دركسيون البومة بقه تقيل ليه

[Nashaat Rady]

السلام عليكم جميعاً

السيارة: لانسر بومة ٢٠٠٨ مانيوال ١٦٠٠
قرائة العداد: ٥٣٫٠٠٠ كيلومتر
نوع الكاوتش: Gt و ماشي ٥٠٠٠ كيلو فقط
الزوايا: تم ضبطها منذ عام تقريباً بعد تغيير الكاوتش مباشرتاً و ما زالت جيدة

الشكوي: لاحظت منذ عدة أسابيع ثقل الدركسيون بشكل ملحوظ جداً.

بما تنصحون يا أهل الخبرة و هل حد قابل موقف مشابه و عمل ايه و راح لمين..

انا معرفشي ميكانيكي ولا عفشجي كويس للياباني.

العربية كانت بتروح التوكيل بصفة دورية بس انا زهقت من ارتفاع اسعارهم.

العربية بتتركن كتير جداً واستخدامها خفيف جداً.

تحياتي

[amrelsaqqa]

كشفت على زيت الباور ؟
غالبا عندك تسريب في الخراطيم وهتلاقيها مشققة وتلفت بسبب الركنة

[Nashaat Rady]

كشفت على زيت الباور ؟
غالبا عندك تسريب في الخراطيم وهتلاقيها مشققة وتلفت بسبب الركنة

شكرا للرد والاهتمام

الخراطيم تمام ومستوى الزيت عند الماكس لم يتحرك من مكانه منذ الشراء فبراير ٢٠٠٨

العربية راكنة في الظل علي طول تحت أشجار

[mhf_77]

اكشف على طرمبة الباور لو سليمه يبقى متخافش من اى حاجه تانيه بسيطه ان شاء الله

[Nashaat Rady]

اكشف على طرمبة الباور لو سليمه يبقى متخافش من اى حاجه تانيه بسيطه ان شاء الله

يا ريت حضرتك تقولي اكشف عليها ازاي أو عند مين مع العلم أني من سكان مصر الجديدة.

شكرًا

[د.أبونضال]

ممكن السير يكون عايز يتغير

[limo]

بيحصل معايا كتير الموضوع ده حله روح لحد يضبط ضغط الكاوتش لانى اعتقد ان مفيش مشكله عندك فى العفشه او ماكينه الباور

[Nashaat Rady]

بيحصل معايا كتير الموضوع ده حله روح لحد يضبط ضغط الكاوتش لانى اعتقد ان مفيش مشكله عندك فى العفشه او ماكينه الباور

لسه مظبط ضغط الكاوتش و عاملته علي ٣٠ زي ما مكتوب علي الباب..

في كمان حاجة نسيت أقول عليها، ان ساعات بسمع صوت صرخة كده في الملفات و انا علي الاولاني او التاني، ممكن يكون صرت سير بس مش متأكد طبعا.

المشكلة ان ده عربية والدي، انا مش باسوقها علي طول...

يا ريت تنصحوني بمركز خدمة كويس بالمناسبة كمان...

تحياتي

[amrelsaqqa]

لسه مظبط ضغط الكاوتش و عاملته علي ٣٠ زي ما مكتوب علي الباب..

في كمان حاجة نسيت أقول عليها، ان ساعات بسمع صوت صرخة كده في الملفات و انا علي الاولاني او التاني، ممكن يكون صرت سير بس مش متأكد طبعا.

المشكلة ان ده عربية والدي، انا مش باسوقها علي طول...

يا ريت تنصحوني بمركز خدمة كويس بالمناسبة كمان...

تحياتي

لو في الملفات يبقى من الكاوتش وده بسبب الزوايا
الزوايا لو مش مظبوطة تعمل الصرخة دى بالظبط

[Nashaat Rady]

لو في الملفات يبقى من الكاوتش وده بسبب الزوايا
الزوايا لو مش مظبوطة تعمل الصرخة دى بالظبط

لاء هي مش صرخة كاوتش تماماً... ممكن تكون صرخة سير، بلي بايظ، كاوتشه مقطوعة و بتحك في حاجة تانية

شيئ من هذا القبيل، و مش دائماً كمان، عشان كده محتاجه ميكانيكي شاطر او مركز خدمة محترم عشان مايقعدشي يغير حاجات علي الفاضي

شكرا

[amrelsaqqa]

ممممم خلينا نفكر مع بعض بصوت عالى ، ممكن يبقى بلي الطرمبة لما بتحمل عليها اثناء ما بتلف الدركسيون تعمل كدة
بس ليه الصرخة مرتبطة بالمشى بالعربية ع الاول والتانى
المفروض تعمل كدة برضه لو العربية واقفة وبشكل اكبر كمان

[Nashaat Rady]

ممممم خلينا نفكر مع بعض بصوت عالى ، ممكن يبقى بلي الطرمبة لما بتحمل عليها اثناء ما بتلف الدركسيون تعمل كدة
بس ليه الصرخة مرتبطة بالمشى بالعربية ع الاول والتانى
المفروض تعمل كدة برضه لو العربية واقفة وبشكل اكبر كمان

كلامك مظبوط نظريا طبعاً ، بس هو ده اللي بيحصل فعلاً.

الصوت عمره ما يطلع أثناء الوقوف.

بيحصل اكثر مع التحميل الزائد او المطالع مع كسر الدركسيون و أحيانا بدون تحميل لكن اقل حدوثاً و ساعات لما اقصد أظهره، يخنقني و ما يظهرشي.

انا شاكك بحاجة ناحية الطرمبة لان الصوت جاي من اليمين.

شكرا

[Eng.Peter]

متابع