طقم الكاتينة

[salah_86]

السلام عليكم ورحمة الله وبركاته
ازيكم جميعا عاملين إيه أخباركم إيه
بقالى فترة بس عندى ظروف مش كويسة وزوجتى مريضة إدعولها بالشفا وإن ربنا يطمنى عليها
الحمد لله العربية تمت 79600 إمبارح وذهبت الى ورشة المتخصصون وطلبت بنفسى تغيير طقم الكاتينة لان كان عندى سير التكييف مشقق خالص واللى انا اعرفه ان سير الكاتينة بيتغير على 80 الف وبصراحة الناس كانو فى منتهى الإحترام وعملولى الشغل بمنتهى النضافة وانا ماشى سالتهم على منظف دورة البنزين الاصلى من ميتسوبيشى ولقيتة عندهم وحطيتة
صحيح انا غيرت السير الكاتينة قبل ميعادة ب 400 كيلو وفى ناس بتغيرة على 90 الف و 100 الف بس انا اخاف ينقطع لا قدر الله
اللى تم تغيرة
1 - سير كاتينة
2 - سير تكييف
3 - سير دينامو
4 - أولسية الكامة
5 - بلية شداد الكاتينة
6 - أولسية الكرنك

[محمد طايع]

مبروك على الصيانه وشكرا على التقرير

[hossamsmsm]

ممكن تقولى سعر كل قطعه كام بالظبط ؟؟؟
وياترى اشتريتهم اصلى ولا يابانى ؟ ومنين ؟

[alkawther60]

نفس الطلب


الاسعار يا ابو صلاح


من قطع غيار لمصنعية

[salah_86]

معزرة أنا فاتح من الموبايل ﻷنى فى الشغل لقطع كلها أصلية بس ﻷأمانة انا معرفش تفصيل كل حاجة لوحدها بس أنا دفعت 1200 قطع غيار ومصنعية وبكدا هما ارخص من دايموند وخدوا بالكم ان اﻷسعار متغيرة علشان الدوﻻر

[delaga]

طب سعر منظف دورة البنزين الاصلى كام ؟؟؟؟؟؟؟؟؟؟

[salah_86]

تقريبا 80 او 85 جنية

[Eng.Peter]

مبروك

[mahmoud85]

هل حسيت بفرق في السحب او الاستهلاك بعد استعمال المنظف ؟
وهل غيرت فلتر البنزين قبل ؟

[salah_86]

بصراحة محسيتش بفرق رهيب يعنى باستعمال المنظف دا بس يمكن يكون فرق وانا مخدتش بالى اما الفلتر اه لما غيرت فلتر البنزين فرق معايا فى سحب العربية يعنى كنت بجيب من ال 100 لحد 160 او 170 بسرعة غير اللى كنت بوصلها قبل ما اغير الفلتر بس برضة مش زى ما كانت العربية جديدة ودا اكيد لان الفلتر اللى انا ركبتة مش اصلى