألت عند مكان بيستورد عربيات متقطعه إسمه إسماعيل الشيخ . قالى بيبيعه ب 200 جنيه . بس مكنش موجود لما كنت عنده .

بعد موحالات للفصال جبته من نفس الرجل اللى قالى 550 جنيه, بس ب 400 جنيه . بعد مناقشه موضوعيه عن سعره من بره بكام .. جابه فى حوالى 10 أيام .

وبعد كده التركيب
عملتها بنفس الطريقه بتاعت السيت ده Orbital Prestige Trim Kit Review
.. قطعت الوش الأصلى وقولت للكهربائي انا عايز أعمل إيه .. هو مكنش مقتنع فى الأول . بس الحمد لله فهم بسرعه .. ونزل التكييف تحت . وركبت الكاسيت بالوش الجديد ..

بس إختلاف الصراحه ظريف . الحمد لله . التركيب كان بحوالى 100 جنيه .

[hossamalsadik]

بسم الله ماشاء الله
يستاهل التكلفه بصراحه
بس أنتا جبته من دبى من خلال الموقع ولا حد جبهولك من هناك

[m.elsherif]

اولا مبروك على الشغل الجميل ده، بس الاهم من كده انك فتحتلنا سكة ممكن نجيب منها قطع غيار اصليه و اكيد ارخص من التوكيل و جشعه و يرحمنا من قطع الغيار المضروبه فى السوق . اللى عايزين نعمله بقى ان احنا ازاى نفعل الموضوع ده و يكون خدمه بنقدمها كلنا لبعض غير هادفه للربح من خلال تعاون جميع الاعضاء من ذوى الخبره كل فى مجاله ، يعنى ممكن نشوف مين اللى يبقى فاهم ان قطع الغيار دى بتاعة البومه او الكريستاله و يطلعها صح من السايت و حد تانى له خبره فى الشراء من المواقع اللى بره مصر دى. ..الخ اللى موافق عالموضوع ده و مهتم بيه ياريت نتواصل عشان نفعله و كلنا نستفاد

[hossamalsadik]

والله فكره جميله ومفيده جدا
هوا كل الى ركب أبيزا قبل كده مخه كده :d

[m.elsherif]

والله فكره جميله ومفيده جدا
هوا كل الى ركب أبيزا قبل كده مخه كده :d

اشكرك

[Eng.Peter]

الف مبروك