الي الاستاذ طارق:)

[hazem_khidr]

السلام عليكم:)
ليا واحد قريبي معاه لانسر 2007 1600 رياضيه
المهم الكساحه اللي قدام اتكسر منها كليبسين
فكنا عاوزين نعرف هل ممكن نجيبها نركبها في التوكيل و لا لاء؟؟
و لو ما ينفعش يا تري الكساحه دي بتتباع لوحدها و تكلفتها كام؟؟؟
و لو مش بتتباع لوحدها يا تري سعر الاكصدام الكامل كام؟؟
و شكرا جزيلا :)

[مصراوي جدا]

أهلا يا استاذ حازم

باذن الله منحتاجش لكساحة جديدة لأنها غالية

وانا سألت على الكلبسات قالوا لي دي مسامير فيا ريت أول خطوة تصور لنا الكساحة ومكان الكلبسات عاملة ازاي علشان نحدد بالظبط المطلوب عمله

[hazem_khidr]

الف شكر يا استاذ طارق مش عارف اقولك ايه
انا ما شوفتش الكساحه لسه حشوفها و اصورها و ابعتها لحضرتك.
بس بعد اذنك يا ريت تقولي تمن الكساحه كام بالرش و التركيب
معلش انا بتعب حضرتك معايا
بس انا طمعان في ذوق حضرتك:)

[مصراوي جدا]

سعر الكساحة 1775 ج + 10 % يعني حوالي 2000 جنيه

التركيب : بيتم التركيب على الاكصدام (150 ج) ثم رشهما معا (275 ج)

[hazem_khidr]

اوووووووووووف
لا احنا فعلا نشوف الكساحه القديمه احسن :)
الف شكر يا باشمهندس
دايما تعبينك معانا كده :)

[M!NA]

طيب ممكن أعرف سعر الاكصدام الأمامي الكامل بكام؟
(آسف لتدخلي في الموضوع لكن فيه صديق سألني)

[Dr Ahmed]

كان ب 1900 السنة اللى فاتت من التوكيل
وأعتقد موجود برضه فى أماكن أخرى

[M!NA]

كان ب 1900 السنة اللى فاتت من التوكيل
وأعتقد موجود برضه فى أماكن أخرى

شكرا على ردك يا دكتور :)

طيب أقل سعر ليه كام و فين؟ حد عنده فكرة؟ (عشان صاحبي اللي بيسأل بيفكر يعمله صاج زي عندي لو كان غالي)

[مصراوي جدا]

الاكصدام الأمامي اللي بدون كساحة (يسمى مقفول) سعره 1375 ج + 10 %

الاكصدام الأمامي اللي بيركب عليه كساحة (متخرم جاهز) ويسمى مفتوح وسعره 1475 ج + 10%

طبعا ده بخلاف سعر الكساحة المذكور

[M!NA]

شكرا جزيلا لردك المفصل يا أستاذ طارق :)

[Dr Ahmed]

أنا آسف
السنة اللى فاتت كان ب 1660 ج والخلفى ب 1440 تقريبا بعد ما رجعت للأسعار اللى كنا جمعناها فى موضوع (أسعار قطع غيار الانسر من التوكيل) وهو مثبت

[M!NA]

دا أوحالي بفكرة .ممكن نبقا نعمل updating كل شوية للمواضيع المثبتة خاصة اللي بتحتوي على قوائم الأسعار لقطع الغيار
و ممكن يكون في حد معين في كل قسم هو المسئول عن عملية الupdating